Спорт
Најголемите трансфери во зимскиот преоден рок

Зимскиот преоден рок во најсилните европски шампионати заврши точно на полноќ. Преодниот рок го обележа трансферот на Душан Влаховиќ, сагата со Усман Дембеле кој на крајот остана во Барселона, но и по бесплатниот трансфер на Пјер-Емерик Обамејанг.
Српскиот репрезентативец, Влаховиќ, добрата форма и постигнати голови во дресот на Фиорентина ги напалти со транфер во еден од најславните европски клубови, Јувентус. Според „Трансфермаркт“, Јувентус за трансферот платиле 81.600.000 евра.
Барселона издвои 55.000.000 евра за Феран Торес. Инаку во неговиот договор постојат четири клаузули, доколку се оставарат Манчестер сити ќе заработат дополнително 10.000.000 евра.
Во Топ 10 на листата на најголеми зимски трансфери само Њукалс има двајца фудбалери. Клубот кој се засили за да избори опстанок во Премиер лигата плати 42.100.000 евра за Бруно Гимараеш и 30.000.000 евра за напаѓачот Крис Вуд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Истрагата потврди: позната причината за несреќата во која загина Диого Жота

Фудбалскиот свет беше шокиран во четврток од веста дека Диого Жота, ѕвезда на Ливерпул и португалската репрезентација, загинал во сообраќајна несреќа во шпанската покраина Замора.
Загина и неговиот помлад брат Андре Силва. Несреќата брзо стана вест на неделата, а сегашни и поранешни спортски легенди му оддадоа почит на Диого.
Според шпанската Цивилна гарда, пребрзото возење е главната причина за несреќата во која загина Диого Жота.
Иако анализата е сè уште во тек, истражителите рекоа дека ќе обрнат посебно внимание на „трагите што ги оставило едното тркало на возилото“, но дека сè укажува дека брзината на возилото во времето на несреќата била значително над ограничувањето на брзината на тој дел од патот.
Tributes on display for Diogo Jota at Liverpool’s training ground as players return for preseason training. pic.twitter.com/FW2E7dIBm6
— ESPN FC (@ESPNFC) July 8, 2025
Жота и неговиот брат биле во изнајмен „Ламборџини Хуракан“, кој излетал од патот и веднаш се запалил. Двајцата починале на местото на несреќата, пред да пристигнат спасувачките служби.
Спорт
Челзи го совлада Флуминенсе со 2:0 и се пласира во финалето на Светското клупско првенство

Фудбалерите на Челзи обезбедија пласман во финалето на Светското клупско првенство со убедлива победа од 2:0 над бразилскиот тим Флуминенсе. Натпреварот се одигра на стадионот „Метлајф“ во САД, каде што англискиот претставник доминираше во текот на целиот меч.
Двата гола за „сините“ ги постигна Жоао Педро, во 18. и 56. минута, носејќи му на Челзи сигурна предност и контрола над играта. Педро е поранешен играч на Флуминенсе, па со вечерашните два гола успеа да го елиминира својот поранешен клуб.
Флуминенсе не успеа да се закани сериозно, и покрај неколкуте обиди во второто полувреме.
Челзи сега го очекува финалето, каде ќе се соочи со победникот од дуелот меѓу Манчестер Сити и Ал-Ахли.
Спорт
Шкендија одигра нерешено, 0:0, против ТНС во Велс, реванш во вторник во Скопје

Без голови заврши првиот натпревар во првото квалификациско коло во фудбалската Лига на шампиони. Екипата на Шкендија одигра нерешено, 0:0, на гостувањето против екипата ТНС во Велс, Велика Британија.
Шкендија беше рамноправен ривал на ТНС. Во најголем дел од мечот топката беше кај нив, имаа неколку нереализирани можности, но не успеаја да најдат простор за гол и по продолжението од четири минути.
Судија на натпреварот беше Ирецот Роб Хенеси.
0:0 останува стартен резултат за реваншот кој ќе биде за седум дена, во вторник на 15 јули, во Скопје.