Поранешниот фудбалер, тренер и спортски директор на Реал Мадрид, Хорхе Валдано, зборуваше за шпанска телевизија за Винисиус Жуниор, кој веќе некое време не е на највисоко ниво.

Винисиус не го криеше незадоволството, кога во 70-та минута, беше заменет на натпреварот против Еспањол.

Валдано истакнува дека, пред сè, мора да го подигне своето ниво, а потоа да го убеди тренерот дека може да игра, а потоа рече: „Ваквите ставови изразени јавно не се здрави. Тие не се здрави во никој случај.“

Тој имаше слабо Светско клупско првенство, а оваа сезона влезе со два гола и две асистенции на пет натпревари.

„Винисиус е човек на кого Реал Мадрид му даде голема поддршка. Се бореше против целиот свет. Луѓето, па дури и клубот, помеѓу светот и Винисиус, застанаа на страната на Винисиус. Но, сега се поставува уште едно прашање. Винисиус повеќе не е лут на светот, сега е лут на сопствениот тренер, а луѓето во Реал Мадрид отсекогаш го ставале клубот пред играчот.

Затоа треба да биде малку повнимателен, бидејќи ваквите гестови содржат и доза на непочитување кон играчот кој треба да влезе на теренот“, рече тој.

Винисиус има договор до 2027 година и како што стојат работите неговата иднина во Реал е неизвесна.

Шпанската кошаркарска федерација го назначи Чус Матео за нов селектор на „црвената фурија“.

Поранешниот тренер на Реал Мадрид со тоа го наследи новиот шеф на „кралскиот тим“, Серхио Скариоло, кој беше на чело на националниот тим повеќе од десет години.

Шпанија доживеа вистински колапс на последното Европско првенство, каде што го завршија натпреварувањето веќе во групната фаза.

Една од најтрофејните репрезентации во Европа минува низ генерациска смена, пред сè поради заминувањето на некои важни играчи од тимот, па сега ‘рбетот на тимот го сочинуваат помлади играчи.

Матео се приклучува на шпанската репрезентација по две сезони поминати во тимот на Реал Мадрид, со кој успеа да ја освои Евролигата.

Фото/ Принтскрин

Еден од најзначајните играчи на Барселона од почетокот на оваа сезона, Фермин Лопез, се повреди во победата на својот тим над Хетафе. Барселона лесно го победи Хетафе со 3:0 во петтото коло, два гола постигна Феран Торес, еден Дани Олмо.

Победата на Барселона, остана во сенка на повредата на Фермин Лопез. Доби медицинска помош, наводно со солзи во очите, а тренерот Ханси Флик не можеше да каже по натпреварот дали станува збор за посериозна повреда.

🚨 Saltan las alarmas de nuevo en el Barça, esta vez por Fermín

👀 El jugador blaugrana abandonó el estadio cojeando y fue atendido al final del partido en el césped #barçagetafe #ferminlopez #barcelona pic.twitter.com/2aJDQMcAjP

— MARCA (@marca) September 21, 2025

„Мораме да почекаме… Многу е важно што ги имаме сите играчи бидејќи имаме и многу натпревари. Рашфорд, Феран, важно е сите да се добро“, рече тој.

Барса влегува во периорд кога игра многу натпревари, во следните шест дена ќе игра во Овиедо, а потоа против Реал Сосиедад.

Фото/ Принтскрин