Един Џеко (35), во интервју за „Кориере дела Сера“, открил зошто во 2015 година го напуштил Манчестер сити.

Џеко, четири сезони мина во Сити, со клубот два пати ја освои Премиер лигата, по еднаш им се радуваше на трофеите во Лига и ФА купот, односно во Комјунити шилд.

Босанецот од Манчестер сити се пресели во Рома. Шест години го носеше дресот на „волчицата“, од оваа сезона игра за Интер.

„Се наоѓав во најдобриот период од кариерата, не сакав да бидам резерва, поради тоа ја одбрав Рома. Не жалам за таа моја одлука. Само трофеј не успеав да освојам, но во Рома минав прекрасни шест години. Во срцето го носам тој клуб. Сега сум во Интер, сакам да ја освојам титулата. Инаку, Англија ја напуштив и покрај тоа што имав уште три години од договорот со Сити. Не се согласував со тренерот Мануел Пелегрини“, рекол Џеко.

Ешли Барти, на големо задоволство на фановите во Мелбурн, избори пласман во финалето на Австралија опен. Светската број 1 за само 62 минути, во полу-финалето ја победи Медисон Киз со 6/1, 6/3. Барти на патот до финалето не загуби ниту еден сет.

Ешли Барти, во кариерата има освоено две гренд-слем титули (Ролан Гарос 2019), Вимблдон 2021), сега е на добра пат да стане првата Австралијка со трофеј на домашниот гренд-слем по повеќе од четири децении.

Последен пат финалистка во Мелбурн парк, Австралија имала во 1980 година (Венди Тумбул).

Барти за титулата ќе се бори против победничката од второто полу-финале, во кое ќе се сретнат Американката Даниел Колинс и Ига Швјонтек од Полска.

Манчестер јунајтед се блиску до одлуката да му ја доверат менаџерската позиција на Ралф Рагник, тврдат британските медиуми. За потсетување, Германецот, во декември минатата година го наследи Оле Гунар Солскјер. Тој тогаш доби статус привремен менаџер, договори со клубот по завршувањето на сезоната да стане советник во клубот.

Манчестер јунајтед со Рангник, шест победи, три нерешени и еден пораз во Премиер лигата. Тимот, се врати во борбата за местата кои водат во Лигата на шампионите.

Клупските челници биле задоволни од резултатите и играта, поради што биле многу блиску до одлуката да му понудат постојан договор на Рангник.

Носењето на конечната одлука сигурно ќе зависи и од тоа како ќе се одвиваат преговорите со кандидатите за позицијата на која сега се наоѓа Германецот. Три имиња најчесто се поврзуваат со Манчестер јунајтед: Маурисо Покетино од ПСЖ, тренерот на Ајакс Ерик тен Хаг и актуелниот селектор на Шпанија, Луис Енрике.