Спорт
На Гвардиола не му е првпат негов тим да слави со 8-0
Сити денеска го демолираше Вотфорд со 8-0, но далеку од тое дека тренерот на „граѓаните“, Шпанецот, Пеп Гаврдиола во минатото не постигнувал слични резултати со екипите кои ги предводел.
Денешниот резултат или дури и поубедлив се случува по шестипат во кариерата на Гвардиола:
Алмерија – Барселона 0-8
Натпреварот е игран во ноември во сезоната 2010/2011, додека Гаврдиола беше на кормилото на Каталонците. Меси тогаш постигна хет-трик, Кркиќ постигна два гола, а Педро и Иниеста постигнаа по еден гол. На мечот имаше и автогол на домаќините.
Барселона – Осасуна 8-0 , Оспителет – Барселона 0-8
Во иста сезона двапати по 8-0. Тимот од памплона настрада во септември 2011, Меси повторно 3 гола, 2 на Давид Вилја, по еден на Фабрегас и Чави. И еден автогол.
Нисколигашот во Купот на Шпанија не го имаше Меси за противник, но расположени беа Куенка, Тељо и Тиаго Алкантара.
Баерн Минхен – ХСВ 8-0
Кога дојде Гвардиола во Германија продолжи да го работи истото што и во Шпанија, да освојува трофеи. Хамбург често губеше од Баерн, но на почетокот на 2015 дури шестмина стрелци ја полнеа мрежата на ХСВ. Милер и Робен прецизно стрелаа по двапати.
Манчестер Сити – Бартон Албион 9-0
На почетокот на годинава, на 9 јануари Сити имаше победа за паметење против Бартон Албион со 9-0 во Лига купот на Англија. Габриел Жесус постигна 4 гола.
Денешниот триумф против Ватфорд е историски затоа што 5-0 беше веќе во 18 минута.
До сега рекордот го држеше Арсенал кој истиот резултат го постигна против Саутемптон, но до 23 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Голман на Интер усмртил човек
Шпанскиот голман на Интер, Хозеп Мартинез, беше вклучен во тешка сообраќајна несреќа во градот Фенегро, недалеку од Комо, во која животот го загуби 81-годишен маж во инвалидска количка, објавија италијанските медиуми.
Трагедијата се случила во утринските часови, околу 9:30 часот, во близина на тренинг центарот на Интер.
Според првите извештаи, постариот маж, од сè уште непознати причини, преминал на спротивната лента од патот, во моментот кога поминувал автомобилот управуван од Мартинез.
Итните служби брзо пристигнале на местото на несреќата, но и покрај напорите на лекарите, човекот не преживеал.
Италијанските портали наведуваат дека е можно на жртвата претходно да и се слошило, што довело до кобната несреќа.
Мартинез, кој летово пристигна во Интер од Џенова како резерва на швајцарскиот голман Јан Зомер, не го коментираше инцидентот, а истото важи и за клубот од Милано.
Спорт
Јокиќ првпат го коментира дебаклот на Србија на Европското првенство
Никола Јокиќ беше расположен по победата на Денвер над Минесота (127:114) и уште еден трипл-дабл настап (25 поени, 19 скокови, 10 асистенции).
Во Минеаполис, Србинот одговори и на неколку прашања на новинар на Српската радио-телевизија.
Јокиќ за прв пат го коментираше дебаклот на Србија на Европското првенство, каде што беше елиминирана во осминафиналето од Финска. Познато е дека Јокиќ воопшто не зборува за медиумите во Србија од непознати причини.
Дали ги сумираше впечатоците од Европското првенство? – праша новинарот на РТС
„Било поминало“, кратко рече Јокиќ.
Многумина го гледаат овој тим на Денвер како фаворит за освојување на НБА?
„И Србија беше фаворит на Европското првенство, светско, што и да беше…“
Во првите три натпревари, Нагетс остварија две победи и еден пораз?
„Атмосферата во тимот е подобра, се обидуваме да направиме некои нови работи. Се надевам дека ќе ја продолжиме нашата победничка серија. Дури и кога загубивме од Голден Стејт, мислам дека игравме добро“, рече Јокиќ.
Foto/ FIBA
Спорт
Ракитиќ мораше да избира помеѓу Иниеста, Чави и Модриќ
Техничкиот директор на Хајдук, Иван Ракитиќ (37), беше гостин на настан во Шпанија, земјата каде што мина најголем дел од успешната кариера. Во таа прилика, тој имаше краток разговор со новинар на „ДАЗН“, кој го замоли брзо да го избере најдобриот играч од средниот ред меѓу двајцата играчи.
Беа понудени пензионирани и активни играчи, претежно поранешни и сегашни членови на Реал Мадрид и Барселона.
За време на разговорот, Ракитиќ покажа поголема преференција кон своите поранешни соиграчи од Барселона, но кога дојде редот на Лука Модриќ, тој го избра него пред легендите на Барселона, Андрес Иниеста и Чави.
Соочен со тежок избор, Ракитиќ рече „како да избираш мама или тато“, но на крајот сепак го избра Модриќ.
Ракитиќ има 436 настапи во Ла Лига за Севилја и Барселона во својата кариера. Со каталонскиот клуб, играјќи заедно со Чави и Иниеста, ги освои сите трофеи на клупско ниво, додека со Лука Модриќ во хрватската репрезентација, освои сребро на Светското првенство во Русија во 2018 година.

