Џејлен Браун, Демијан Лилард и Гордон Хејворд блескаа изминатата ноќ во НБА-лигата.

Бостон Селтикс  ја прекина серијата од три порази против Кливленд Кавалирс. Селтикси предводени од Џејлен Браун го „прегазија“ Кливленд со 141:103. Браун постави нов рекорд во НАБ-лигата, тој за само 19 минути успеа да постигне 33 поени.

Шарлот Хорнест забележа победа на Флорида, против Орландо 107:104. Хорнетси последниот период го добија со 33:18. До победата ги предводеше Гордон Хејворд со 39 поени и 9 скока.

Портланд тесно го совладаа Њујорк Никс, 116:113. Најзаслужен за победата беше Демијан Лилард со 39 поени, 5 скока и 8 асистенции.

За издвојување е и улогата што ја имаше Јанис Адетокумбо во победата на Милвоки над Атланта 129:115. Гркот забележа 23 поени, 14 скока и 8 асистенции.

Резултати:

Бостон-Кливленд 141:103
Орландо-Шарлот 104:107
Милвоки-Атланта 129:115
Сан Антонио-Вашинготн 121:101
Портланд-Њујорк 116:113

Рајан Кразузер постави нов светски рекорд во фрлање ѓуле во сала. На митингот во Фејвил, Краузер го фрли ѓулето на далечина од 22,82 метри.

Рекордот, Краузер го постави во првата серија. Тој за 16 сантиметри го подобри рекордот, кој во 1989 година го постави Ренди Барнс.

Американецот е актуелен светски и олимпписки шампион.

Атлетико Мадрид триумфираше над Валенсија со 3:1 за да се одвои на седум поени предност на врвот на Ла лига пред градскиот ривал Реал Мадрид и тоа со натпревар помалку, откако Жоао Феликс, Луис Суарез и Анхел Кореа стрелаа откако претходно „лилјаците“ дојдоа до шокантно водство на „Ванда Метрополитано“.

Србинот Урош Рачиќ во 11. минута од мечот постигна еден од најубавите голови во Ла лига оваа сезона, удар кој ниту Јан Облак немаше шанси да го стигне. Жоао Феликс во 23. минута успеа да израмни на 1:1 со интересен гол, по што во второто полувреме, „рохибланкос“ ја презедоа контролата – Суарез го постигна својот 12. гол во 15 меча оваа сезона во 54. минута, за Кореа да го потврди триумфот во 72. минута.

Тимот на Диего Симеоне сега има 47 поени на врвот од табелата по 18 меча, додека со 19 одиграни меча, Реал е втор со 40, а Барса трета со 37 поени. Валенсија е само 14. со 20 освоени поени досега и само четири победи.