Спорт
Надал за ривалството со Новак: Испишавме историја
Ривалството меѓу Новак Ѓоковиќ и Рафаел Надал ја одбележа тениската сцена во последните 18 години. Шпанецот и Србинот одигра 59 натпревари, последниот минатата сезона во четвртфиналето на Ролан Гарос кога славеше Надал. Нивното ривалсто ќе биде запишано како едно од најголемите во тениската историја.
Неодамна во Рим, Ѓоковиќ зборуваше за Тенис ТВ за тоа кои му се најголемите ривали, а потоа рече дека за него е убедливо најголем оној што го има со тенисерот од Мајорка.
„Се додека играме, Надал секогаш ќе биде мојот најголем ривал, без разлика на местото на АТП листата или што се случува околу нас“, изјави Новак.
На денот кога Надал потврди дека нема да игра на Ролан Гарос, беше прашан што мисли за изјавата на Новак.
„Целосно разбирам што зборува Новак, но тој тоа не го гледа во моментов, тоа ќе биде повеќе во историска смисла. Ја одбележавме историјата на тенисот со најмногу натпревари, а јас живеев со двата ривали, прво со Федерер, а потоа и со Ѓоковиќ. Тој и јас се сретнавме најмногу пати и разбирам дека ме смета за свој најголем ривал. Да, живеев во ерата со двајцата, иако повеќе пати играв со Новак“, изјави Надал.
Шпанскиот тенисер изјави дека не знае кога повторно ќе може да тренира, но дека би сакал на свој начин да ја заврши кариерата.
Неговата желба е доколку е во можност да се појави на некој од турнирите во 2024 година, особено на Ролан Гарос и Олимписките игри во Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ за нов брејк на Далас во ЛА, Мајами без шанси во Бостон
По поразот на вториот натпревар, Бостон Селтикс го исфрлија сиот бес на ослабениот Мајами и се пласираа во полуфиналето на Истокот, а Далас по победата во Лос Анџелес е на чекор до пласман во второто коло на Западот.
Бостон Селтикс го победија Мајами Хот со 118:84. Серијата, Селтикс ја добија со 4:1. Последните три натпревари Селтикси ги добија со вкупна разлика од 68 поени.
Џејлен Браун и Дерик Вајт постигнаа по 25 поени, Џејсон Тејтум додаде 16 поени и 12 скока.
На другата страна Бем Адебајо беше најдобар со 23 поени, пет скока и шест асистенции, Тајлер Хиро даде 15 поени.
Лука Дончиќ е болен, го мачи и коленото, но блесна и со 35 поени, седум скока и 10 асистенции го предводеше Далас до триумф над Клиперс 123:93. Кајри Ирвинг постигна 14 поени, а Макси Клебер забележа 15 поени (5-7 за три).
Кај Клиперс потфрлија најдобрите, Пол Џорџ постигна само 11, а Џејмс Харден седум поени.
„Сега треба да победиме на еден од следните два натпревари. Мора да играме на ист начин“, изјави Дончиќ и додаде:
„Болеста ми ја отежна работата, коленото не е многу добро, но адреналинот е тука кога си во плеј-офот. Кога ќе започне натпреварот, се што сакам е да победам“.
Шестиот натпревар ќе се игра во сабота во 3:30 часот по средноевропско време, во Тексас.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.