Спорт
„На Сити му требаат лидери, а Гвардиола не сака карактерни личности во соблекувалната“
Патрис Евра, поранешен лев бек на Манчестер Јунајтед, во кариерата бил капитен на славниот клуб и на француската репрезентација. Легендарниот менаџер на Манчестер јунајтед, сер Алекс Фергусон секогаш ги фалеше неговите исклучителни лидерски квалитети. Трофејниот бек го критикуваше Пеп Гвардиола дека не може да поднесе тимот да има лидер на теренот.
Евра смета дека тоа е причината за шокантното испаѓање на Манчестер сити против Реал во полуфиналето на Лигата на шампионите, но и во другите нокаут натпревари од ЛШ, кои Пеп не успеа да ги добие во последните девет години, иако водеше големи тимови со речиси неограничен буџет, кави се Баерн и Сити.
„На Манчестер сити му требаат лидери, но Гвардиола не сака лидери. Не сака ликови во соблекувалната. Тој е лидер. Затоа влегуваат во неволја кога не им оди. На теренот нема никој кој би можел да им помогне“, изјави Патрис Евра за „Прајм видео“.
Тој, секако, мисли и на испаѓањето на Сити од Реал Мадрид во полуфиналето на Лигата на шампионите. Граѓаните имаа се во свои раце, но се распаднаа пред самиот крај на натпреварот. Евра вели дека ништо не е случајно.
„Така ги избира своите тимови, не сака играчи со карактер. Тој составува тимови за да може да ги контролира сите играчи. И кога работите тргнуваат наопаку, тој секогаш одлучува“.
Според Евра, овој проблем Сити нема да го решат ниту со Ерлинг Халанд.
„Сити згреши, тоа е вистина. Тие се трауматизирани. Ме потсетуваат на Пари Сен Жермен, тоа е клуб базиран на пари. И Реал има пари, но има историја. Манчестер сити има само пари и фудбалерите одат таму исклучиво за пари. Тие освојуваат трофеи, се разбира, но играчот избира да оди во Манчестер сити само затоа што му нудат најмногу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024