Спорт
Мурињо пак го боцна Тотенхем: Ако победиш, играш во финале, ако не те отпуштат

Жозе Мурињо не издржа да не го спомене својот поранешен клуб Тотенхем пред реваншот од полуфиналето на Конференциската лига со Лестер.
Рома на Мурињо ќе има над 70 илјади фана зад себе по 1:1 ремито на гости во Англија, точно една година по промовирањето во тренер на италијанскиот клуб. Тој се потсети на неговиот отказ од Тотенхем минатата сезона кога клубот се подготвуваше за финалето од Карабао-купот против Манчестер сити. Сити тогаш победија со 1:0.
„Единствениот меч што сакам да го победам е следниот, уште повеќе кога се работи за полуфинале. Ако победите, тогаш имате задоволство да играте финале – ако не ве отпуштат пред финалето. Затоа ова е посебен меч. За нас беше долг пат, за разлика од Лестер. Ние од првиот ден играме во Конференциската лига и беше многу тешко. 14 меча за право да играш во финале“, вели Мурињо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Надал закажа „тест“ со канадскиот талент Оже-Алијасим

Рафаел Надал, освојувачот на 13 титули од Ролан Гарос, продолжи со лесните победи на турнирот, победувајќи го со 6:3/6:2/6:4 Холанѓанецот Ботик ван де Цандшлуп, за да се доближи до мега-пресметката со актуелниот шампион и првносител, Новак Ѓоковиќ.
„Ова беше тежок меч против тежок противник и повторно имав среќа што поминав во три сет“, изјави Надал.
Петтиот носител Надал сега ќе игра против младиот Канаѓанец, Феликс Оже-Алијасим, кој со 7:6(3)/7:6(2)/7:5 ја доби тесната битка со Србинот Филип Крајиновиќ.
Доколку Надал го добие Оже-Алијасим, а Новак Ѓоковиќ биде подобар од Аргентинецот Диего Шварцман, двајцата најуспешни тенисери во последните децении ќе се судрат во мега-пресметка.
Спорт
Ферари убедливи на стартот во Монако – ќе ја скрши ли Леклер „клетвата“?

Шарл Леклер беше најбрз на двата тренинзи пред својата домашна трка, славното Монако ГП, за да покаже дека Ферари уште ја имаат предноста пред Ред бул по трите победи во низа на ривалите од Ред бул, односно на Макс Ферстапен.
Леклер во втората сесија на улиците на Монте Карло беше само 0.044 секунди побрз од својот колега Карлос Саинс Јуниор, додека ривалите од Ред бул заостануваа над 3 десетинки – Серхио Перез беше трет со 0.379 послабо време, а Ферстапен на четвртото место беше поспор за 0.447 секунди.
Остатокот од ривалите заостануваа над половина секунда – Лендо Норис беше петти за Мекларен пред британскиот сонародник Џорџ Расел во Мерцедес, а во топ 10 беа и Пјер Гасли (Алфа Таури), Фернандо Алонсо (Алпине), Себастијан Фетел (Астон Мартин) и Јуки Цунода (Алфа Таури).
Леклер нема победа на својата домашна трка.
Спорт
Ѓоковиќ сигурен во Париз, продолжува одбраната на круната

Новак Ѓоковиќ повторно имаше релативно лесна победа во три сета, совладувајќи го Словенецот Аљаж Бедене со 6:3/6:3/6:2 за пласман во осминафиналето на Ролан Гарос, каде што е актуелен носител на титулата.
Со победата по час и 48 минути игра, светскиот рекет број 1 продолжи со импресивната игра на земја по неубедливите подготовки за Франција опен, откако во првите три меча на црвената земја, не загуби ниту еден сет.
Следен за Ѓоковиќ е Аргентинецот Диего Шварцман, кој му оддржа вистинска лекција за игра на земја на Григор Димитров, победувајќи го бугарскиот тенисер со 6:3/6:1/6:2.