Спорт
Надал не е сигурен дека ќе игра во Индијан Велс
Шпанскиот тенисер Рафаел Надал изјави дека се уште не е сигурен дали ќе игра на првиот Мастерс во сезоната, во Индијан Велс.
Оваа изјава Надал ја даде по егзибицискиот меч против Карлос Алкараз во Лас Вегас.
Да потсетиме, Рафа поради проблеми со повреди ја пропушти речиси цела 2023 година. На почетокот на годината играше во Бризбјен, во четвртфиналето во Бризбејн беше поразен од Џордан Томпсон и се повреди, поради што го откажа учеството на Австралија опен.
„Во овој момент размислувам дали да играм во Индијан Велс. Би сакал да играм во Монте Карло“, изјави Надал.
Шпанецот неодамна изјави дека веројатно ја игра својата последна сезона и дека се ближи крајот на неговата кариера.
Но, пред да се пензионира, Надал изјави дека би сакал да го игра турнирот во Монте Карло, како и некои други турнири на земја, меѓу кои и Ролан Гарос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен победи во Шпанија пред Норис и Хамилтон
Возачот на Ред Бул, Макс Ферстапен победи на Шпанското ГП. Второто место го зазеде Ландо Норис за Мекларен, додека трет заврши асот на Мерцедес Луис Хамилтон.
Стартот на Големата награда на Шпанија беше највозбудиот дел од трката. Трката со брилијантен потег ја отвори возачот на Мерцедес Џорџ Расел – стартуваше од четвртото место, но веќе во првиот свиок се проби на челната позиција.
Сепак, водството на Расел беше краткотрајно, бидејќи Ферстапен го стигна и го престигна на почетокот на третиот круг.
Од тој момент, актуелниот шампион го диктираше темпото и беше во водство, освен кога менуваше гуми.
Норис, влезе во борба со пилотите на Мерцедес, стигна до втрото место, но не успеа да му се доближи на Ферстапен.
Зад најдобрите тројца се пласираа Џорџ Расел од Мерцедес, двоецот на Ферари Шарл Леклер и Карлос Саинц, Оскар Пјастри (Мекларен), Серхио Перез (Ред Бул), а во Топ 10 беа и полотите на Алпин Пјер Гасли и Естебан Окон.
Спорт
УЕФА одлучи: Два меча суспензија за Даку по навредите за Македонците и Србите на Европското првенство
Албанската фудбалска федерација соопшти дека УЕФА му ja изрекла забраната на албанскиот репрезентативец, Мирлинд Даку. Тој доби два меча суспензија откако ги наведе навивачите на националистички скандирања, пренесе „Асошиејтед прес“.
Даку зеде мегафон по ремито 2-2 на Албанија со Хрватска во средата во Хамбург и извика:„Е*и ги Македонците…, е*и ги Србите…“
Албанската федерација, исто така, соопшти дека УЕФА изрекла казни во вкупна вредност од 47.250 евра (50.500 американски долари) за инцидентите на натпреварот, кога албанските и хрватските навивачи извикуваа антисрпски пароли.
Српската фудбалска федерација по инцидентите објави дека ќе го напушти турнирот доколку УЕФА не казнува.
Албанија ќе го игра решавачкиот натпревар од групната фаза во понеделник против Шпанија.
Спорт
Марej се повлече од Вимблдон
Енди Мареј, некогашниот тенисер број еден во светот, сепак нема да игра на Вимблдон.
Тој во саботата мораше да оди на операција на циста и тоа е причината да не биде на третиот Грен слем сезонава.
Мареј играше оваа недела на турнир во Квинс, но мораше да му отстапи меч од второто коло на Џордан Томпсон.
Според првите информации, тој ќе има пауза од шест недели, па под знак прашалник е и неговото учество на Олимписките игри во Париз.
“По операцијата на цистата на ‘рбетот, за жал, Енди Мареј нема да биде на Вимблдон. Заздрави и одмори се Енди, на сите ќе ни недостигаш таму”, изјавија организаторите на турнирот.