Спорт
Навивачите собраа милион евра за 48 часа и го спасија својот клуб од банкрот
Минатиот вторник пристигнаа лоши вести за навивачите на ВФБ Лубек, германски четвртолигаш. Лубек е град во северна Германија, во провинцијата Шлезвиг-Холштајн.
Клубот тогаш објави дека е пред банкрот, и дека во следните 48 часа мора да собере еден милион евра за да се спаси.
„Сеопфатната анализа на моменталната финансиска состојба идентификуваше значителен недостаток на ликвидност, што претставува голем финансиски предизвик за Надзорниот одбор и раководството“, напишаа од клубот.
„Апелираме до сите да застанат покрај нас во овој тежок момент и да размислат како можат да не поддржат. Секоја навремена поддршка, без разлика дали во форма на спонзорство, донации или други мерки е важна. Само заедно можеме да го спасиме Лубек и да ја надминеме оваа егзистенцијална криза“, се вели и во пораката, а навивачите на Лубек покажаа колку се подготвени да го спасат својот клуб.
Клубот во неделата попладне објави дека во последните неколку дена успеал да собере еден милион евра од навивачите, поддржувачите и спонзорите. На миса во Лубек во неделата рано навечер, веста за спасувањето официјално им беше објавена на навивачите. Присуствуваа околу 4.500 луѓе.
Подоцна, клубот ја објави веста преку официјални канали: „Сензационално, извонредно, уникатно, ова е за историја, иако е тешко да се опише со зборови што сме доживеале, собравме, споделивме и постигнавме заедно како Лубек семејство. Ја собравме потребната сума од еден милион евра, Лубек жив!“, соопшт клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мексикаците ја потврдија замена за Агире по СП
Фудбалската репрезентација на Мексико, на СП, чии е ко-домаќин, заедно со САД и Канада, од клупата ќе ја предводи искусниот стратег, Хавиер Агире. Националниот сојуз објави дека тоа ќе биде последната работа на Агире, тој по Мундијалот ќе се пензионира.
Ова значи дека по Светското првенство, Мексико ќе добие нов селектор. „Собрероси“ по СП ќе ги преземе уште една легенда, поранешниот играч на Барселона, Рафа Маркез.
„По Светското првенство 2026, Маркез ќе ја заврши својата улога како асистент, а потоа ќе биде назначен за селектор на Мексико. Веќе имавме разговори со него и тоа е планот за следниот период. Во договорот на Маркез пишува дека по Светското првенство 2026, тој ќе стане селектор на репрезентацијата“, вели Иван Сисниега, претседател на Фудбалскиот сојуз на Мексико.
Маркез треба да биде селектор на мексиканската репрезентација до 2030 година.
Спорт
Упанекано бара 16 милиони евра или ќе си замине бесплатно
Дефанзивецот на Баерн Минхен, Дајот Упамекано, наводно му поставил на клубот ултиматум поврзан со продолжувањето на договорот. Францускиот репрезентативец влегува во последните шест месеци од договорот и јасно стави до знаење дека европските гиганти Реал Мадрид и Пари Сен Жермен се подготвени да ги исполнат неговите финансиски барања доколку баварскиот клуб не ги исполни неговите финансиски барања.
Преговорите меѓу Баерн и францускиот репрезентативец, дојдоа до критична точка. Според „Кикер“, менаџерите на Упамекано го информирале раководството на клубот дека преговорите се практично завршени, освен ако не се исполнат нивните специфични финансиски услови.
27-годишникот, чиј договор истекува во јуни 2026 година, ќе може да потпише преддоговор со друг клуб на 1 јануари, оставајќи му на Баерн само неколку недели да ја ги прифати барањата или да ризикува да го изгуби без обештетување.
Упамекано е столб на одбраната под водство на Винсент Компани оваа сезона, одигра 20 натпревари во сите натпреварувања. Неговите менаџери се фрустрирани од бавното темпо на преговорите и неподготвеноста на клубот да ја наруши својата структура на плати.
„Кикер“ и „Спорт Билд“ објавуваат дека Упамекано бара годишна плата од 16 милиони евра, вклучувајќи бонуси, со специфични клаузули за откуп што би му дале контрола врз иднината на неговата кариера.
Сржта на проблемот лежи во напорите на Баерн да ги намали финасиските барања. Иако клубот го смета продолжувањето на договорот на Упамекан за приоритет, не сака да се согласи со барањата што би го сместиле меѓу најплатените играчи во тимот.
Од друга страна, менаџерите на фудбалерот тврдат дека неговите перформанси го оправдуваат таков статус, особено имајќи ја предвид пазарната вредност на елитните дефанзивци во нивниот најдобар период.
Ултиматумот врши голем притисок врз спортскиот директор Макс Еберл и раководството на Баерн. Доколку го одбијат она што го сака, Упамекано е подготвен да дозволи неговиот договор да истече. Губењето на играч вреден околу 60 милиони евра без обештетување би бил значаен финансиски удар.
Дополнителна главоболка за Баерн создава отворениот интерес на европските финансиски гиганти. Извештаите тврдат дека и Реал Мадрид и Пари Сен Жермен испратиле сигнали дека се подготвени целосно да ги исполнат финансиските барањата на Упамекано.
Foto/depositphotos
Спорт
Слот: Ќе разговарам со Салах, од зависи дали утре ќе биде во тимот
Арне Слот влезе во конференциската сала насмеан, но и свесен за тоа што го очекува за време на средбата со новинарите пред дуелот со Брајтон.
Секако, првото прашање беше – дали е решена ситуацијата со Мохамед Слах.
„Ќе разговарам со Мо малку подоцна. Исходот од тој разговор ќе одреди како ќе изгледаат работите утре“, рече Слот. „Она што ми треба е разговор со него. Мислам дека следниот пат кога ќе разговарам за него, тоа треба да биде со него, а не тука со вас. Можете да се обидете, но нема многу што можам да ви кажам пред да разговарам со него. Ќе повторам, исходот од тој разговор ќе биде одлучувачки за тоа како ќе изгледа сè утре“, рече тренерот на Ливерпул и дополни.
„Немам ниту една причина зошто не би сакал Салах да остане во нашиот клуб. Многу победи забележавме со него во тимот. Што се однесува до одлуката да не патува во Милано, ние одлучивме како клуб. Секогаш сум во контакт со спортскиот директор Ричард Хјуз и извршниот директор Мајкл Едвардс, но кога станува збор кој ќе биде во тимот, тоа е секогаш моја одлука. Тоа не значи дека не разговараме, туку едноставно е моја одлука кога станува збор за тоа кој ќе биде во тимот, а кој нема да биде.“
Ливерпул го пречекува Брајтон во сабота од 16:00 часот.
Foto/ depositphotos

