Спорт
Мурињо: Сигурен сум дека во иднина ќе работам во Саудиска Арабија

Тренерот на Рома, Жозе Мурињо, очекува во блиска иднина да започне со работа во Саудиска Арабија.
Португалскиот тренер ја покажа својата желба за водење на тимот на Саудиска Арабија за време на интервјуто за ТВ каналот МБЦ Египет, сопственост на саудиската МБЦ групација.
„Ќе одам во Саудиска Арабија, уверен сум дека ќе работам таму. Не знам кога, но прилично сум сигурен во тоа. Посветен сум на работата со Рома и сакам да му дадам се на клубот до последен ден“, истакна Мурињо по разочарувачкиот старт на сезоната.
„Никој не ја знае иднината, но јас дефинитивно ќе го направам ова – да работам во Саудиска Арабија“, рече тој.
Мурињо (60) неодамна изјави дека отфрлил огромна понуда од Саудиска Арабија да остане во Рома и трета сезона, откако го предводеше тимот да ја освои Конференциската лига и да стигне до финалето на Лига Европа.
„Во Саудиска Арабија вратата е секогаш отворена за мене. Сакам да го почувствувам развојот таму“, рече тренерот, кој предводеше тимови до национални титули во Шпанија, Англија и Италија, како и до две титули во Лигата на шампионите.
„Кристијано Роналдо беше првиот што отиде таму и веднаш даде поинаква перспектива. На почетокот играчите мислеа дека е игра на еден човек, но летото сфатија дека навистина сѐ се менува. Многу играчи, не само во последниот период од нивните кариери, но и некои играчи во најдобрите години од кариерата доаѓаат затоа што конкуренцијата е вистинска, не само во домашната лига, туку и Азиската Лига на шампиони е многу интересна“, изјави Мурињо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ за полувреме го декласира Интер Мајами

Пари Сен Жермен се пласираше во четвртфиналето на Светското клупско првенство со убедлива победа против Интер Мајами.
Европскиот шампион победи со 4:0 (4:0).
ПСЖ првиот гол го постигна по само шест минути игра. Витиња изведе одличен слободен удар од левата страна, го пронајде Невеш кој остана сам и ја испрати топката во мрежата. Мрежата на Интер се тресеше во 15-та минута, но голот на Руиз беше поништен поради офсајд.
А потоа на крајот од полувремето, три гола.
Прво, во 39-та минута, Невеш го постигна вториот гол на натпреварот по одлична акција, Руиз изнуди грешка во одбраната, одигра двоен пас со Баркола и на крајот го пронајде Невеш.
Интер потона дополнително кога во 44-та минута автоголот си постигна Авилес, а во третата минута од судиското продолжение, Баркола ја прими топката во шеснаесетникот, му ја додаде на Хакими, кој ја пресретна одбиената топка и ја испрати во голот.
Во четвртфиналето, Пари Сен Жермен ќе игра против подобриот од дуелот во кој Баерн и Фламенго се среќаваат во 22 часот.
Спорт
Помладиот Маркез мора да се оперира по несреќата во Асен

Возачот на Гресини, Алекс Маркез, се здоби со фрактура на раката во несреќа за време на Големата награда на Холандија.
Помладиот од браќата Маркез излета од патеката по дуелот со Педро Акоста, веднаш беше јасно дека има проблем со левата рака.
Прегледите во медицинскиот центар открија дека шпанскиот мотоциклист ја скршил втората метакарпална коска. Гресини објави дека е сигурно дека Маркез ќе биде опериран во Мадрид во текот на вечерта, а повеќе информации се очекуваат во понеделник.
Дуелот помеѓу Маркез и Акоста беше под истрага, но директорот на трката процени дека нема потреба од никаква казна.
Победата на Големата награда на Холандија ја освои постариот Маркез, пред Марко Бецеки на Априлија и тимскиот колега од Дукати, Франческо Бањаја.
По таков исход, постариот Маркез има предност од 68 поени во однос на својот помлад брат во шампионатот, додека Банџаин заостанува 126 поени на третото место.
Следната трка од шампионатот Мото ГП се вози за Големата награда на Германија на патеката Заксенринг од 11 до 13 јули.
Спорт
Бојан Богдановиќ објави крај на кариерата

Хрватскиот кошаркар Бојан Богдановиќ одлучи да се пензионира.
Богдановиќ ја објави својата одлука на социјалните мрежи.
„Понекогаш во животот не го избирате моментот. Тој ве избира вас. По 14 месеци борба со повреда на стапалото, две операции и безброј обиди да се вратам на теренот, време е да се затвори едно поглавје. По повеќе од две децении поминати на паркетот, дојде моментот да се збогувам со кошарката. Не само како спорт, туку и како дел од мене. Тешко е да се опише во неколку реченици сè што ми донесе кошарката. Ме обликуваше како спортист, но уште повеќе како личност“, напиша меѓу другото Богдановиќ.
Бојан Богдановиќ пристигна во НБА лигата во 2014 година. Ги бранеше боите на Бруклин, Вашингтон, Индијана, Детроит, Јута и Њујорк. Просечно постигнуваше 15,6 поени во 719 натпревари.
Пред тоа, играше во Европа за Зрињски, Реал, Цибона, Мурсија и Фенербахче.