Аргентинскиот напаѓач Гонзало Игуаин би можело на крајот на сезоната да ја заврши професионалната кариера иако има само 33 години.

Англиските и американските медиуми пренесуваат дека доколку Интер Мајами го отпушти аргентинскиот ас, тој ќе ја заврши кариерата.

Аргентинецот има уште две години од договорот со клубот од МЛС лигата, но најавите оттаму се дека сакаат да се ослободат од неговите обврски поради високата плата што ја има.

Интер Мајами е во финансиски проблеми, од клубот сакаат да и намалат платите на играчите, а Игуаин заработува 5,7 милиони долари годишно.

Досега, на 35 меча колку што настапи постигна 11 гола.

Синоќа ПСЖ со 3-2 славеше против Лајпциг во 3. коло од групната фаза во Лигата на шампионите. Килијан Мбапе беше еден од јунаците на „Светците“, го даде првиот гол на мечот. Во продолжение најпрво му асистираше на Лео Меси при вториот гол за својот тим, а изнуди и пенал кој Аргентинецот го претвори во водство од 3-2.

Во изјава за француските медиуми младиот голгетер рече дека му го препуштил пеналот на Меси од почит кон повозрасниот колега, иако било планирано тој да изведува најстрога казна.

„Тоа е нормално и се работи за почитување. Па тој е Лео Меси, најдобриот фудбалер во светот, секако дека ќе му го препуштам пеналот! Тоа што дојде во нашиот клуб е привилегијаи ова го велам веќе стопати. Ако е пенал, тогаш шутира тој, и точка. Тука нема дискусија“ рече Мбапе.

Во самата завршница од синоќешниот меч на „Паркот на принцовите“ беше досуден уште еден пенал за домашните, го изведе токму Мбапе, ама беше непрецизен.

„Меси ми рече да шутирам јас. Тоа го сторив затоа што веќе се беше решено. Меѓутоа, првиот, одлучувачкиот мораше тој да го шутира“ потенцираше Французинот.

Мика Хакинен го потврди учеството во Трката на шампионите. Домаќин на трката, на 5. и 6. февруари наредната година ќе биде Пит Хавсбад, Шведска. Трката се вози по снег и мраз.

Двократниот светски првак во Формула 1, Хакинен, заедно со возачот на Мерцедес, Валтери Ботас, ќе возат за Финска. Ќе се бодива тимскиот и индивидуалниот пласман во трката.

„Сакам да се натпреварувам. Ова ќе биде едно поинакво искуство од она кое го имав во Ф1. Ќе се подготвувам во Финска. Драго ми е што ќе бидам во тимот со Валтери. Очекувам победа. Се надевам дека многу наши навивачи ќе дојдат да не поддржат“, рекол Хакинен.

Покрај Финците, Хакинен и Ботас, учеството во трката веќе го потврдија Петер и Оливер Солберг, потоа трикратниот шампион во рело крос, Јохан Кристоферсон, Том Крустенсен, кој девет пати победил во Ле Ман, легендарниот рели возач, Себастијан Лоеб и Американецот Тревис Пастарана.