Фудбалерот на Реал Мадрид, Едуардо Камавинга ќе отсуствува три недели поради повреда, пренесуваат шпанските медиуми.

Францускиот фудбалер се повреди во четвртокот во Купот на Шпанија против Селта, кој Реал го доби по продолженијата со 5:2.

„По извршените тестови од медицинската служба, на Камавинга му беше дијагностицирана повреда на мускулот на левата тетива“, се наведува на клупската веб-страница.

Реал не прецизираше колку време Камавинга ќе биде надвор од терените, но „Марка“ и „АС“, тврдат дека тој ќе отсуствува три недели.

Камавинга оваа сезона одигра 17 натпревари во сите натпреварувања и постигна еден гол со две асистенции.

Реал Мадрид е на второто место на табелата во шпанската лига со 43 бодови.

Фото/ index.hr

Холандија, вчера во Вараждин ја победи Македонија (37:32) во второто коло на Светското ракометно првенство во Вараждин.

Натпреварот го обележа лошото судење на Данците Хансен и Надсен. Досудија 12 седмерци за „лалињата“, на македонските ракометари им доделија два црвени картони (Павле Атанасијевиќ, Лазаревски), вкупно Македонија 20 минути играше со ракометар помалку.

Одлуките на судиите предизвикаа револт кај македонските навивачи на трибините. На крајот од натпреварот фрлаа разни предмети во теренот поради што преплашените Холанѓани избегаа во соблекувалната.

Холандски „НОС“ пишува дека македонски навивач го плукнал холандскиот селектор Штафан Олсон, а тоа наводно го потврдил и портпаролот на холандската репрезентација.

Легендарниот Швеѓанец Олсон бесно се свреч кон макеоднските навивачи, потоа кратко им аплаудираше на своите играчи и навивачи пред конечно да замине во соблекувалната.

„Драматичен и „тесен“ натпревар. Холанѓаните секогаш беа чекор понапред од Македонците. Заврши во хаос, последните минути завршија со фрлање предмети на теренот. Македонските навивачи ги избркаа Холанѓаните од теренот. “, објави новинарот на „ТВ2“, Сорен Ридц.

„Човеку, почнаа да фрлаат со секакви предмети. Вакво нешто не сум доживеал. Очигледно е така на Балканот. Во еден момент кога требаше да ја фрлам топката, тие го полеаја голот со вода. Апсолутно лудо, ова нема никаква врска со ракометот“, изјави по натпреварот холандскиот голман Матијас Рекс.

Дилема повеќе нема, капитенот на фудбалската репрезентација на Македонија, Енис Барди, се враќа во Шпанија. „АС“, пишува дека Барди ќе ја продолжи кариерата во Ваљадолид, чии сопственик е славниот Бразилец Роналдо.

Енис Барди, пред три дена го раскина договорот со Трабзон, каде што во првиот дел од сезоната одигра само осум натпревари. Во ноември минатата година, Барди и уште тројца играчи, беа отпишани од тренерот Шенол Гунеш.

Откако заврши со Трабзон, Барди реши да се врати во Шпанија каде со голем успех до 2022година играше во Леванте.

Според „АС“, Ваљадолид го победил Еспањол и Леганес во трката за неговиот потпис.

Ваљадолид, синоќа загуби од Еспањол (2:1) и се наоѓа на претпоследното место на табелата со 15 бодови.