Поранешниот фудбалер на Атлетико Мадрид и Ливерпул, Фернандо Торес минатата година изненади многу фанови откако се појавија фотографии во кои се забележува дека има набиено фантастични мускули, и Шпанецот сега првпат на Инстаграм објави дел од неговата напорна програма во теретана.

38-годишниот Торес работи на различни машини, на кои убаво се гледаат неговите огромни бицепси, кои ги направи по крајот на фудбалската кариера пред три години.

Тој во моментов работи како тренер на У-19 тимот на Атлетико Мадрид. Во својата кариера тој имаше 262 гола во 767 настапи за своите клубови, а за Шпанија имаше 38 гола во 106 меча за Шпанија, со која го освои Светското првенство во 2010 и две Европски првенства.

View this post on Instagram

A post shared by spAce by 9F (@space9f)

Фановите се чудат колкав се „направил“ Фернандо Торес

Габриел Жесус објасни дека главната причина што си замина од Манчестер сити во Арсенал е што му се „смачило“ од побарувањата на менаџерот Пеп Гвардиола.

25-годишниот Бразилец замина во северен Лондон за 45 милиони фунти и имаше совршен почеток со 4 гола во 8 настапи, велејќи дека се чувствува „ослободен“ во новиот тим.

„Се работи за тоа како Гвардиола го разбира фудбалот и што сака од своите фудбалери. Потоа, имаш избор да го прифатиш тоа или не. Ако не го прифаќаш, тогаш е ‘благодарам’ и одиме понатаму. Го прифаќав тоа некое време, но сепак, потоа си кажав дека сакам нешто повеќе за мене. Му се заблагодарив, тој ме разбра и одиме понатаму. Тука во Арсенал е поинаку. Фудбалот е поинаков, поинакви фудбалери, поинаков начин на игра. Во Сити, напаѓачот нема многу контакт со топката, погледеите ги нивните натпревари. И кога е време да се допре топката, тоа ќе го направи нема да биде напаѓач, бидејќи Гвардиола ќе доближи фудбалер од средниот ред. Зборував со Микел Артета за стилот на игра и тој добро ме познава. Сега сум слободен на теренот, играм со насмевка на лицето и го давам максимумот“, вели Жесус за „ЕСПН Бразил“.

Жесус постигна 95 гола за Сити во пет и пол сезони во тимот, освојувајќи четири титули од Премиерлигата.

Селекторот на Аргентина, Лионел Скалони, верува дека Лионел Меси ќе има збогување какво што неодамна имаше тениската ѕвезда Роџер Федерер.

35-годишниот Меси неодамна постигна четири гола на пријателските натпревари против Хондурас и Јамајка како дел од подготовките на Аргентина за Светското првенство во Катар.

Скалони минатата недела го продолжи договорот со Аргентина до 2026 година смета дека Меси го заслужува најдоброто можно збогување.
„Треба да ја искористите таа предност. Тоа е како со Федерер. Тој се пензионираше и што се случи? Сите се преплавени со емоции, сите велат ‘тој повеќе не е тука, нема да игра повеќе’. Истото ќе се случи и со Меси. Ајде да уживаме без разлика од која земја е. Одлично е да го гледам. Имам можност да му бидам тренер, но да сум навивач би платил карта да го гледам и да го купам неговиот дрес. Единствено што ни простанува е да уживаме. Не знам дали такво нешто ќе се повтори“, изјави Скалони.

Меси сè уште не зборува за пензија, но на крајот од оваа сезона ќе стане слободен играч.

Тогаш ќе треба да донесе одлука каде ќе ја продолжи кариерата.

Прашање е дали ќе се врати во Барселона, ќе остане во Париз или ќе замине во Америка, каде има понуда од Интер Мајами.