Кевин Де Брујн денес го игра своето последно финале во дресот на Манчестер сити. „Граѓаните“ во финалето на ФА купот за противник го имаат Кристал Палас.

Де Брујне ќе го напушти како слобиден играч, а се очекува по завршувањето на сезоната да објави каде ќе ја продолжи кариерата.

Најдобриот играч на Ливерпул, Мохамед Салах го кани Белгиецот на „Енфилд“.

Египќанецот даде интересна изјава во која јавно му оддаде почит на Кевин Де Брујн за сè што направи за Премиер лигата во изминатата деценија. Патем, тој се пошегува дека на „Енфилд“ има место за играч од негов квалитет.

„Сакам да му честитам за сè што постигна во кариерата досега. Тој заврши фантастична работа во Манчестер сити и имаше неверојатен придонес во развојот на Премиер лигата и навистина му посакувам се најдобро. И секако имаме место тука за него“, рече Мо Салах низ смеа.

Салах и Де Брујне беа соиграчи пред една деценија во Челси.

Сепак, во моментов нема навестувања дека Де Брујн би можел да оди во Ливерпул, а Наполи во моментов се споменува како најреална опција.

Де Брујне одби трансфер во Саудиска Арабија и САД бидејќи верува дека сè уште може да игра на најголемата сцена.

Тренерот на Реал Мадрид, Карло Анчелоти, ѝ честиташе на Барселона за заслужено освоената титула.

Со победа од 2:0 над Еспањол, Барселона официјално стана нов шампион на Шпанија во четврток, на две кола до крајот.

Пред натпреварот со Севилја, на денешната конференција, Карло Анчелоти ѝ честиташе на Барселона за заслужениот трофеј.

„Барселона играше брилијантно и затоа треба да им честитаме. Тие беа најконзистентниот тим во текот на целото првенство и во исто време играа прекрасен фудбал. Да, заслужено ја освоија титулата“, рече Анчелоти и дополни.

„Никогаш нема да ги критикувам моите играчи, бидејќи знам дека дадоа се од себе и ме направија толку среќен во изминатите четири години. Тие секогаш ќе бидат најдобри за мене. Во тој период, клубот донесе играчи како Камавинга, Чуамени, Ридигер, Белингам, Мбапе… и дали можев да побарам повеќе? Не. Што се однесува до Мбапе, неговата прва сезона беше одлична. Знам дека ќе биде уште подобар, ќе постигне над 40 гола“.

Анчелоти официјално ќе го напушти Реал Мадрид по завршувањето на Ла Лига на 25 мај, но веќе го чека нова работа, бидејќи ќе стане нов селектор на Бразил.

Кошаркарот на Париз, Ти Џеј Шортс, беше прогласен за најкорисен играч (MВП) на француското првенство.

Втора година по ред репрезентативецот на Македонија да доминира во Франција и ја добива престижната награда. .

Шортс одигра 24 натпревари оваа сезона во француското првенство, постигнувајќи просек од 16,9 поени и осум асистенции, со 59,1 процент реализација од поле.

Не треба да заборавиме дека во својата прва сезона во Евролигата, тој беше кандидат за наградата за МВП, а беше вклучен и во првиот тим на Евролигата.

Многу тимови од Евролигата покажуваат интерес за Шортс, но како што стојат работите тој кариерата ќе ја продолжи во НБА.