Спорт
НБА куп ќе се игра од наредната сезона, лигата и играчите се согласија за новиот колективен договор
НБА лигата и Здружението на играчи (НБПА), три месеци пред евентуалниот локаут што би ја загрозил следната сезона се договориле за условите на новиот колективен договор. Она што го договорија двете страни ќе трае седум години, иако двете страни имаат право да се повлечат од договорот една година порано, односно во 2029 година.
Заедно со многуте вести кои првенствено се однесуваат на распределбата на парите и ограничувањата за трошење, најинтересна е дефинитивната одлука за лансирање на ново натпреварување кое ќе се игра среде сезона, по моделот на куповите кои се играат насекаде во светот.
Се уште не е дефинирано, но НБА купот би можел да го добие првото издание веќе следната сезона, пренесува „ESPN“ и додава дека двете страни се уште преговараат за деталите од новиот колективен договор.
Стандардниот распоред на сезоната ќе вклучува квалификациски натпревари за завршниот турнир, на кој ќе се квалификуваат осум екипи, а најверојатно ќе се одржи во Лас Вегас. Секој натпревар на турнирот ќе се смета за регуларниот дел од сезоната, па финалистите во НБА купот наместо 82 ќе одиграат 83 натпревари.
Друга иновација е воведувањето на минимален број на натпревари во кои играчот мора да се појави за да може да се земе предвид при гласањето за индивидуални награди на крајот од сезоната.
Причина за тоа е клубовите поради претпазивост, често играат без најголемите ѕвезди. Јасно е дека секој клуб сака најдобрите да ги има на теренот кога ќе започне плеј-офот. За да се влезе во конкурениција за било која индивидуална награда, играчите ќе мора да одиграат најмалку 65 натпревари во регуларнот дел од сезоната, но очекува и флексибилност од лигата во случај на вистински повреди.
НБА нема да воведе цврст „селери-кап“ на платите за да ги спречи клубовите да трошат прекумерно, но дополнително ги обесхрабри со воведување втор лимит, 17,5 милиони долари над даночната линија за луксуз.
Од друга страна, НБА ќе воведе олеснителни околности за тимовите кои трошат помалку.
За играчите најважна новост е зголемувањето на максималниот договор, кога кошаркарот ќе треба да го продолжи догооорт. Досега играчите кои го продолжуваат договорот со клубот имаа право на 120% од претходниот договор, а сега таа граница е зголемена на 140%.
Конечно беше одлучено од следната сезона да се отвори уште едно место во ростерите за играч со двонасочен договор. Заедно со 15 играчи со стандардни договори, клубовите досега имаа право на двајца играчи со такви договори. Сега во ростерот ќе можат да имаат 18 играчи наместо досегашните 17 играчи.
Една од промените за која се шпекулираше, но не е договорена се однесува на старосната граница која не е намалена, што значи дека американските играчи сепак ќе мора да ја поминат сезоната по средно училиште на универзитет или на друго место, а странските играчи сепак ќе бидат само можат да се пријават на драфт во годината кога ќе наполнат 19 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.