Спорт
На Барселона и се заканува финансиски крах ако испадне од Лигата на шампионите

Барселона е на работ на испаѓање од Лигата на шампионите, а тоа покрај резултатски ќе биде и финансиски крах за каталонскиот гигант. Лапорта и раководните луѓе на Барселона преземаа огромен ризик ова лето, доведоа голем број засилувања, но и проектираа дека дел од парите ќе бидат заработени со успесите во ЛШ.
Буџетот е проценет на 1,25 милијарди евра, а минималната цел што си ја поставиле е четвртфиналето од Лигата на шампионите. Тоа, претпоставуваат, би ги покрило дупките создадени со доведување нови играчи и инвестирање во тимот, но веројатно нема да се случи. Постои закана од колапс, бидејќи нема да има пари од наградите на УЕФА, спонзорите, ТВ правата, за целата нокаут фаза на натпреварувањето.
Проекциите велат дека ниту освојувањето на Лига Европа, во која Барса најверојатно ќе испадне втора година по ред, нема да биде доволна за покривање на новосоздадениот буџетски дефицит.
Првите проекции велат дека Барселона ќе загуби околу 20 милиони евра само од неучеството во нокаут фазата од Лигата на шампионите. На тоа треба да се додадат пари од ТВ права, спонзорски награди и други работи.
Шпанските медиуми зачудено истакнуваат дека Барселона веќе не мора ниту да ги игра преостанатите два натпревари… Доколку Интер го победи Плзен дома на 26 октомври закажан за 18.45 часот, мечот на Барселона со Баерн Минхен од 21 часот ќе стане ирелевантен за конечниот пласман на табелата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Откриен идентитетот на провокаторот од „Енфилд“ – отслужил казна за навреда на жена со попреченост

Англиските медиуми го идентификуваа човекот, навивач на Ливерпул, кој постојано го навредуваше тренерот на Атлетико Мадрид, Диего Симеоне за време на исклучително квалитетниот натпревар од Лигата на шампионите на „Енфилд“.
Освен победата на „Црвените“ од 3:2 со гол на Ван Дајк во втората минута од судиското продолжение, натпреварот ќе биде запаметен и по вербалниот конфликт, помеѓу Диего Симеоне и навивач на домашниот клуб.
Инцидентот се случи веднаш по голот на Ван Дајк, споменатиот навивач веќе испрати низа навреди кон тренерот на гостите, а беше снимен и како прави непристојни гестови кон Аргентинецот, кој откако прими гол на крајот, „пукна“ и тргна по провокаторот.
Поради реакцијата на редарите и помошниците, Симеоне не ја премина „црвената линија“ и се откажа од физичкиот конфликт со навивачот, поточно, беше спречен да направи такво нешто.
Колку и да е реакцијата на Аргентинецот на прв поглед несоодветна, таа беше природна, бидејќи постојано трпеше навреди од човек кој, како што открија англиските медиуми, веќе има историја на проблематично однесување на натпреварите.
Неговото име е Џонатан Лук Полтер. Во 2015 година, на Полтер му беше забранет влез на стадиони во Англија затоа што навреди жена во инвалидска количка за време на прошталниот натпревар на легендата на Ливерпул, Стивен Џерард.
Со оглед на тоа што и овој пат беше „фатен на дело“, се очекува Ливерпул да покрене постапка против него и евентуално да го казни за ова однесување.
And guess what? Turns out Diego Simeone was right. Here's a video of the clown at Anfield who spent the whole game insulting Cholo.
Grown man 🤦♂️pic.twitter.com/4aEng0t8jQ
— Atletico Universe (@atletiuniverse) September 17, 2025
Спорт
Дани Алвес го изгуби судскиот спор со клубот, ќе мора да плати милионска отштета

Судот за спортска арбитража (CAS) пресуди во корист на мексиканскиот тим Пумас УНАМ во нивниот правен спор со Дани Алвес. На почетокот на 2023 година, Пумас го отпушти бразилскиот дефанзивец поради обвинение за сексуална злоупотреба со кое се соочуваше во Шпанија. Клубот го раскина неговиот договор, а во мај 2024 година започна судска постапка за добивање отштета од играчот.
Алвес пристигна во Мексико од Барселона во јули 2022 година, но во јануари 2023 година беше обвинет за силување девојка во тоалетот на ноќен клуб во Барселона. Откако првично беше осуден на четири и пол години затвор, Алвес беше ослободен од Апелациониот суд во март оваа година. Шпанското обвинителство поднесе жалба до Врховниот суд против поништувањето на пресудата за силување.
Алвес играше за Пумас само шест месеци, а клубот побара отштета за штетата што фудбалерот му ја направил на клубот.
Бразилскиот фудбалер, од друга страна, го тужеше клубот до ФИФА, тврдејќи дека Пумас еднострано и неоправдано го раскинал неговиот договор. Тој побара финансиска отштета за остатокот од договорот, тврдејќи дека неговите договорни права биле прекршени.
CAS пресуди во корист на клубот, потврдувајќи дека Пумас УНАМ постапил во рамките на своите права кога го раскинал договорот на играчот откако бил уапсен во Шпанија.
Точната сума што Алвес мора да му ја плати на Пумас не е објавена, но се шпекулира дека е помеѓу два и пет милиони долари.
Алвес, поранешен бразилски репрезентативец, играл за Баија, Севилја, Барселона, Јувентус, ПСЖ, Сао Паоло и Пумас УНАМ. Во текот на својата кариера, тој освои 43 трофеи. Само Лионел Меси освои повеќе трофеи во кариерата, вкупно 46.
Foto/ EPA
Спорт
Меси и Мајами постигнаа договор

Аргентинецот Лионел Меси ќе ја продолжи кариерата во Мајами, објавува ESPN.
Нов повеќегодишен договор е подготвен за еден од најдобрите играчи на сите времиња. За клубот клубот од Флорида, Меси игра од 2023 година, кога помина „преку барата“ по брилијантната европска кариера.
„Останува двете страни да се договорат за уште некои детали пред да го потпишат новиот договор“, тврди ESPN.
По оваа вест, шпекулациите дека славниот Аргентинец ќе се пресели во друга земја, во друг клуб, паднаа „во вода“, а повеќе од плодната соработка што носи огромни придобивки за двете страни, на и надвор од теренот, продолжува.
Да се потсетиме дека Меси потпиша за Мајами во јули 2023 година, а потоа отвори нова страница од својата неверојатна кариера. Тогаш потпиша договор на две и пол години, до крајот на 2025 година.
Во претходната сезона, Аргентинецот одигра 36 натпревари и постигна 28 гола, и имаше 14 асистенции во сите натпреварувања.
Тој е моментално најдобриот стрелец на тимот.
Foto/ EPA