Дани Алвеш, поранешен бразилски фудбалер, е ослободен од обвиненијата за силување пред Апелациониот суд во Барселона.

Поранешниот фудбалер на Барселона, Јувентус и Пари Сен Жермен претходно беше прогласен за виновен за силување жена во тоалетот на ноќен клуб во Барселона кон крајот на 2022 година, по неговото враќање од Светското првенство во Катар.

Тој во март минатата година со првостепена пресуда беше осуден на четири и пол години затвор, а по една година и два месеци затвор, откако плати гаранција од милион евра, беше пуштен на слобода.

Бразилецот остана на слобода, но без бразилскиот и шпанскиот пасош. Тој мораше да се јавува на суд секој петок и не му беше дозволено да ја напушти Шпанија додека не заврши судењето. Освен тоа, му било забрането да и се приближува на оштетената и морал да плати 150.000 евра отштета.

Но, до промената дошло бидејќи судот не го сметал исказот на жртвата доволен за да ја потврди пресудата, пренесува „Диарио“.

Алвеш во кариерата има освоено 42 титули, вклучувајќи три Лига на шампиони со Барселона и две Копа Америка со Бразил.

Најголемиот успех го постигна играјќи за Барселона, со која освои 23 трофеи од 2008 до 2016 година.

Фантастични вести за навивачите на лондонски Арсенал.

Еден од најдобрите играчи на „топчиите“, репреентативецот Букајо Сака по три месеци се врати на тренинзите со првиот тим.

Арсенал на своите профили на социјалните мрежи објави фотографија од Сака на тренинг. Истото го направи англискиот фудбалер со пораката: „Повторно здраво“.

Англиските медиуми пренесуваат дека 23-годишниот фудбалер ќе биде подготвен за натпреварите против Реал Мадрид во четвртфиналето на Лигата на шампионите.

Букајо Сака на крајот на декември имаше операција на тетивата, откако се здоби со повреда на мечот против градскиот ривал Кристал Палас. Сака оваа сезона одигра 24 натпревари за Арсенал и постигна девет гола со 13 асистенции.

Шпанската фудбалска легенда, поранешен шеф на Фудбалската федерација на земјата и вршител на должноста претседател на УЕФА, 75-годишниот Анхел Марија Виљар, се соочува со 15-годишна затворска казна поради корупција.

Според „Марка“, шпанското обвинителство побарало 15,5 години затвор за Анхел Марија Виљар, поранешниот претседател на Шпанската фудбалска федерација (РФЕФ).

Виљар беше обвинет за злоупотреба на службената положба, корупција и проневера помеѓу 2007 и 2017 година. Шпанската федерација претрпе загуби од речиси пет милиони евра во тој период. Виљар ја искористи својата позиција за да добие профитабилни договори во интерес на својот син, Горка Виљар.

Како претседател на РФЕФ, Анхел Марија Виљар склучи договори со фудбалските асоцијации во други земји за организирање пријателски натпревари со шпанската репрезентација. Во исто време, неговиот син Горка бираше противници и услови за натпревар преку својата компанија, што нанесе финансиска штета на Фудбалската федерација.

Управата за антикорупција поднесе обвинителен акт против осуммина обвинети во случајот, меѓу кои и 49-годишниот Горка Вилар. За него истрагата бара седумгодишна затворска казна. Меѓу обвинетите е и поранешниот потпретседател на РФЕФ, Хуан Падрон Моралес (89), за кого инспекторите бараат шест и пол години затвор.

Анхел Марија Виљар е легенда на шпанскиот фудбал. Како фудбалер, најголемиот дел од својата кариера го помина во Атлетик Билбао, освојувајќи го шпанскиот куп во 1973 година и играјќи во финалето на Купот на УЕФА во 1977 година. За шпанската репрезентација одигра 22 натпревари од 1973 до 1979 година и постигна три гола. По завршувањето на кариерата, тој беше претседател на Шпанската фудбалска федерација речиси 30 години (1988-2017).

Тој исто така имаше неколку важни улоги во УЕФА и ФИФА. Тој беше потпретседател на УЕФА со години (1992-2017), а по суспензијата на Мишел Платини во октомври 2015 година, тој беше в.д. претседател на УЕФА речиси една година (до септември 2016 година). Сепак, следниот месец тој беше казнет со 25.000 швајцарски франци и предупреден од Етичкиот комитет на ФИФА за несоработка во истрагата во процесот на наддавање за Светското првенство во 2018 година.

Во јули 2017 година, тој беше уапсен под сомнение за проневера на средства. Неколку дена подоцна тој поднесе оставка од функциите во ФИФА и УЕФА.