Спорт
Навивачите на Сосиедад му се заканија со смрт на Антоан Гризман

Навивачите на клубот Реал Сосиедад му се заканија со смрт на играчот на Атлетико Мадрид, францускиот интернационалец Антоан Гирзман за време на натпреварот од шпанското првенство, објавија француските медиуми.
Фудбалерите на Реал Сосиедад, одиграа нерешено 1:1 против Атлетико Мадрид во неделата вечерта во деветтото коло од Примера.
Гризман, поранешен играч на Реал Сосиедад, беше пречекан во непријателска атмосфера, навивачите на Реал Сосиедад му скандираа „Умри“ и „Гризман е мртов“.
Францускиот напаѓач, кој неодамна се повлече од репрезентацијата, секогаш кога ја имаше топката беше исвиркуван.
Ваквото однесување го натера раководството на Реал Сосиедад на големите екрани на стадионот за време на натпреварот да ја емитува пораката „Не за расистичките песни, ксенофобијата и нетрпеливоста“. Охрабрете го и поддржете го тимот, но почитувајте го противникот“.
Навивачите ја исвиркаа и оваа порака, додаваат француските медиуми.
Гризман во сениорска конкуренција дебитираше за Реал Сосиедад во 2009 година, кога беше прекумандуван во првиот тим од клупската акедемија. До 2014 година одигра 180 натпревари и постигна 46 гола. Во летниот преоден рок во 2014 година тој за 30 милиони евра се пресели во Атлетико Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.