Спорт
Надал лесно со Чилиќ, Монфилс го декласира Андухар

Рафаел Надал избори пласман во четврт-финалето на Ју-Ес опен со победата во четири сета над поранешниот шампион во Њујорк, Марин Чилиќ. Шпанецот 40 пат во кариерата ќе игра гренд слем четврт-финале. Против Чилиќ тој загуби сет, но доминанто избори пласман меѓу најдобрите осум.
Марин Чилиќ добро се држеше во првите два сета, вториот го освои и израмни на 1-1, но тогаш Шпанецот го крена нивото на својата игра. Во третиот сет играше само тој, дозволувајќи му на Чилиќ да освои само еден гем, а потоа во четвртиот ја заврши работата за конечни 6/3, 3/6, 6/1, 6/3.
Надал во четврт-финалето за противник ќе го има Аргентинецот Диего Шварцман кој успеа да слави над Александар Зверев.
Во четврт-финалето ќе игра и Гаел Монфилс. Францускиот тенисер го декласира Шпанецот Пабло Андухар со 6/1, 6/2, 6/2. За пласман во полу-финалето Монфилс ќе се бори со Италијанецот Матео Беретини.
Sprinting to the quarter-finals! ?
?? @Gael_Monfils beats Pablo Andujar 6-1, 6-2, 6-2. #USOpen pic.twitter.com/MxNm4zk38j
— ATP Tour (@ATP_Tour) September 2, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ламин Јамал руши рекорди – Барселона инкасира милиони од продажба на дресови

Младиот фудбалер на Барселона и шпанската репрезентација, Ламин Јамал, не престанува да привлекува внимание – и на теренот и надвор од него. Откако неодамна го продолжи договорот со каталонскиот гигант, Јамал го промени и бројот на дресот – наместо 19, отсега ќе ја носи легендарната „десетка“.
Оваа промена предизвика вистинска еуфорија меѓу навивачите, па клубот за само 24 часа продаде дури 70.000 дресови со името на Јамал и бројот 10, поставувајќи нов историски рекорд по дневна продажба. Според шпанскиот медиум COPE, од оваа продажба Барселона инкасирала околу 10 милиони евра.
Дресовите се испратени во повеќе од 170 земји низ светот, а комерцијалниот успех значително ги надмина очекувањата на клубот. Новиот рекорд ја надмина дури и продажбата на дресови кога клубот ги промовираше Лионел Меси и Нејмар како свои играчи.
Јамал, кој е роден во 2007 година, лани настапи на 35 натпревари во Ла Лига, постигнувајќи 9 голови и остварувајќи 13 асистенции. Со само 17 години, тој веќе е препознат како идниот носител на Барселона.
Барселона ја почнува сезоната со нова надеж – и нова ѕвезда, чијшто дрес веќе е моден хит на глобално ниво.
Спорт
Винисиус Жуниор на излезна врата од Реал Мадрид поради Мбапе?

Фудбалерот на Реал Мадрид, Винисиус Жуниор, би можел да го напушти клубот, а како главна причина се наведува неговиот нов соиграч – Килијан Мбапе.
Според пишувањата на неколку спортски медиуми, Бразилецот очекува зголемување на платата, со цел да има подобри финансиски услови од Мбапе, кој моментално има највисока плата во клубот. Французинот заработува 30 милиони евра годишно, додека на Винисиус му бил понуден договор со 10 милиони евра помалку.
Се шпекулира дека односот меѓу Винисиус и Мбапе не е најдобар и дека „не кликнале“, што дополнително ја отвора вратата за евентуален трансфер на Бразилецот.
Како потенцијална дестинација сè почесто се споменуваат клубови од Саудиска Арабија, кои наводно нудат огромни суми за да го привлечат 25-годишниот напаѓач. Сепак, со оглед на неговата одлична форма, останува нејасно дали Винисиус би се решил за трансфер во арапскиот свет во овој момент од кариерата.
Спорт
(Видео) Усик го нокаутира Дубоа, стана апсолутен шампион во тешка категорија

Foto/EPA
Олександар Усик (38) стана апсолутен шампион во тешка категорија по втор пат во својата кариера. Го нокаутираше Даниел Дубоа во петтата рунда и ја забележа 24-та победа во професионалнаат кариера. Како и во првиот меч од 2023 година, Усик го победи Дубоа со нокаут и повторно ги обедини четирите големи титули во боксот.
Олександр Усик го нокаутираше Даниел Дубов во петтата рунда од борбата пред повеќе од 70.000 гледачи на стадионот „Вембли“ во Лондон.
Усик го контролираше ритамот од почетокот на мечот, а клучниот момент дојде во петтата рунда кога два пати го нокаутираше британскиот предизвикувач.
По вториот нокаут, Дубоа не можеше да стане, па судијата ја прекина борбата на 1:52 пред крајот на рундата.
Со оваа победа, 38-годишниот Украинец уште еднаш ја потврди својата доминација во тешка категорија.
USYK STOPS DUBOIS IN 5#UsykVsDubois pic.twitter.com/wKRAhiBghK
— Spinnin Backfist (@SpinninBackfist) July 19, 2025