Поранешниот репрезентативец на Македонија, Аријан Адеми, наскоро треба да го напушти Динамо Загреб. Откако се врати во Динамо на крајот од летото 2023 година по краток престој во Кина, Адеми сега е повторно пред заминување од „Максимир“.

Причината за неговото заминување е недостатокот на минутажа во тековната сезона, во која, по правило, тој беше играч кој влегуваше од клупата. Оваа сезона, настапи во 26 натпревари за Динамо, но одигра само 1213 минути, што значи дека играл во просек малку повеќе од едно полувреме по натпревар.

Дејан Љубичиќ, Роберт Мудражија и Марко Солдо ќе му се приклучат на Динамо во летниот преоден рок, па и покрај заминувањето на Петар Сучиќ, а веројатно и на Мартин Батурина, нема да има место за Адеми.

Како најконкретна опција за негов нов ангажаман се споменува Марибор.

Доколку Адеми се пресели во Марибор, тој би требало да има значително поголема минутажа и улога во тимот. Адеми заработува околу 800 илјади евра годишно во Динамо, а има договор до јуни 2026 година.

Адеми одигра 420 натпревари за Динамо, во кои постигна 47 гола и имаше 32 асистенции.

Дефанзивецот Родриго де Соуза Прадо, познат во фудбалскиот свет како Родригао, пристигна во Црвена звезда. Бразилскиот фудбалер потпиша двегодишен договор во просториите на клубот и го одбра дресот со број пет.

„Многу ми е мило што ќе имам можност да играм европски натпревари, тимот ја освои титулата и оваа сезона, а Црвена звезда веќе еднаш беше шампион на Европа, Мотивиран, заедно со соиграчте да продолжиме да редиме успеси“, рече Родригао.

Последниот клуб за кој играше Бразилецот беше рускиот Зенит. Во февруари оваа година, тие постигнаа договор за предвремено раскинување на соработката. Тој се приклучи на тимот од Санкт Петербург во 2022 година.

Пред тоа, 30-годишникот роден во Бразил, во септември 1995 година, играше за Атлетико Минеиро, Калденсе, Коимбра, Бое Еспорте и Феровија во Бразил. Во Европа играше за Жил Винсенте во Португалија, а пред Зенит беше во Сочи.

Родригао е второт засилување за црвено-белите, за новата сезона. Претходно клубот ги договори сите детали со српскиот репрезентативец Милош Вељковиќ, кој реши да се врати во татковината откако му заврши договорот со Вердер.

Еуфорија се чувствува на секој чекор во Неапол, тимот на Антонио Конте, вечерва може да ја освои титулата во Серија А.

Малку им треба на Наполитанците да се „запалат“, тие веќе почнаа да ја слават титулата, ако ја освојат, тоа ќе им биде втора во три сезони, по исходот од бурното претпоследно коло.

Наполи одигра скромни 0:0 во Парма, но првиот ривал Интер исто така одигра нерешено, со Лацио (2:2), а редоследот на табелата остана непроменет пред последните 90 минути од сезоната.

Napoli right now 😍 pic.twitter.com/6ab1ozcy8k

— Italian Football TV (@IFTVofficial) May 23, 2025

Наполи има бод повеќе од „нероазурите“. Наполитанците сега сакаат да ја завршат работата, во петок навечер на „Марадона“ ги очекува Каљари и со триумф би запечатиле уште една шампионска сезона и би го фрлиле градот во подножјето на Везув во состојба на транс.

Ако се прашуваат навивачите и луѓето во клубот, титулата е осовоена.

Нема друго сценарио за дискусија овие денови во Неапол, сите се занимаваат со тоа како ќе се одвива шампионската прослава.

За да им олеснат на играчите, лтрасите на Наполи организираа „напад“ врз хотелот каде што престојуваат играчите на Каљари претходната ноќ, активираа огномет и пиротехнички средства, во глуво доба од ноќта.

🚨 𝐋𝐈𝐕𝐄 𝐍𝐀𝐏𝐎𝐋𝐈 – Fuochi d’artificio e lancio di fumogeni davanti all’hotel in cui alloggiano i giocatori del Cagliari‼️#Napoli #Sportitalia pic.twitter.com/E4rQfsDmrV

— Sportitalia (@tvdellosport) May 22, 2025

Во клубот, веќе отворија шампањ и подготвија скара иако зајакот е сè уште во шумата.

Очигледно, сите што живеат во Неапол се сосема сигурни дека вечерва ќе бидат крунисани за шампиони, па затоа направија тест за поставување на подиумот на кој ќе се искачат играчите ако го победат Каљари.

Lega Serie A a Napoli per le prove tecniche…👀 pic.twitter.com/tv5CMoRV8y

— Antonio Lobotka ♞ (@antoniolobotka) May 21, 2025

Во исто време, Интер ќе го игра својот натпревар во Комо против незгодниот состав на Сеск Фабрегас и ќе бара победа, но во исто време ќе ги слуша настаните од Неапол, каде, забавата е веќе подготвена.

И двата натпревари почнуваат во 20:45 часот.