Спорт
На трансфер-пазарот во јануари чекаат 10 познати фудбалски имиња
Во јануари идната година се отвора новиот преоден рок во кој познати фудбалски имиња можат да го променат клубот.
Коронавирусот влијаеше на промената на цената на пазарот, како и на политиката на клубовите.
Ова е листата од 10 фудбалери кои би можеле од идниот месец да облечат поинаков дрес:
1. Пол Погба – често е главна тема во медиумите. Долго се зборува за негово заминување од Јунајтед, а неодамна и неговиот менаџер најави негово скорешно напуштање на „Олд Трафорд“
2. Деле Али – падна во втор план кај Мурињо. Доби критики од менаџерот по победата на Спарси против Стоук во Карабао купот.
3. Мемфис Депај – Лион наводно е подготвен да ја спушти цената за да си оди. Барселона е заинтересирана за неговите услуги
4. Ерик Гарсија – има договор со Сити до наредното лето, а мета е на Барса. Падна во втор план кај Гвардиола откако стигна стоперот Диаз од Бенфика
5. Иско – сезонава нема голема мунутажа во Реал и не е тајна дека сака да си оди од клубот. Арсенал и Евертон се неговите можни следни дестинации.
6. Аркадиуш Милик – без настап е за Наполи сезонава, а договорот му истекува следното лето. Во јануари може да си замине за ниска цена, се поврзува со трансфер во Атлетико Мадрид
7. Жуниор Фирпо – во него луѓето од Барселона гледаа нов Жорди Алба, но 24-годишниот фудбалер не ги исполни очекувањата. Можно е да си оди од „Ноу Камп“ уште во јануари
8. Кристијан Ериксен – никако не може да се навикне на животот во Интер, голема е веројатноста уште зимава да си оди од Милано. Наводно Арсенал го сака Данецот во Лондон.
9. Јулијан Дракслер – има 27 години и може да даде многу повеќе. Голем проблем му се повредите. Го следат Милан, Интер, Јувентус.
10. Флориан Таувин – игра во сјајна форма во Марсеј, но договорот му истекува летоска. Францускиот клуб сака на него да заработи барем 15 милиони евра, за летоска да не го загуби без пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сандерленд го шокира Челзи во 93-та минута – Њукасл го победи Фулам
Два натпревари ја отворија саботната програма во Премиер лигата. Сандерленд покажа дека веќе не е изненадување во шампионатот, победи на „Стенфорд Бриџ“ со 2:1, додека со ист резултат Њукасл славеше во дуелот со Фулам.
Сандерленд, оваа сезона се врати во Премиер лигата и покажа дека нема намера да испадне. „Црните мачки“ во раната фаза оримија гол, Граначо погоди по само четири минути. За Аргентинецот ова беше деби гол во дресот на Челзи.
Гостите успеаја да се вратат во натпреварот во 22-та минута го израмнија резултатот со голот на Вилијам Исидор.
Овој резултат беше актуелен се до 93-та минута, кога молскавичен контранапад изведоа гостите, а „Стенфорд Бриџ“ го шокира Чемсдин Талби.
Челзи го забележа третиот пораз во последните пет натпревари и се наоѓа на деветтото место на табелата, додека Сандерленд со петтата победа, барем за момент се искачи на второто место.
Њукасл против Фулам поведе со голот на Џејкоб Марфи во 18-та минута и со тој резултат замина на полувреме.
Во продолжението од натпреварот, Саша Лукиќ постигна гол во 56-та минута и изедначи на 1:1.
Фулам сепак не успеа да освои бод, во таа намера го спречи Бруно Гимараеш, кој 90-та минута со спектакуларен удар му ја донесе победата на Њукасл.
„Страчките“ сега се на 11-то место, додека Фулам има четири порази по ред и моментално се на 16-то место на табелата.
Foto/ EPA
Домашен
Тажна вест: Почина поранешниот кошаркар на Пелистер, Зоран Петковски
На 47-годишна возраст по боледување почина поранешниот кошаркар и легенда на Пелистер, Зоран Петковски.
Веста ја соопшти клубот од Битола, кој на социјалните мрежи се прости својот поранешен играч и тренер.
Петковски своите кошаркарски почетоци ги имаше токму во зелено-белиот дрес, беше и младински репрезентативец на Македонија во одличната генерација предводена од Митко Луковски, а потоа во кариерата ги бранеше и боите на Куманово, Вардар, МЗТ Скопје, Соколи, повторно Пелистер,па Радовиш.
Кога ја почна тренерската кариера тој седна на клупата на КК Пелистер, тим со кој обезбеди влез во елитното друштво. Пред неколку години тој беше и дел од управата на „пелистерци“.
Спорт
Карл повотрно влезе во историјата на Баерн – Баварците славеа во Менхенгладбах
На отворањето на саботната програма на Бундеслигата, беа одиграни пет натпревари од осмото коло.
Актуелниот првак Баерн остана перфектен од стартот на сезоната. Баварците славеа и на 13-от меч во низа, чудно е само што Хари Кејн не постигна гол.
Баерн од 19-та минута играше со фудбалер повеќе на теренот. ВАР интервенираше и го
исклучи десниот бек на домашниот тим, Јенс Карстроп.
Баерн само го зголеми притисокот од тој момент. Имаше шанси за тимот на Винсент Компани, но Борусија долго време со компактна игра пружаше отпор.
„Виктројата“ конечно даде резултат во 64-та минута, кога водечкиот гол за германскиот шампион го постигна играчот од средниот ред Јосуа Кимих. Пет минути подоцна, Баерн го постигна и вториот, преку Мијкл Олисе.
Во 73-та минута беше досуден пенал за Борусија, но Штегер ја погоди стативата и резултатот остана 2:0.
Тинејџерот на Баерн, Ленарт Карл, кој во средата постигна гол во Лигата на шампионите го постави конечниот резултат во 80-та минута.
Карл, откако стана најмалд стрелец во историјата на Баерн во ЛШ, сега стана и најмладиот стрелец на славниот клуб во историјата на Бундес лигата.

