Спорт
На СП не одигра ниту една минута, а го ќари дресот на Меси
Австралиeцот Камерон Девлин фудбалер на Хартс, не одигра ниту една минута на Светското првенство, но го напушти Катар со највредниот можен сувенир. Девлин го ќари дресот на Лионел Меси, по осминафиналниот натпревар на двете селекции.
„Излегов на теренот и прво ги утешив сите соиграчи, а потоа му подадов рака на Меси“, им изјави Девлин на новинарите на аеродромот во Сиднеј по враќањето од Катар.
„Никој не рече ништо, па јас само си ја пробав среќата и тој ми рече ‘се гледаме таму’ и се случи“.
Видеото споделено на интернет покажува како Меси му го подава својот дрес на Девлин.
„Сакав прв да добие шанса некој од другите играчи, но никој не ја искористи, па си помислив – зошто да не? Не знам дали мојот дрес ќе биде на неговиот ѕид дома или можеби сè уште е на подот во соблекувалната, но не сум нервозен. Изненаден сум што воопшто го зеде мојот дрес“.
Class from Messi 👏
Keeping his promise to give @Socceroos midfielder @cammy_devlin his shirt after the game 🤝#FIFAWorldCup @Argentinapic.twitter.com/sBjm9AHkKz
— FIFA.com (@FIFAcom) December 4, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Убедливи победи на Шкендија и Брера, Работнички славеше против Шкупи, Струга и Гостивар освоија по бод
Шкендија и АП Брера забележаа убедливи победи во дуелите со Вардар и Пелистер во 8.коло, во Првата македонска фудбалска лига. Во дербито актуелниот првак Стуга ТЛ и Гостивар одиграа 2:2, Работнички во градската пресметка го победи Шкупи со 2:1, Беса со минимален резултат ја победи екипата на Воска спорт, а без голови заврши дуелот меѓу Тиквеш и Силекс.
Дуелот на Шкендија и Вардар требаше да бид дерби, но домашниот тим за само 27 минути ги реши сите дилеми околу победникот. Трумчи погоди во третата, Ибраими во 13. и Ахмеди во 27.минута. Конечните 4:0 ги постави Рамадани во 73.минута.
Дуелот во Тетото беше тензичен, судијата покажа 11 жолти картони, а во последните 10 минути голманот на Вардар Гачевски се пожали дека бил погоден со некаков предмет од трибината. Потоа тој имаше мала вербална расправија со Ибраими кој се обиде да го смири страстите. На крајот од мечот Гачевски со помош на полицијата го напушти теренот.
Резултати, 8.коло:
Работнички-Шкупи 2:1
(Регба 36′, Пинтер 56′(аг) – Стојановски 78′)
Беса-Воска спорт 1:0
(Селмани 11′)
АП Брера– Пелистер 4:0
(Ристовски 45’+3, Јанкулов 47′, Ивковиќ 61′, Тодоровски 68′)
Струга ТЛ – Гостивар 2-2
(Кехинде 25′, Компаоре 45’+2 – Ајдоган 36′, Симоновски 85′)
Шкендија- Вардар 4:0
(Трумчи 3′, Ибраими 13′, Ахмеди 27′, Рамадани 73′)
Тиквеш-Силекс 0:0
Табела:
Спорт
На Мбапе не му е дозволено да го гледа дербито во Мадрид
Францускиот фудбалер Килијан Мбапе нема да може во живо да го следи мадридското дерби на стадионот „Ванда Метрополитано“.
Средбата е закажана за в недела во 21 часот, а напаѓачот на Реал добил совет да не доаѓа лично.
Од клубот го советувале да остане дома бидејќи се плаши од можни прекршувања на безбедносните правила.
Во последните години зачестија судирите меѓу навивачите на двата клуба.
Да потсетиме, Мбапе е надвор од тимот поради повреда на бутот здобиена на натпреварот против Алавес.
Поради ова тој ќе паузира три недели.
Спорт
Мартин возвраќа со доминација во Индонезија
Возачот на Прамак Дукати, Хорхе Мартин, славеше на Големата награда на Индонезија, 15-та трка од сезоната во Мото ГП.
На патеката „Мандалика“ Шпанецот ја освои третата победа сезонава, прва по трката во Ле Ман пред нешто повеќе од четири месеци, откако водеше од почеток до крај. На овој начин Мартин избриша голема грешка од саботниот спринт, кога излета од патеката во првиот круг, притоа водејќи и одлепувајќи се од своите ривали.
Најблиску до Мартин беше Педро Акоста од Гас Гас, кој заостана секунда и пол, додека на двајцата на подиумот им се придружи победникот во спринт Франческо Бања. Актуелниот шампион заостануваше повеќе од четири секунди зад Акоста.
Покрај доминацијата на Мартин, трката ја одбележаа и пензионирањето на Марко Маркез и Енеа Бастианини. Осумкратниот светски шампион ја заврши трката предвреме бидејќи неговото Дукати се запали, додека возачот на Дукати излета од патеката само што беше трет и беше во жешка потера не само на Акоста, туку и на Мартин.
Ваквиот расплет значи дека Мартин ја зголеми предноста во генералниот пласман на 21 бод во однос на Бањаја. Заостанувањето на Бастианини сега е 75 поени, додека Маркез заостанува 78 поени зад својот сонародник.