Бордот на директори на Кралската шпанска тениска федерација (РФЕТ) едногласно го одобри предлогот за одредување на „Национален де на тенисот“ на 3 јуни, роденденот на најдобриот шпански тенисер во историјата, Рафаел Надал.

Според предлогот, на 3 јуни над 1.500 тениски клубови во Шпанија ќе го одбележат празникот со турнири, изложби и посеби церемонии.

„Идејата беше фантастична, а шпанскиот фудбал има што да слави. Го имаме најдобриот шпански спортист на сите времиња, актуелни шампиони сме од Дејвис купот и мораме да го одбележиме тоа“, вели Мигуел Дијаз, претседателот на РФЕТ.

Со 20 гренд слем титули и 36 Мастерс 1000 трофеи, Надал е еден од најдобрите тенисери на сите времиња и вистинска легенда во својата татковина. Тој е во топ 10 на АТП листата од април 2005 година и останува конкурентен и покрај низата повреди и паузи.

Данскиот селектор Каспер Хјулманд му оддаде емотивна почест на Кристијан Ериксен по вчерашната 4:1 победа над Русија со која обезбедија место во осминафиналето на ЕУРО 2020.

Данците беа без Ериксен, кој го шокираше фудбалскиот свет со колабирањето на првиот меч против Финска, добивајќи срцев напад. Хјулманд откри дека носел посебен прстен на мечот со Русија во чест на Ериксен.

„Никогаш не сум носел накит во мојот живот, ова е првпат. На прстенот има мало фудбалче и Кристијан кој сега беше со мене. Размислував многу за него, бидејќи како што кажав и претходно, тој е срцето на нашиот тим и се боревме за него. Тој ни ја даде потребната инспирација“, вели Хјулманд.

Данците во осминафиналето во сабота играат со Велс на „Јохан Кројф арената“ во Амстердам.

Дефанзивниот енд на Лас Вегас рајдерс, Карл Насиб стана првиот активен НФЛ играч кој признал дека е хомосексуалец, откривајќи го ова преку социјалните мрежи.

„Се наоѓам во мојата куќа во Вест Честер, Пенсилванија, и сакав да го искористам овој момент да откријам дека сум геј. Планирав да го направам ова подолго време, но дури сега се почувствував удобно да го направам тоа. Го имам најдобриот живот, најдоброто семејство и пријатели и работа која ја сакам. Знаете дека си ја ценам приватноста и не го правам ова за да добијам внимание“, вели Насиб.

Насиб потпиша за Рајдерс во 2020 и има тригодишен договор вреден 25 милиони долари, а минатата сезона имаше 2.5 собрани топки во 14 натпревари за Лас Вегас. Тој беше избран на драфтот во 2016 од Кливленд браунс, а потоа играше и за Темпа Беј буканирс.

Мајкл Сем беше првиот геј играч кој беше драфтуван во НФЛ во 2014 година, кога Сент Луис рамс го избраа, но тој не заигра ниту еден меч во НФЛ.