Спорт
Најдобрите 23 на ФИФА се бизарни – четири фудбалери на Барса, нема место за Салах!

ФИФА го објави 23-члениот состав на најдобрите фудбалери на планетата во моментот избран од фудбалерите и на него има дури четири фудбалери на Барселона, но отсутен е, на пример, Мохамед Салах од Ливерпул.
Челси, Барселона и Пари Сен-Жермен имаат четири фудбалери во тимот од 23 фудбалери, кој на церемонијата „Бест ФИФА“ ќе биде претворен во најдобри 11 за 2021.
Серхио Бускетс, Френки де Јонг, Жорди Алба и повратникот во тимот Дани Алвеш се во изборот од Барселона, Челси го претставуваат Едуар Менди, Жоргињо, Н’Голо Канте и Ромелу Лукаку, а ПСЖ може да се пофали со Лионел Меси, Нејмар, Килијан Мбапе и Џанлуиџи Донарума. Тоа што Барселона во моментот на 8. место во Ла Лига со 18 поени заостанување зад Реал Мадрид има четири фудбалери изненади многумина.
Ова е првпат по 17 години, ФИФА да се реши за објавување на 23-члениот состав откако последните години објавуваа листа од 55 фудбалери. Голманот, тројца дефанзивци, тројца играчи од средниот ред и тројца напаѓачи со најмногу гласови ќе влезат во најдобрите 11.
ФИФПРО ИЗБОР
Голмани: Алисон Бекер (Ливерпул/Бразил), Џанлуиџи Донарума (ПСЖ/Милан/Италија), Едуар Менди (Челси, Сенегал).
Дефанзивци: Давид Алаба (Баерн М/Реал М/Австрија), Жорди Алба (Барселона/Шпанија), Трент Александер-Арнолд (Ливерпул/Англија), Дани Алвеш (Сао Пауло/Барселона/Бразил), Леонардо Бонучи (Јувентус/Италија), Рубен Дијаш (Манчестер сити/Португалија).
Среден ред: Серхио Бускетс (Барселона/Шпанија), Кевин де Брујне (Манчестер сити/Белгија), Бруно Фернандеш (Манчестер јунајтед/Португалија), Френки де Јонг (Барселона/Холандија), Жоржињо (Челси/Италија), Н’Голо Канте (Челси/Франција).
Напад: Карим Бензема (Реал М/Франција), Кристијано Роналдо (Јувентус/Манчестер јунајтед/Португалија), Ерлинг Халанд (Борусија Д/Норвешка), Роберт Левандовски (Баерн М/Полска), Ромелу Лукаку (Интер/Челси/Белгија), Килијан Мбапе (ПСЖ/Франција), Лионел Меси (Барселона/ПСЖ/Аргентина), Нејмар (ПСЖ/Бразил).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Левандовски ќе го пропушти „Ел Класико“

Фудбалерот на Барселона, Роберт Левандовски, ќе мора да паузира поради повреда на бутниот мускул на левата нога.
Левандовски (37) се повреди во неделната победа на полската репрезентација над Латвија (2:0), во која постигна и гол.
„Левандовски има повреда на тетивата на левата бутина. Тој е надвор од теренот, а времето на неговото закрепнување ќе зависи од брзината на закрепнувањето од повредата“, се вели во соопштението на Барселона.
Не се познати многу детали за тоа колку долго ќе отсуствува полскиот напаѓач, но медиумите шпекулираат дека паузата ќе трае помеѓу три и шест недели.
Извесно е дека Левандовски ќе го пропушти претстојното „Ел Класико“ против Реал, закажано за 26 октомври во Мадрид.
Спорт
Уште еден Адетокунбо потпиша договор со Милвоки

Милвоки стана првиот НБА тим во историјата кој има тројца браќа под договор. Тоа се Јанис, Танасис и Алекс Адетокунбо.
Бакс официјално објавија дека потпишале договор со Алекс, кој играше за Висконсин Херд, тим од Џи-лигата и подружница на Милвоки, од 2022 до 2024 година.
Сите кошаркарски експерти истакнуваат дека договорот со Алекс не е склучен за зајакнување на играчкиот кадар, туку е одредена отстапка направена кон најдобриот играч, 30-годишниот Јанис, за кој се вели дека наскоро ќе може да го напушти Милвоки.
Уште во 2013 година, Милвоки го избра Јанис како 15-ти пик на драфтот, а за грчкиот супер стар, Баксе сè уште се единствениот клуб во неговата НБА кариера. Со Милвоки, тој освои две титули за најкорисен играч и ја освои титулата во НБА во 2021 година.
Сепак, во последните години, Бакс редовно беа елиминирани во првото коло од плејофот на Источната конференција. Ова, како што тврдат медиумите го тера Јанис да размислува за преселба во некој друг клуб.
24-годишниот Алекс ја започна својата професионална кариера во Мурсија, а во последната година член на Будуќности од Подгорица, ПАОК и Арис. Најстариот брат, 33-годишниот Танасис, е член на Милвоки од 2019 година.
Спорт
(Видео) Контроверзениот судија Дејвид Кут прогласен за виновен за детска порнографија

Животната траекторија на поранешниот англиски судија Дејвид Кут во период од помалку од една година е вредна за проучување. Синот на поранешниот англиски крикет играч е соочен со нерешливи проблеми.
Се започна со изјавата дека поранешниот тренер на Ливерпул, Јирген Клоп, е „арогантна германска п..ка“, по што тој „објави“ и видео во кое шмрка бел прав, за што беше суспендиран од Премиер лигата, потоа од УЕФА, а на крајот изјави дека е хомосексуалец со надеж дека ќе се извлече од овие скандали.
Сепак, во септември се појави информација дека тој е под истрага за многу посериозно и пострашно дело од споменатите, вклучително и обиди за местење натпревари. Под истрага е за делото „случајно видео од дете од категорија А“.
Овој термин во англиската правда значи најсериозно кривично дело од ваков вид кое „вклучува малолетни деца кои се силувани или сексуално злоупотребени од возрасни“.
Кут беше обвинет на Судот за прекршоци во Нотингем, а во вторникот сите британски медиуми објавија дека 43-годишникот е виновен, односно законски осуден, за ужасното видео направено на 2 јануари 2022 година.
Кут се појави на суд. Сè што кажа беше неговото име, презиме и признание на вината.
Англискиот закон пропишува шестгодишна казна за производство и продукција на детска порнографија од „Категорија А“, три години за дистрибуција и една година затвор за поседување.
Кут е условно ослободен, но ќе мора да се појави на суд на 11 декември, кога ќе се утврди должината на неговата затворска казна.