Спорт
На хрватските навивачи не им се допаѓаат новите дресови: „Катастрофа, како да сме Војводина“

Националните сојузи во пресрет на ЕУРО 2024 ги презентираат нови комплети опрема во која ќе настапат на континеталниот шампионат. Новиот изглед на опремата во која ќе настапат Хрватите ја налути јавноста.
Иако се уште не е официјално претставен, на социјалните мрежи се појави изгледот на новите дресови.
Анкетата на хрватскиот медиум „Индекс“ покажува дека над две третини од испитаниците (повеќе од 3.000 луѓе) сметаат дека црвено-белиот дрес е лош.
Хрватите издвоија неколку коментари кои најдобро го опишуваат мислењето на јавноста.
„Овој главниот дрес е катастрофа, личи на дресот на ФК Војводина. Вториот е ок.“,
„Синиот дизајн требаше да се примени и на црвено-белите. Вака навистина е грд“, беа само дел од негативните коментари.
Репрезентацијата на Хрватска на Европското првенство ќе ги одмери силите во групата Б против селекциите на Албанија, Италија и Шпанија.
💣💣💣 𝗕𝗥𝗘𝗔𝗞𝗜𝗡𝗚: Croatia Euro 2024 Home & Away Kits Leaked: https://t.co/OHdRjqIpBU
— Footy Headlines (@Footy_Headlines) March 13, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мастерсот во Шангај доби сензационален полуфиналист

Валентин Вашеро, 211-от тенисер во светот кој игра под знамето на Монако, се пласираше во полуфиналето на Мастерсот во Шангај.
Иако целосен аутсајдер, Вашеро го победи Холгер Руне во три сета, со 2:6, 7:6, 6:4.
Мечот беше решен откако поради грчевите Данецот не можеше да стои, а во последните поени беше целосно беспомошен.
Вашеро го искористи тоа и стигна до најголемиот успех во својата кариера, но секако мора да му се оддаде признание за она што го направи претходно.
Во вториот сет беше на работ на пораз, но играше феноменално во тај-брејкот и спречи елиминација, а подоцна, со грчевите на Руне, успеа да слави.
Инаку, ова беше негов шести меч во Шангај, од кои еден доби кога Махач му го предаде мечот, а во другите пет, внимавајте, победи откако го губеше првиот сет, а потоа успеваше слави по пресврт.
Во борбата за финалето во Шангај, негов ривал ќе биде победникот мечот меѓу Белгиецот Зизу Бергс и српскиот тенисер Новак Ѓоковиќ.
Foto/ EPA
Спорт
Мајката на Мбапе се жали дека нејзиниот син ја плаќа цената на славата

Фаиза Ламари, мајката на Килијан Мбапе, откри детали од приватниот живот на својот син, еден од најдобрите играчи на денешницата.
Во вторникот, во Париз се одржа настанот „Demain le Sport“, каде што таа зборуваше за тоа колку е тежок животот на ѕвездата на Реал Мадрид.
„Разговарав со него минатата година, кога работите не одеа добро. Го прашав дали сака да има девојка, а тој одговори: „Дали во овој хаос има место за некоја жена?““, рече Фаиза Ламари.
Таа истакна дека нејзиниот син понекогаш само сака да избега од сè.
„Знаете, некогаш се вози во Пежо 206 само за да види како изгледа нормалниот живот. Тој повеќе не може да оди по улицата како нормален човек. Тоа ме прави тажна.“
Таа се осврна и на истрагата за наводниот сексуален напад за кој Килијан Мбапе беше обвинет минатата година во Шведска.
„Му верував на Килијан, но го прашав директно: „Дали го направи тоа?“ Тој одговори: „Дали си луда?“ Тоа беше единственото патување што не го организиравме ние… и затоа ја плативме цената.“
Фото/ Принтскрин
Спорт
Американците го преместија натпреварот нао Аргентина во друг град

Пријателскиот натпревар меѓу Аргентина и Порторико во Соединетите Американски Држави е преместен од Чикаго во Форт Лодердејл и одложен за вторник поради безбедносни и логистички проблеми, соопштија организаторите.
Натпреварот, кој првично беше закажан да се игра во понеделник на „Солдер Филд“, сега ќе се одржи ден подоцна на стадионот „Чејс“ во Флорида, домот на капитенот на Интер Мајами, Лионел Меси.
Според медиумите, локацијата е променета поради протестите во Чикаго против американската имиграциска политика, што го отежна гарантирањето на безбедноста на настанот.
Светскиот шампион Аргентина, која веќе го обезбеди своето место на Светското првенство следната година во Соединетите Американски Држави, Мексико и Канада, ќе игра и против Венецуела пријателски натпревар, во петок на стадионот „Хард Рок“ во Мајами.