Спорт
Најлудото финале во ЛШ (Видео)

На денешен ден на стадионот „Ататурк“ во Истанбул Милан и Ливерпул го одиграа најлудото финале во историјата на Лигата на шампионите. Титулата по изведувањето на пенали ја освои Ливерпул, а трагичар на мечот беше Андриј Шевченко. Украинецот во 117 минута не реализира чиста шанса, а потоа го птомаши клучниот пенал.
Финалето од 2005 година засекогаш ќе се памети поради лудите шест минути во кои Ливерпул успеа да ја стигне предноста на Милан од 3:0.
Милан одиграа нестварно прво полувреме Паоло Малдини постигна гол за 1:0, а потоа Ернан Креспо со два гола го заклучи полувремето.
Ливерпул во мечот се вратија во периодот од 54 до 60 минута. Првиот гол го постигна Стивен Џерард, две минути подоцна Дида беше совладан и од Владимир Шмицер, а на 3:3 израмни Џаби Алонсо. Пеналот што г изведе Шпанецот го одбрани Дида меѓутоа топката се врати кај Алонсо кој од вториот обид ја погоди мрежата.
Во пенал серијата Сержињо и Пирло не реализираа за Милан, а на спортивната страна прецизни беа Хаман и Сисе. Во третата серија Томасон пооди за Милан, а Рисе не беше прецизен за Ливерпул.
Во четвртата серија сигурни беа Кака и Шмицер, а во петтата Дудек го одбрани ударот на Шевченко.
Ливерпул-Милан 3:3, состави
Ливерпул: Дудек – Финан (Хаман), Карагер, Хипија, Рисе – Чаби Алонсо, Луис Гарсија, Џерард, Траоре – Кјуел (Шмицер), Барош (Сисе)
Милан: Дида – Кафу, Стам, Неста, Малдини – Пирло, Гатузо (Руси Коста), Сидорф (Сержињо), Кака – Креспо (Томасон), Шевченко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Започна лошо, заврши супериорно – Спринтот во Малезија за Марко Бецеки

Возачот на Априлија, Марко Бецеки, славеше на спринт трката што се возеше во рамките на Големата награда на Индонезија, 18-та рунда од овогодинешното првенство во Мото ГП.
Италијанецот триумфираше на патеката „Мандалика“ по сензационалниот пробив, кој следеше по лошиот старт од пол-позицијата, и го спречи Фермин Алдегер да стане најмладиот победник во спринт.
На финишот, Алдегер заостана157 илјадити делови од секундата, а нему и на Бецеки им се придружи на подиумот возачот на Тракхаус, Раул Фернандес, кој го забележа најдобриот резултат во спринтот.
Новиот шампион Марк Маркез ја заврши трката на седмото место, по казната од долг круг, бидејќи на стартото го истурка Алекс Ринс од патеката. Другиот возач на Дукати, Франческо Бања, беше последен, 14-ти.
Од почетокот на тркачкиот викенд во Индонезија, Бецеки е незапирлив, но на самиот почеток од спринтот направи голема грешка, поради која се најде на осмата позиција. Алдегер водеше, пред Фернандес, Педро Акоста од КТМ Рејсинг, Лука Марини од Хонда и Алекс Маркез од Гресини.
Бецеки го започна веднаш својот пробив, кој кулминираше во последниот круг кога го мина Алдегер и на крајот прв ја мина целта.
Спорт
Ако не го победи Сандерленд, Аморим ќе лета од „Олд Трафорд“

Менаџерот на Манчестер Јунајтед, Рубен Аморм, ќе добие отказ доколку попладнево неговиот тим не забележи победа над Сандерленд.
Позицијата на Аморим во клубот не е сигурна, а дополнително се влоши по поразот од Бренфторд минатата недела. Поради тоа медиумите во Англија тврдат дека денешниот меч може да биде последен за Аморим на клупата на Јунајтед.
„Лошата игра и неуспехот против Брентфорд минатиот викенд го вклучија алармот кај клупските челници. Уште еден пораз би можел сериозно да го тестира трпението на ко-сопственикот Сер Џим Ратклиф и на Глејзерс. Отпуштањето на тренерот во првите 12 месеци од неговиот договор би го чинело Јунајтед дури 12.000.000 фунти, но сите индикации се дека овој факт нема да влијае на евентуалната одлука за негово отпуштање, со оглед на вложувањата“.
Самиот Аморим е свесен дека би можел да биде отпуштен ако нема поволен резултат против Сандерленд.
„Никој овде не е наивен. Разбирам дека ни требаат резултати за да го продолжиме проектот. Ако не ги добиеме, ќе стигнеме до точка на пресврт. Но, сето тоа не е важно. Ми треба уште еден натпревар, една победа, малку повеќе надеж… Не ми е важно, важен е само следниот натпревар. Она од што страдам се поразите, а не евентуалното губење на работата. Се плашиш дека ќе ја изгубиш работата кога треба да ги платиш сметките. Јас немам таков проблем.“
Спорт
Златан за 44-от роденден се почести со автомобил од четири милиони евра

Златан Ибрахимовиќ вчера го прослави 44-ти роденден, и како и секоја година, ја продолжи традицијата. Се почести со нов луксузен автомобил, а се пофали со својот избор на социјалните мрежи со пораката: „Среќен роденден Златан“, пишува „Aftonbladet“.
Неговата гаража е побогата за „Ferrari F80“, најновиот хиперавтомобил од Маранело.
Автомобилскиот експерт Матес Нилсон објаснува како ова бил логичен потег за познатиот фудбалер.
„Тој е апсолутно во право што го купи, па затоа неговата колекција од модерни ѕверови на „Ferrari“ е комплетна“, рече Нилсон.
Тој го опиша „F80“, како водечки автомобил на „Ferrari“ и наследник на легендарните модели „LaFerrari“ и „Enzo“.
„Тоа е супер спортски автомобил инспириран од Формула 1. Може да се каже дека е речиси Формула 1 автомобил за друмско возење“, додаде тој.
Произведени се само 799 примероци од овој модел, а може да го купат само одбрани и лојални клиенти на брендот.
Се шпекулира дека неговата цена достигнува околу четири милиони евра. Со хибридниот погон V6, автомобилот достигнува максимална брзина од 350 км/ч, а забрзува од 0 до 100 км/ч за само 2,15 секунди.
„Значи, тоа е вистински ѕвер. Еден од најбрзите автомобили во светот“, истакнува Нилсон.