Спорт
(Не)возможна мисија за Јунајтед, Рома гостува на „Драгао“
Рома и Пари Сен Жермен имаат предност над опонентите Порто и Манчестер Јунајтед во пресрет на осмина-финалните реванши во Лигата на шампионите. Поголема предност сепак е онаа на францускиот тим бидејќи е остварен на теренот на противникот (2:0), додека Рома реваншот во Порто ќе го започне со 2:1.
ПСЖ е единствениот тим што му го зеде скалпот на Манчестер Јунајтед откако пред 11 недели тренерската функција презеде Оле Гунар Солскјер. Во Париз сите веруваат дека ова е сезоната кога тимот ќе го исплати вложеното со пласманот во големото финале.
Килијан Мбапе во првиот меч беше нерешлива енигма за противниците, игра во голема форма и се очекува дека повторно тој ќе го реши дуелот, кога во тимот го нема Нејмар поради повреда, а веројатно нема да игра ниту Единсон Кавани.
Гостувањето во Париз за „црвените ѓаволи“ доаѓа во лош момент. Солскјер не може да смета на Матиќ, Ерера, Марсијал, Алексис Санчез, Мата, Лигнард… поради повреди и Погба кој е суспендиран. Поради тоа во ростерот ќе има неколку играчи од клупската академија. Исто така Јунејтед викендов го очекува значаен меч против Арсенал во Лондон.
Многу повеќе неизвесност треба да има на „Драгао“ во Порто. Рома по првиот меч има предност 2:1. Пласман во наредната рунда ќе значи многу на полето на самодовербата кај двата тима, бидејќи викендов забележаа порази во националните шампионати.
Рома го загуби градското дерби од Лацио (3:0), додека Порто доживеа пораз од Бенфика (2:1) и веројатно ќе остане без титулата.
Тренерот на Порто, Сержо Консеисао нема проблеми со повредени и суспендирани фудбалери, ќе може да игра со најсилниот тим, додека кај Рома ќе ги нема Ченгиз Ундер и Хавиер Паторе, а под знак прашалник е настапот на Костас Манолас.
Дуелите во Париз и Порто ќе започнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Салах останува во Ливерпул
Мохамед Салах најави дека и во следната сезона ќе го носи дресот на Ливерпул. Салах е член на црвените од 2017 година.
Египќанецот има договор со Ливерпул до јуни следната година, а поради одредени понуди за кои се пишуваше, послабата форма во вториот дел од сезоната, како и заминувањето на тренерот Јирген Клоп, се шпекулираше дема тој би можел да го напушти клубот.
Сепак, Салах со објава на Инстаграм потврди дека нема намера да оди никаде во следната година.
„Знаеме дека во Ливерпул се бараат само трофеи и ќе направиме се што е можно да ги освоиме следната сезона. Нашите навивачи го заслужуваат тоа, а ние играчите ќе се бориме до крај да го оствариме тоа“, изјави Салах.
Брилијантниот напаѓач одигра вкупно 250 првенствени натпревари во Ливерпул и постигна 155 голови.
Спорт
Слот ќе биде главен тренер, а не менаџер на Ливерпул
Ерата на Јирген Клоп во Ливерпул заврши во неделата. Германецот по девет успешни сезони реши да замине на долг одмор. На заминување самиот го промовираше новиот тренер Арне Слот, кој во Ливерпул доаѓа од Феенорд.
Англиските медиуми објавија дека Слот, за разлика од Клоп нема да биде вработен како менаџер, туку како главен тренер.
Холанѓанецот е 23. предводник на Ливерпул, а прв што нема менаџерска улога.
Според британските медиуми, промената е одраз на следењето на модерните трендови на фудбалот. Повеќето англиски клубови сега го прават она што европските клубови го прават со децении, ја одвојуваат улогата на тренер од онаа на спортски директор или менаџер.
Ливерпул по објавата на Јирген Клоп дека го напушта клубот направи голема реорганизација. Затоа што Клоп не е единствениот што заминува. Клубот го напушта и фудбалскиот директор Јорг Шматке, како и неколку важни членови на стручниот штаб.
Во клубот се враќаат Мајкл Едвардс како шеф на фудбалот и Џулијан Вард како технички директор. Педро Маркез ќе биде директор за фудбалски развој на целата спортска групација Фенвеј, а Ричард Хјуз ќе биде новиот спортски директор. Сите тие, како и Арне Слот, ќе ги преземат своите должности на 1 јуни.
Клубот верува дека титулата главен тренер ќе му даде можност на Слот да се концентрира на најважните аспекти од работата со првиот тим. Тој дефинитивно ќе биде неприкосновен авторитет и ќе има целосна контрола врз тимот.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.