Селекторот Благоја Милевски направи две замени, во стартниот тим се Александар Трајковски и Тодор Тодороски. Тоа значи и поофанзивен тим.

Познат е официјалниот состав со кој фудбалската репрезентација на Македонија ќе ѝ се спротивстави на Бугарија на вечерашниот меч на арената „Тодор Проески“.

Натпреварот меѓу Македонија и Бугарија се игра вечерва (20.45 часот).

Напаѓачот на Тотенхем, Хари Кејн, е подготвен да потпише нов долгорочен договор со клубот. Приоритет за 29-годишниот Англичанец е да продолжи да игра за Тотенхем и да го обнови договорот, кој истекува во летото 2024 година.

Германските медиуми пред десетина дена најавија дека постои можност напаѓачот на Тотенхем да стане играч на Баерн Минхен во летото 2023 година. Според информациите на Островот, за Кејн е заинтересиран и Челси, но сепак тој размислува само за победи и за трофеи со тимот на Тотенхем.

Хари Кејн целата кариера ја помина во Тотенхем. За лондонскиот тим има 254 гола на 395 натпревари. Кејн трипати беше најдобар стрелец во Премиер лигата и двапати беше прогласен за играч на сезоната.

Фудбалската репрезентација на Македонија вечерва (20.45 часот) ја пречекува селекцијата на Бугарија во последниот натпревар од овој циклус во Лигата на нации. Селекторот Благоја Милевски и фудбалерите сакаат да ја израдуваат нацијата со победа, па затоа и поставеноста треба да биде офанзивна.

Напаѓачот Александар Трајковски, момчето кое ја потопи Италија во Палермо, се опорави од настинката и се очекува денеска да добие шанса како стартер. Планот е тој да делува како полушпиц и да ја добие улогата што на претходниот меч со Грузија ја имаше Елиф Елмас.

Трајковски пред него ќе ги има Бојан Миовски и Милан Ристовски во формација 3-4-1-2.

На голот ќе биде Столе Димитриевски, а триото во одбраната е Зајков, Велковски, Муслиу. На левата странична позиција ќе биде Езгјан Алиоски, а на десната повторно Стефан Ашковски. Централен играч за врска ќе биде капитенот Енис Барди.