Грчкиот тренер Димитрис Итудис го презеде израелски Хапоел Тел Авив.

Кошаркарскиот портал „Спортандо“ пренесува дека двете страни постигнале официјален договор.

Актуелниот тренер на Хапоел, Стефанос Дедас треба да остане во стручниот штаб како помошник на Итудис.

Итудис, кој ја започна својата тренерска кариера како асистент во Загреб во 1992 година, се прослави како помошник на Жељко Обрадовиќ во Панатинаикос во периодот 1999-2012 година.

Првата самостојна работа ја имаше во ЦСКА Москва од 2014 до 2022 година, а со рускиот тим двапати ја освои Евролигата, потоа беше селектор на Грција и накратко беше тренер на турски Фенербахче.

Хапоел игра во Еврокупот, трет е во групата А со пет победи во осум натпревари. Пред Хапоел на табелата се Гран Канарија и Бахчешехир.

Клубот од Тел Авив во последните недели е во центарот на вниманието поради кошаркарот Џонатан Мотли и бурните реакции на сопственикот на израелскиот клуб.

Во меѓувреме, медиумите почнаа да шпекулираат за интересот на Реал Мадрид за уште еден играч на Хапоел, поранешниот центар на Партизан, Бруно Кабокло.

Претседателот на ФИФА, Џани Инфантино одлучи Конгресот на ФИФА да се одржи онлајн на 11 декември. „Гардијан“, пишува дека истата одлука била донесена и за квалификациската ждрепка за Светското првенство во 2026 година.

Ваквата одлука на Инфантино значи дека Македонија противниците во квалификациската група за СП првпат во историјата ќе ги дознае преку интернет, наместо на традиционалната ждрепка во живо.

Македонија противниците ќе ги чека од третиот шешир. На овој начин, Инфантино сака да ги држи медиумите надвор од Цирих и на тој начин да спречи незгодни прашања. Тој нема дадено изјави од март минатата година, кога доби нов мандат за претседател.

Во пресрет на ноемврискиот циклус од Лигата на нации, 38 од 54 земји кои ќе играат во квалификациите веќе знаат во кој шешир ќе ја чекаат ждрепката.

Носители ќе бидат: Франција, Шпанија, Англија, Белгија, Холандија, Португалија, Италија, Германија и Хрватска.
Според проекцијата, најблиску до првиот шешир се Швајцарија, Данска (поради рангирањето на ФИФА) и Австрија.
Во вториот шешир сигурни се само четири репрезентации: Украина, Турција, Шведска и Велс.

Според проекцијата во вториот шешир ќе бидат: Унгарија, Србија, Полска, Грција, Словачка, Романија, Чешка и Норвешка.

Покрај Македонија сигурни во третиот шешир се: Република Ирска, Финска, Грузија, Албанија, Исланд, Северна Ирска и Црна Гора.

Проекцијата вели дека во третиот шешир ќе бидат и: Шкотска, Словенија, БиХ и Израел.

Четвртиот шешир е речиси завршен и тука се: Луксембург, Белорусија, Ерменија, Косово, Казахстан, Азербејџан, Естонија, Кипар, Летонија, Фарски Острови и Литванија. Има само едно слободно место, а прогнозите се дека ќе го пополни Бугарија.
И конечно во петтиот шешир се: Молдавија, Малта, Андора, Гибралтар, Лихтенштајн и Сан Марино.

Репрезентациите од А-дивизијата во Лигата на нации кои ќе се пласираат во четвртфиналето на натпреварувањето ќе учествуваат во квалификациските групи со четири екипи, додека другите групи ќе имаат по пет екипи.

Репрезентациите во групи од по пет селекции квалификациите ќе ги започнат во март следната година, а репрезентациите во групите со по четири селекции ќе стартуваат дури во септември.

Победниците од 12-те групи одат директно на Светското првенство, а останатите четвори селекции кои ќе играат на СП во 2026 година ќе бидат познати по одигрувањето на плеј-офот.

Оваа недела (17.11.2024), со почеток од 16 часот во Скопје, по повод Денот на ослободувањето на Скопје, 13 Ноември, а во организација на Атлетската Федерација на Македонија ќе се одржи традиционалната меѓународна ноќна атлетска трка „Низ улиците на Скопје 2024”

Ноќната атлетска трка е една од најстарите манифестации кај нас и една од најстарите на Балканот и се одржува традиционално секој Ноември во Чест на Ослободувањето на Град Скопје. Првата трка била одржана во далечната 1953 г. и се трчало во поединечна и екипна конкуренција, стартот и целта биле на срeдината на плоштадот, a должината била 5 км.

На програмата на овогодинешното издание се две трки и тоа главна трка на 5км и детска трка до 12 години на 400м , со пријавени на повеќе од 400 учесници во двете трки.

Овој настан е во организација на Атлетската Федерација на Македонија, а е поддржан од Министерството за Спорт, Општина Гази Баба и Министерството за Внатрешни Работи.

Стартот и целта на трките ќе биде во недела во близина на Триумфалната капија на централниот плоштад во Скопје.

ЗА НАСЈТАРАТА МЕЃУНАРОДНА НОЌНА АТЛЕТСКА ТРКА

Првата трка е одржана во 1953 година со учество на атлетичари од скопските клубови, претставници на ЈНА и повеќе градови на нашата Република. Сѐ до 1958 година, оваа трка се одржуваше како штафетна трка, во која секоја екипа се состоела од три члена, кои ја предавале штафетата еден на друг. Секој атлетски клуб можел да пријави и повеќе штафети. Запишано е дека победникот во првата трка, била четвртата екипа на АК “Работнички”, во состав: Поповиќ Момо, Димитриевски Бранко и Матовски Славко. Втора била екипата во која трчале Муратовски Киро, Димитров Трајко и Шаревски Чедо. По возбудливите борби во финишот, во последните метри Матовски успеал да го победи Шаревски и да го донесе на својата екипа првиот назив победник во оваа трка. Во 1958 година се менува карактерот на оваа манифестација, така што повеќе не се трчаат штафетни трки, туку поединечни и екипни, на патека од 5 километри. До 1970 година, победници на трката биле Трбоевски Љубиша, Јојкиќ Боро, Ивчев Трајко, Илиќ Раде, Зоран Михајлов, Елица Змејкова, Гавриловски Сотир. Трката продолжила да се одржува и наредните години и децении, иако имало години кога малку била подзаборавена. Од 1970 година, меѓу учесниците на трката беа и познатите имиња на македонската атлетика како Ѓорѓи Вучков, Славковиќ Јовица, Даутовски Демир, Ѓоргиевски Стевче, Михајло Панајотов, Маџгаљ Милан, Јонуз Јунузи, Киро Стојановски, Мартиновски Трпе, Зоран Димов, Спасевски Томислав, Светлана Арџелиева, Анѓелковиќ Мирко, Зотан Саздов, Даниела Кулевска и многу други.