Руди Фелер ќе ја напушти функцијата спортски директор на германската фудбалска репрезентација по истекот на сегашниот договор, кој трае до крајот на ЕВРО 2028. Тој ја презеде функцијата по елиминацијата на тимот во групната фаза на Светското првенство во Катар.

„Двапати го продолжував договорот, но по летото 2028 ќе се повлечам“, изјави Руди Фелер за списанието „Штерн“, цитирано од ДПА.

Фелер го освои Светското првенство како играч во 1990 година и го одигра последниот натпревар за националниот тим во поразот со 1-2 од Бугарија во четвртфиналето на Мундијалот 1994 во САД. Тој беше и селектор на Бундестимот на Мундијалот во 2002 година, кој заврши со пораз од Бразил со 0-2 во финалето.

„Можеме да бидеме среќни што го имаме за селектор на репрезентацијата Јулијан Нагелсман. Неговото доведување на ова место беше најдоброто нешто што го направив за федерацијата во последните години“, истакна Фелер.

Лидерот во Формула 1, Оскар Пjастри, изјави дека е „подготвен“ за притисокот што го носат последните седум трки од сезоната и финалната битка за светската титула.

Пjастри води со 25 поени пред својот тимски колега во Мекларен, Ландо Норис, кој во Баку освои само шест поени, додека Оскар отпадна. Третопласиран е Макс Ферстапен, на 69 поени зад лидерот.

Пјастри истакна дека искуството што го стекнал со освоените титули во Формула 3 и Формула 2 ќе му помогне во неговата прва сезона како кандидат за титулата во Формула 1.

„Кон крајот на сезоната ќе има повеќе притисок, но јас сум подготвен за тоа“, објасни Пиастри. „Сум бил во слична ситуација и порано, во други шампионати, а битката на крајот на сезоната е иста. Подготвен сум за тоа, можам да се потпрам на Марк Вебер, но клучно ќе биде како ќе се справам со притисокот, како ќе возам и како ќе реагирам на сè што ќе следи.Многу е важно што сум дел од добар тим, имам доверба во тимот, во Марк исто така, и не можам да дочекам да видам што ќе се случи“, изјави Оскар Пјастри.

Нема повеќе дилеми – Италија е земја на одбојката. По големиот успех на женската репрезентација, денеска и машкиот национален тим стигна до титула светски првак, освојувајќи го златото на Светското првенство кое се одржуваше на Филипините.

Во финалето, Италијанците ја совладаа Бугарија со 3:1 во сетови и на тој начин ја одбранија титулата од претходното Светско првенство. Ова е нивна вкупно петта светска круна, со што уште еднаш ја потврдија својата доминација на светската одбојкарска сцена.

Италија одигра импресивен турнир – сигурна, моќна и дисциплинирана, што на крај сосема заслужено ги донесе до златниот пехар.

Тек на финалето:

Првиот сет заврши со 25:21 за Италија.

Во вториот сет „азурите“ беа уште поубедливи и славеа со 25:17.

Бугарија се врати во третиот сет и намали на 2:1 по сетови, освојувајќи го со 25:17.

Но, четвртиот сет беше вистинска одбојкарска уметност од Италија и целосен колапс на Бугарите – 25:10 за конечни 3:1.

Со оваа победа Италија не само што го потврди статусот на актуелен шампион, туку покажа дека има генерација способна за долгогодишна доминација.

Бронзата на шампионатот замина кај Полска, која во мечот за третото место ја совлада Чешка со 3:1 во сетови.