Спорт
На Пикси му откажаа поради повреди, а во Ал Хилал нормално тренираат

Александар Митровиќ и Сергеј Милинковиќ-Савиќ поради повреди нема да настапат за српската репрезентација против Шпанија во првото коло од новиот циклус на Лигата на нации.
Веднаш откако му откажаа на селекторот Драган Стојковиќ, српските медиуми лиферуваа информации дека двајцата не се во добри односи со селекторот и дека повеќе нема да играат за Србија додека тој е селектор.
Потврда дека медиумите не „пукале со празни пушки“ е објавата на Ал Хилал, клуб чии дрес го носат Србите Митровиќ и Милинковиќ-Савиќ.
На видеата кои Ал Хилал ги објави на социјалните мрежи може да се види дека по тренингот во теретана српските репрезентативц одработиле и тренинг-натпревар, односно комплетен тренинг.
Репрезентацијата на Србија го започнува учеството во Лигата на нации, а во првото коло вечерва од 20 часот и 45 минути на стадионот „Рајко Митиќ“ го пречекува европскиот првак Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Медисон ја пропушта целата сезона?

Лоши вести за Тотенхем. Повредата на Џејмс Медисон е сериозна и тој ќе биде надвор од терените долго време.
Креативниот играч од средниот ред се повреди на пријателскиот натпревар против Њукасл (1:1) во Јужна Кореја.
Во прашање се вкрстените лигаменти на десното колено. Според првите информации, тој сигурно ќе го пропушти поголемиот дел од сезоната, а можеби и целата сезона.
Минатата сезона Медисон забележа дабл-дабл од 12 гола и 11 асистенции.
Фото/ Принскрин
Спорт
Душан Тадиќ се договорил со Ал Вахда

Душан Тадиќ, во текот на преодниот рок се поврзуваше со Атлетико Мадрид и Црвена звезда, кариерата ќе ја продолжи во Обединетите Арапски Емирати.
Поранешниот играч на Фенербахче ќе биде член на Ал Вахда во следните две години, односно договорот ќе биде потпишан на една плус една година.
Минатата сезона, Ал Вахда заврши на третото место, што беше разочарувачки резултат, па затоа почнаа да го обновуваат тимот. Го ангажираа португалскиот стручњак Жозе Мораиш, а планот очигледно е Тадиќ да биде првата ѕвезда во кампањата за титулата.
Фото/ Принскрин
Спорт
Најскапиот играч во историјата на Сити ќе го напушти клубот

Најскапото засилување во историјата на Манчестер сити, играчот од средниот ред Џек Грилиш (29), би можел да ја оживее својата кариера во Евертон, објавија британските медиуми. Тренерот на Евертон, Дејвид Мојес, многу го почитува Грилиш и би сакал да го има во своите редови.
Евертон, кој оваа година се пресели на нов стадион вреден 900 милиони евра, би сакал да го откупи договорот на Грилиш доколку цената е прифатлива. Сепак, се разгледува и едногодишна позајмица.
Грилиш ангажирал личен тренер и сака да се врати во англиската репрезентација, но тоа не е можно додека Гвардиола е на чело на Сити. Затоа Грилиш сака да го напушти клубот.
Еден од најдобрите англиски дриблери пристигна во Манчестер сити пред четири години од Астон Вила во трансфер вреден 117 милиони евра. Неговиот договор со Сити истекува во јуни 2027 година, а тој заработува дури 18 милиони евра годишно. Во Сити, само норвешкиот Ерлинг Халанд има поголема плата од него, околу 30 милиони евра.
Грилиш од стандарден играч во првиот тим на Сити стана играч од клупата, па затоа беше во почетниот состав само еднаш во Премиер лигата минатата сезона. Тој одигра 39 натпревари за англиската репрезентација и запиша четири гола и осум асистенции.