Спорт
Не плаќа алиментација – Ето, поради ќерката, може да заврши во затвор
Најдобриот камерунски фудбалер на сите времиња, Самуел Ето (42) е во големи проблеми и според шпанските медиуми се соочува дури и со затворска казна. Имено, шампионот на Европа со Барселона и Интер е во правен конфликт со една од ќерките која од него бара отштета и една година затвор за неисполнување на обврската за издршка.
„Мундо Депортиво“ пишува дека Ерика до Росарио Ниевес (23), законски признаена во февруари 2022 година како ќерка на славниот напаѓач, бара од својот татко значителна отштета.
Во моментот на правното признавање, судијата утврди дека поранешниот фудбалер на ќерката месечно треба да и плаќа алиментација од 1400 евра месечно за поддршка. Ето ја почитувал судската одлука и девојката сега бара казна за поранешниот камерунски репрезентативец со оглед на неплаќањето на алиментација за сето ова време.
„Тој и должи на ќерката повеќе од пет години поддршка, тоа се 90 илјади евра. Финансиската состојба на Ерика е многу слаба, додека Ето живее во луксуз“, изјави адвокатот на ќерката на Ето.
Дополнително, адвокатот рече дека е „ненормален“ фактот што поранешниот фудбалер се уште е претседател на Фудбалскиот сојуз на Камерун, со оглед на сите негови криминални досиеја. Ето беше осуден за даночна измама во Шпанија и казнет затоа што не плаќал издршка на една од другите ќерки.
Адвокатот Фернандо Осуна додаде дека Ето „може да биде осуден за злоупотреба на моќта, со оглед на супериорноста што ја покажува над Ерика“, а тој е убеден дека судскиот процес против него ќе се одржи во Мадрид.
Ерика До Росарио Ниевес е родена како резултат на врската на Ето со нејзината мајка пред 23 години. Мајката на младата жена, Адилеуса и Ето се запознале во ноќен клуб во Мадрид во 1997 година, кога Камерунецот бил член на Леганес.
Како резултат на врската, жената открила дека е бремена во февруари 1998 година, што му кажала на Ето, а тој се обврзал дека ќе се однесува одговорно кон детето, но и дал до знаење дека не е среќен што ќе добие дете.
Таа додаде дека за време на бременоста се обидела да комуницира со идниот татко, но тој не одговарал на нејзините телефонски повици или мејлови. Девојчето е родено во 1999 година во болница во Мадрид, кога фудбалерот беше член на Еспањол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Де Брујне ја објасни разликата помеѓу Конте и Гвардиола

Кевин Де Брујне вели дека се стреми кон 25-от трофеј во својата прва сезона со Наполи и ги објасни разликите помеѓу Пеп Гвардиола во Манчестер сити и Антонио Конте.
„Би рекол дека имаат два различни начини на игра. Пеп е веројатно малку повнимателен во контролата и поседот на топката, додека Конте е малку поструктуриран во играта и многу се фокусира на менталитетот. Пеп работи повеќе во просторот“, изјави Де Брујне за „Кориере дело Спорт“.
„Постојат неколку различни работи, но секој тренер има свои принципи и карактеристики“.
Белгиската ѕвезда, исто така, објасни кој трофеј најмногу сака да го освои за време на неговиот престој во Наполи.
„Веројатно Скудетото, но никогаш не сакам да бирам. Ќе земам што можам да освојам. Сепак, бидејќи никогаш не сум играл во Италија, освојувањето на лигата би била добра цел, тоа би било многу кул“.
Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.