Спорт
Надал не „падна“ на провокации и му ја „затвори“ муцката на Кирјос (видео)

И покрај неколку необични моменти, Рафаел Надал со 6:3/3:6/7:6(5)/7:6(3) го победи австралискиот предизвикувач Ник Кирјос во второто коло на Вимблдон, кажувајќи го своето на тенискиот терен, откако Кирјос неодамна го нарече „супер-солен“ и го нарече неговиот чичко и ментор, Тони Надал „идиот“.
Секако, Кирјос имаше моменти по кои стана препознатлив за тениските фанови, како кога сервираше „под рака“ за да освои поен и го удри директно Надал со топче, но на крајот Шпанецот беше поконцентриран во клучните моменти добивајќи ги двата тај-брејка во вториот сет.
„Кажав и пред мечот дека кога тој сака да се натпреварува е еден од најопасните противници кои можеш да ги добиеш. Не сакам да ја коментирам неговата расправија со судијата, но тој е потенцијален гренд слем шампион ако игра добро. Малку ја загубив концентрацијата во вториот сет, но потоа се кренав и не му дозволив брејк“, изјави Надал, кој во третото коло има нов силен противник – Французинот Жо-Вилфрид Цонга.
This Kyrgios underhand serve on Nadal is unreal. Rafa probably wanted to stab him. pic.twitter.com/A9L56m0hLT
— Eric Hubbs (@BarstoolHubbs) July 4, 2019
There is a rumor #Kyrgios and #Nadal don’t like each other #justsaying #Wimbledon19 ??♀️ pic.twitter.com/4n15LnFIyL
— Lindiwe Suttle (@lindiwesuttle) July 4, 2019
Entertainment from start to finish…@RafaelNadal outlasts Nick Kyrgios 6-3, 3-6, 7-6(5), 7-6(3) to progress to the third round for the 10th time#Wimbledon pic.twitter.com/FWjNvD8acK
— Wimbledon (@Wimbledon) July 4, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА
Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.