Спорт
„Нашите млади напаѓачи учат од Кавани“

Манчестер јунајтед, вечерва, гостува кај Арсенал, во дербито на колото, во Премиер лигата. Во пресрет на натпреварот, на прес конференцијата, менаџерот Оле Гунар Солскјер, го истакнал придонесот што во тимот го има Единсон Кавани.
Уругваецот, во финишот на преодниот рок, направи изненадувачки трансфер на „Олд Трафорд“. Претходно, 33-годишниот напаѓач, со голем успех играше во Наполи и ПСЖ.
Солскјер истакнува еден голем квалитет на Уругваецот, а тоа е влијанието што го има врз младите играчи. Нешто слично во минатото правел Теди Шерингам, кој како искусен голгетер од Тотенхем се пресели во Манчестер јунајтед.
„Теди дојде во 1997 година со големо искуство, многу научив од него. Мислам дека Кавани денес има исто такво влијание…Тогаш бевме млади напаѓачи и учевме од Теди, денес Кавани ги има Мејсон (Гринвуд), Маркус (Рашфорд) и Антони (Марсијал) кои учат од него. Едисон е одличен додаток за нашиот тим. Вистински пример за професионалец. Го сака фудбалот, вредно работи за тимот“, рекол Норвежанецот.
Јунајтед гостува кај Арсенал, вечерва од 18.30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал со ултиматум до Серхио Рамос

Продолжува сагата околу иднината на Серхио Рамос во Реал Мадрид. „Марка“, тврди дека Реал му поставил ултиматум на капитенот, дека мора до крајот на овој месец да реши дали ќе остане или ќе го напушти клубот.
Според „Марка“, Реал на Рамос му понудиле договор на една сезона, со можност тој да биде продолжен на уште една година и плата каква што има во договорот кој истекува на крајот од сезоната.
„Перез излезе со понуда и сега Рамос мора да одговори, за клубот да има време да бара замена доколку тој реши да замине од клубот. Главен кандидат за наследник на Рамос е Давид Алаба од Баерн“, пишува „Марка“.
Серхио Рамос е играч на Реал од 2005 година.
Спорт
Конли е замената за Букер на Ол стар натпреварот

Кошаркарот на Јута Џез, 33-годишниот Мајк Конли, прв пат во кариерата ќе се игра на Ол стар натпреварот. Комесарот на НБА лигата, Адам Силвер, го повика Конли, откако поради повреда на коленото од Ол старот се откажа кошаркарот на Финикс Санс, Девин Букер.
Конли на Ол стар натпреварот ќе им се приклучи на соиграчите Руди Гобер и Донован Мичел. Јута Џез е единствениот тим со тројца свои претставници на Ол стар мечот.
Инаку, во Атланта, каде ќе се одигра натпреварот, ќе биде и тренерот на Јута, Кин Снајдер.
Јута Џез се водечката екипа во НБА лигата со 27 победи и девет порази.
Конли, оваа сезона има просек од 16,1 поени, 5,7 асистенции, 3,5 скока и 1,4 украдени топки по натпревар.
Мајк Конли, првите 12 сезони во НБА ги мина во Мемфис Гризлис, а тековната сезона му е втора во Јута.
Ол стар натпреварот ќе се одигра во недела, во Атланта.
Спорт
ЛГБТ заедницата жестоко го нападна Ибрахимовиќ

Портпаролот на политичкото крило, на ЛГБТ заедницата во Италија, го обвини фудбалерто на милан, Златан Ибрахимовиќ, за хомофобија и расизам. За ЛГБТ заедницата спорна е шегата, која Ибрахимовиќ ја кажал на фестивалот Сан Ремо, каде што беше гостин.
Водителот на програмата, популарниот уметник Амадеус, го прашал Ибрахимовиќ како би изгледал овој фестивал доколку преносот се организира од неговиот дом.
„Пејачите во дневната соба, девојките со Златан. Ти би бил во кујната да ми вариш кафе“, рекол фудбалерот, а потоа го коментирал и Ачиле Лауро.
„Него би го ставил во гаражата да ми ги чува автомобилите. Кардците не би можеле да украдат ништо, би се уплашиле од него“.
Лауро е италијански пејач, кого го споредуваат со Лејди Гага, бидејќи се декларира како „тоа“, а не како „тој“ или „таа“.
За „Ла република“, портпаролот на ЛГБТ заедницата го осудил настапот на Ибрахимовиќ и рекол дека тој и во минатото имал вакви испади.
„Дека е хомофоб Ибрахимовиќ покажа и во Шпанија. Кога во 2010 година еден новинар го праша дали е хомосексуалец, тој му рекол да ја донесе својата сестра“.
Претставникот на ЛГБТ, смета дека Ибрахимовиќ неодамна на расна основа ги навредил Ромелу Лукаку и неговата мајка.
За овој инцидент, УЕФА и Серија А, го ослободија Ибрахимовиќ од обвинувањата.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“