Спорт
Мурињо: Исходот на првенството беше одреден уште пред почетокот

Фенербахче загуби со 1:0 од Бешикташ во 32. коло од турското првенство, со што заостанува осум бода зад лидерот Галатасарај на четири натпревари до крајот на сезоната.
Тренерот на Фенербахче, Жозе Мурињо е свесен дека Галатасарај и оваа сезона ќе ја освои шампионската титула.
„Нема да зборувам за нив (Галатасарај). Можам да зборувам за лигата. Ниту еден збор не се променил од она што го кажував во текот на целата сезона. Еден од проблемите што ги има Фенер е како да се справи со оваа многу силна структура. Многу е тешко да се справи со тоа. Тоа е многу поголемо од квалитетот и желбата. Играчите исто така го чувствуваат тоа. Тие знаат дека е невозможно да се постигне она што го сакаат“, почна тој и продолжи.
„Моите играчи дадоа сè од себе на теренот. Имаше и разочарувања во текот на натпреварот. Моите играчи се недопирливи затоа што дадоа сè од себе, а не поради квалитетот што го покажаа денес на теренот. Натпреварот што го одигравме денес не беше одлучувачки. Ќе ја завршиме лигата на второто место.“
„Мислам дека исходот на првенството беше одреден пред почетокот. Секако, математички, бодовите што ги загубивме на последните домашни натпревари беа одлучувачки во однос на конечниот пласман. Но, како што реков, епилогот на првенството беше познат пред да започне“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона со стил ја заврши сезоната

Точка на сезоната во шпанското првенство ставија Атлетик Билбао и Барселона во Баскија, каде што актуелниот шампион победи со 3:0 (2:0) и со тоа ја спушти завесата на сезоната во која постигна 101 гол.
„Црвено-белите“ нема да жалат премногу за овој пораз бидејќи одамна го обезбедија четвртото место и пласманот во Лигата на шампионите, каде што се враќаат по 10 години.
Навивачите на „Сан Мамес“ се збогубаа со легендата Оскар де Маркос. Еден од капитените стави крај на кариерата.
Барса ги реши сите проблеми во првата половина од првото полувреме, а двоен стрелец беше полскиот напаѓач Роберт Левандовски. Полјакот головите ги постигна во 14-та и 17-та минута.
Во самиот финиш, ВАР интевенираше, Барселона доби пенал, а Дани Олмо во 94.минута го постави конечниот резултат.
Барса и Атлетик Билбао, но и Реал Мадрид, Атлетико Мадрид и Виљареал ќе играат во Лигата на шампионите следната сезона. Место во Лига Европа обезбедија Бетис и Селта, а во Конференциската лига ќе се натпреварува Рајо Ваљекано.
Спорт
(Видео) Јуве од пенал до Лигата на шампионите, Лацио остана без Европа

Драматичен крај имаше сезоната во Серија А. Најголеми губитници се фудбалерите на Лацио, во последната рунда останаа без место во европските купови. Лацијалите на домашен терен загубија од Лече (0:1). Екипата од југот на Италија со овој триумф избори опстанок во лигата.
Лацио против давеникот не успеа да постигне гол, еден бод ќе го однесеше клубот во Лигата на Конференции. Лацио, цело полувреме играше со фудбалер повеќе, но ниту тоа не им беше доволно да се спасат од поразот. Херој на Лече е Кулибали, неговиот гол во 43.минута го реши победникот.
Јувентус, со многу труд успеа да победи кај Венеција (3:2) и да го задржи четвртото место на табелата. „Старата дама“ и наредната сезона ќе игра во Лигата на шампионите.
Во втората минута, Венеција поведе преку Фила, но по нешто повеќе од половина час игра, Јувентус успеа да направи пресврт со головите на Јилдиз и Коло Муани.
Ново израмнување имаше во 55-та минута кога Хапс постигна гол за домаќините, а во тој момент Рома имаше водство од два гола против Торино и беше јасно дека оди кон победа.
Мануел Локатели го спаси Јувентус од со голот од пенал во 73-та минута. Овој резултат остана до крајот на разочарување на навивачите на Рома и нивниот тренер Клаудио Раниери. Овој натпревар беше 500-ти за Раниери како тренер во Серија А.
Покрај Јуве, во Лигата на шампионите одат и шампионот Наполи, Интер и Аталанта. Рома и Болоња ќе играат во Лига на Европа, а Фиорентина во Конференциската лига. Монца, Венеција и Емполи се селат во Серија Б.
Спорт
Никола Миротиќ се договорил со Монако

Монако вечерва не успеа да стане европски првак. Во Абу Даби, Монако го загуби финалето од Фенербахче со 70:81.
Еден час по завршувањето на финалето, медиумите објавија дека Никола Миротиќ од следната сезона ќе го носи дресот на клубот од „малото кнежество“.
Миротиќ ќе потпише двегодишен договор со Монако, со можност тој да биде продолжен на уште една сезона.
Оваа информација ја објавува „Јурохупс“, а претходно беше споменато дека Миротиќ ќе замине од Милано и ќе се пресели во Монте Карло.
Според овој извор во наредните денови Миротиќ ќе го потпише договорот.