Аргентинецот Лионел Меси го освои најважниот трофеј во дресот на Интер од Мајами. Меси, синоќа го освои 47-от трофеј во кариерата.

Меси, не постигна гол, но беше предводник во победата 3:1 над Ванкувер, во финалето на плејофот на МЛС.

Со Аргентина освои шест трофеи: светското првенство до 20 години, златниот олимписки медал во Пекинг, две Копа Америка, Финалисимо (натпреварот за трофејот на европските и јужноамериканските шампиони) и едно светско првенство.

Меси со Барселона освои неверојатни 35 трофеи.

За 17 години во дресот на каталонскиот клуб, тој го крена пехарот од Лигата на шампионите четири пати, беше шампион на Шпанија десет пати, го освои Купот на кралот седум пати, светското клупско првенство и европски Суперкуп ги освои по три пати и шпанскиот Суперкуп осум пати.

Тој освои три пехари во дресот на Пари Сен Жермен – две првенства и францускиот Суперкуп.

Конечно, со Интер дополнително ја зголеми ризницата на трофеи, го освои Лига купот, трофејот „Supporters’ Shield“ (претходната сезона, за најдобриот тим на Истокот во регуларната сезона) и конечно титулата во МЛС.

Еден и единствен, неповторлив – Лео Меси.

🐐 Lionel Messi’s impressive career stats

👕 1137 Games
⚽️ 896 Goals
🎯 406 Assists
🎩 60Hat-tricks
🔥 69 Free kick Goals
🚀 105 Outside the Box Goals
🥅 1302 Goal contributions

🏆 10x LaLiga
🏆 8x SuperCopa Cup
🏆 7x Spanish Cup
🏆 4x UEFA Champions League
🏆 3x FIFA Club… pic.twitter.com/wvcZJIiwWh

— FIFA World Cup Stats (@alimo_philip) December 6, 2025

Кошаркарот на Лос Анџелес Клиперс, Џејмс Харден, се најде на десеттото место меѓу најдобрите НБА стрелци во историјата.

Синоќа, во поразот од Минесота, Харден постигна 34 поени, но веќе со 19 (кои ги постигна пред полувремето), го престигна Кармело Ентони на листата на најдобри стрелци во лигата на сите времиња.

Харден досега има постигнато 28.303 поени.

Покрај плејмејкерот на Клиперс, во првите десет на листата има само уште двајца активни играчи, Леброн Џејмс е на првото место и Кевин Дурант, кој е на осмото место со 31.050 поени.

Харден, три пати по ред, од 2017 до 2020 година, беше најдобар стрелец во лигата, го држи и рекордот по број на постигнати поени во еден натпревар во дресот на Клиперс (55) и Хјустон (61).

Тековната сезона на Харден е 17-та во неговата кариера, тој сè уште е без титула и има сè помалку шанси да го подигне шампионскиот трофеј.

На листата на сите времиња на десетте најдобри стрелци во лигата, освен Харден, само Карл Малоун нема шампионски трофеј.

Foto/ EPA

Фудбалерите на Интер Мајами ги победија Ванкувер Вајткепс со 3:1 во финалето од плејофот и за прв пат во историјата ја освоија титулата во МЛС шампионатот.

Натпреварот за трофејот се играше на теренот на подобро пласираната екипа од регуларниот дел од сезоната.

Во својата бајковита кариера, ненадминливиот Лео Меси, кој командуваше со легијата Аргентинци во дресот на Интер на теренот, од клупата предводена од сонародникот Хавиер Маскерано, освои уште еден трофеј.

Овој пат, Меси не беше стрелец, но танцуваше низ теренот, беше многу мотивиран, желен за нова титула, ја иницираше акцијата што му претходеше на водечкиот гол на Интер, директно му асистираше на Родриго Де Поло за 2:1, помогна и кај третиот гол…

Поранешниот играч на Атлетико, Де Пол, го реши натпреварот со гол во 71-та минута, ги казни гостите за грешките и го насочи натпреварот во посакуваната насока пред преполните трибини на стадионот во Мајами.

Натпреварот беше достоен за финале.

Домашниот тим поведе со автогол на Едие Окампо веќе во 8-та минута, Де Пол, како што споменавме, го зголеми резултатот на 2:1, а друг Аргентинец Тадео Аљенде, длабоко во судиското продолжение, стави крај на историската победа на Интер.

Забавата можеше да започне дури тогаш, но победата лесно можеше да им припадне на Канаѓаните.

Стрелец за Ванкувер, за 1:1 Али Ахмед, а потоа Ванкувер извршија силен притисок .

На врвот на доминацијата на Ванкувер, во 61-та минута, Емануел Саби ги замрзна навивачите и фудбалерите на Мајами, се стрча кон голот, шутираше од работ на шеснаесетникот, а топката прво ја погоди левата страна, а потоа се одби од десната статива во поле…

Интер доминираше во МЛС оваа сезона и заслужено го освои највредниот куп во САД.

Од доаѓањето на славниот Аргентинец во Мајами, клубот освои четири купа, но ниту еден толку важен како овој наменет за најдобриот тим на северноамериканскиот континент.

Емотивно, еден од ко-сопствениците на Интер, славниот Дејвид Бекам, го прослави успехот со долга прегратка со Меси по натпреварот.

Foto/ EPA