Спорт
На крајот Американците останаа без медал – Канада со брoнза по драматичното продолжение

Најголемите фаворити, кошаркарската репрезентација на САД остана без медал на Светското првенство во Јапонија, Индонезија и Филипините, откако во драматична борба за третото место, загубија од Канада со 127:118 (34:25, 24:31, 33:26, 20:29, 16:7).
По изненадувачкиот пораз од Германија, Американците под водство на тренерот Стив Кер, повторно беа фаворити и против своите соседи, но имаа полошо отварање на мечот, по што цело време се обидуваа да се вратат во игра. Тие успеаја да примораат продолженија со тројка во последните секунди од мечот преку Мајкал Бриџис, но потоа во продолжението Канаѓаните беа подобри и заслужено стигнаа до бронзениот медал.
Дилон Брукс беше фантастичен за Канада со 39 поени и 7 тројки, додека Шеј Гилџис Александер заврши со 31 поен, додека кај Американците, Ентони Едвардс беше најефикасниот со 24 поени, а Остин Ривс заврши со 23.
Ова е прв медал на Светските првенства за Канада, додека Американците, неочекувано, втор Мундобаскет во низа остануваат без одличје.
Во големото финале од 14:40 часот, Србија ја пречекува Германија во европско финале.
MIKAL BRIDGES HITS THE GAME-TYING THREE 💥💥💥#FIBAWC x #WinForUSA 🇺🇸 pic.twitter.com/cnkKgt2SL0
— FIBA Basketball World Cup 2023 🏆 (@FIBAWC) September 10, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн за Дијаз подготви 85 милиони евра

Баерн не се откажува од трансферот на Луис Дијаз од Ливерпул.
Германскиот шампион испрати понуда од 65 милиони евра пред неколку дена, но челниците на клубот од „Енфилд“ ја отфрлија без размислување.
„Билд“ тврди дека челниците на Баерн доцна синоќа испратиле понуда од 85 милиони евра, плус пет милиони евра бонуси, за колумбискиот репрезентативец, кој пред две недели донесе одлука да го напушти Ливерпул.
Многумина веруваат дека оваа понуда ќе биде прифатена и дека Дијаз ќе биде нов член на Баерн од понеделник.
Foto/ EPA
Спорт
Ѓокереш официјално е играч на Арсенал

Виктор Ѓокереш е новиот играч на Арсенал, 27-годишниот напаѓач денес ги помина медицинските тестови во Лондон и потпиша договор со гигантот од „Емирати“.
Најголемото воодушевување беше забележано кај Микел Артета, кој верува дека конечно доби напаѓач кој може да постигне најмалку 20 голови во една сезона.
„Воодушевени сме што го пречекуваме во клубот. Неговите голови зборуваат за него. Има толку многу квалитет, брз е, силен, со неверојатни бројки. Возбудени сме од она што може да ни го донесе. Нему и на неговото семејство му посакуваме добредојде во Арсенал“, рече Артета.
Патем, Џокерес го зеде бројот 14 во Арсенал.
Извонредниот Швеѓанец минатата сезона за Спортинг постигна 54 голови на 52 натпревари.
Арсенал за трансферот издвои 63,5 милиони евра, а дополнителни 10 милиони Спортинг може да заработи преку дополнителните бонуси.
Foto/ arsenal.com
Спорт
ПСЖ мора да го продаде Донарума

Каде ќе брани еден од најдобрите голмани во светот во новата сезона?
Како што стојат работите, тој нема да биде во Пари Сен Жермен. Како што објави „Фудбал Италија“, повикувајќи се на „Лекип“,бигантите од Манчестер, Сити и Јунајтед се вклучиј во трката за потписот на Џиџи Донарума.
Во последните денови, се повеќе се навестува дека иднината на Донарума во Франција е сериозно доведена во прашање. Неговиот договор важи само до 30 јуни 2026 година, а преговорите за продолжување се во ќорсокак.
Пари Сен Жермен не сака да дозволи уште една ѕвезда од тимот да си замине без обештетување и се чини дека затоа одлучиле да го продадат одличниот голман ова лето.
По тој повод, „Лекип“, пишува дека Манчестер Јунајтед и Сити им се придружија на Челзи и Галатасарај, кои беа поврзувани со Донарума уште претходно.
Доколку се врати во Серија А, единствените веројатни кандидати би биле Интер и Јувентус, наведува „Фудбал Италија“.
Италијанецот беше еден од најдобрите играчи на Пари Сен Жермен минатата сезона на патот кон освојување на Лигата на шампионите.
Во исто време, ПСЖ бара негов наследник, а изборот наводно паднал на Лука Шевалие, голманот на Лил.