Спорт
Нејмар не е во тимот на ПСЖ, дали трансферот конечно ќе се оствари?

Нејмар нема да биде во составот на Пари Сен-Жермен за дуелот од Лига 1 против Ним, откако од Франција доаѓаат вести дека „преговорите за трансфер се најзасилени досега“.
Бразилската суперѕвезда бара трансфер од ПСЖ цело лето и преферира да се врати во Барселона и покрај мега-понудата која ја подготвува Реал Мадрид, и сега информациите велат дека претседателот Насер Ал-Хелаифи е подготвен за договор ако се постигне „вистинска“ цена за 27-годишниот напаѓач.
Нејмар полека се враќа во форма по повредата на скочниот зглоб поради која е играше во шампионскиот тим на Бразил кој ја освои Копа Америка. Сега, спортскиот директор Леонардо потврдува дека тој нема да биде подготвен за првиот меч од новата сезона и француските медиуми го цитираат дека има „напреднати“ преговори.
Neymar ‘left out of PSG squad to face Nimes due to advanced transfer talks’ amid interest from Real Madrid and Barcelona https://t.co/xPzJrChbsv pic.twitter.com/y2BaJbezaI
— MailOnline Sport (@MailSport) August 10, 2019
Барселона се мачи да ги најде потребните средства за враќање на својот поранешен број 11, и му понудија на ПСЖ 100 милиони евра плус двајца фудбалери (Филипе Кутињо и Усман Дембеле),
Барселона се мачи да ги најде потребните средства за враќање на својот поранешен број 11, и му понудија на ПСЖ 100 милиони евра плус двајца фудбалери (Филипе Кутињо и Усман Дембеле), но шпанските медиуми тврдат дека Реал Мадрид се подготвени да дадат 200 милиони евра.
„Ние сме пасивни актери. Знаеме дека тој не е среќен во Париз и таа ситуација треба да се заврши таму. Не сме зборувале со него и ако има потреба ќе го направиме тоа“, изјави потпретседателот на Барселона, Жорди Кардонер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Иџе овој викенд во Хрватска ќе одбележи голем јубилеј – 200-та трка во својата кариера

Игор Стефановски – Иџе, најтрофејниот македонски автомобилист, овој викенд во Хрватска ќе одбележи голем јубилеј – 200-та трка во својата кариера.
На патеката во Бузет ќе се вози последната трка од ФИА Европскиот шампионат на ридски патеки (EHC) за 2025 година, каде Иџе ќе настапи со својот Ферари 488 B8, автомобил специјално подготвен за овие патеки. На оваа трка се пријавени дури 241 возач, а Стефановски ќе настапи со бројот 32.
Годинава, во генералниот пласман од првата група на шампионатот, Иџе се наоѓа на втората позиција, а само за потсетување, тој веќе е носител на европската титула во ова натпреварување, во група 1.
„Со силна возбуда, сакам да најавам дека очекувам добра трка. Посакувам да постигнеме одличен резултат и во овој шампионат. Благодарност до мојот неверојатен тим, тимот на Ферари, до моите спонзори и до сите Вас кои ни давате безрезервна поддршка. Оваа трка е посебна, затоа што со неа одбележувам 200 настапи во кариерата – предизвик кој ме мотивира уште повеќе“, изјави Стефановски.
Иџе ја започна својата кариера во 2001 година на патеките во Скопје, а повеќе од две децении подоцна зад себе има богато искуство, титули и победи што го вбројуваат меѓу најдобрите европски возачи на ридски патеки. Во изминатите 199 трки има 83 победи и 122 подиуми.
фото: фејсбук
Спорт
Резултатите се историски лоши, а приходите рекордни

И покрај катастрофалните резултати во последните години, фудбалскиот клуб Манчестер јунајтед финансиски, бележи нови рекордни бројки.
Манчестер јунајтед оствари рекорден финансиски приход од 666,5 милиони фунти претходната година, иако тимот заврши на 15-то место во лигата, што е најлошиот пласман на „Ѓаволите“ во елитното англиско првенство од сезоната 1973/1974.
Почетокот на нивниот петгодишен договор за спонзорство на предниот дел од дресот со „Снапдрагон“ му овозможи на клубот од „Олд Трафорд“ да постигне рекордни комерцијални приходи од 333,3 милиони фунти, додека приходите од натпреварите беа исто така рекордни од 160,3 милиони фунти за годината што завршува на 30 јуни 2025 година.
„Имањето вакви деловни резултати и приходи во толку предизвикувачка година за клубот само ја покажува решителноста и одлучноста што е белег на Манчестер јунајтед“, рече извршниот директор на клубот, Омар Берада.
„Со тековната сезона во полн ек, сите работиме напорно за да ги направиме овие резултати уште подобри во сите сегменти на клубот“, додаде Берада.
Берада не сакаше да коментира за лошиот почеток на сезоната на Јунајтед, но нагласува дека Јунајтед е фокусиран на долгорочни резултати.
Вкупната загуба на Јунајтед од 33 милиони фунти претставува намалување од 70,8% во однос на претходната година, кога бројката изнесуваше 113,2 милиони фунти.
Клубот вели дека „останува посветен на својата работа во минатото и се придржува до Правилата за профит и одржливост на Премиер лигата и Правилата за финансиски фер-плеј на УЕФА“.
Во јануари, ревизорската фирма „Делоит“ го рангираше Јунајтед како четврти клуб со најголема заработка во светскиот фудбал врз основа на заработката на клубот од 651 милион фунти од претходната година.
Реал Мадрид (883 милиони фунти) беше на првото место, по што следуваа Манчестер сити (708 милиони фунти) и Пари Сен Жермен (681 милион фунти).
Спорт
Италијанскиот Суперкуп во декември во Ријад

Италијанскиот Суперкуп ќе се одржи од 18 до 22 декември во Ријад, објавија официјалните лица на италијанската Серија А.
Од 2023 година, италијанскиот Суперкуп го играат четири клуба: актуелниот шампион и вицешампион на Серија А, како и победникот и финалистот на италијанскиот Куп.
Оваа година, Наполи (шампион на Италија), Интер (вицешампион), Болоња (победник на италијанскиот Куп) и Милан (финалист на италијанскиот Куп) ќе учествуваат во Суперкупот.
Последните четири изданија на италијанскиот Суперкуп ги освоија клубовите од Милано. Интер го освои трофејот во периодот од 2021 до 2023 година, додека минатата сезона титулата му припадна на Милан.
Наполи и Милан ќе се сретнат во првото полуфинале на италијанскиот Суперкуп на 18 декември, додека натпреварот помеѓу Болоња и Интер е на програмата еден ден подоцна.
Финалето е закажано за 22 декември.
Фото/ Принтскрин