Спорт
Нејмар: Психички сум уништен

Бразил како најголем фаворит го почна Светското првенство, а турнирот го заврши во четвртфиналето. Хрватска го испрати дома првиот фаворит по изведувањето на пенали. Најголемата бразилска ѕвезда Нејмар вчера плачеше по натпреварот, а денес се огласи на социјалните мрежи со емотивна порака:
„Психички сум уништен, ова секако е поразот кој најмногу ме боли. Бев парализиран десет минути, а потоа пукнав во солзи. Долго ќе ме боли, за жал. Се боревме до крај, горд сум на моите соиграчи поради нивната посветеност. Оваа група го заслужи тоа, ние го заслуживме тоа, Бразил го заслужи тоа, но тоа не беше Божја волја“, напиша Нејмар и додаде:
„Вредеше секоја жртва да се почувствува посветеноста на сите на теренот. Ви благодариме на сите за поддршката. За жал, не успеавме. Ќе боли долго, долго време. Ти благодарам за се, Боже мој. Ти ми даде сè и не можам да се пожалам за ништо. Само ти благодарам што се грижиш за мене. Целата чест и слава е секогаш твоја, без разлика на околностите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бисума се врати по повредата, па по 15 секунди повторно се повреди

Ив Бисума, репрезентативец на Мали, се повреди на квалификацискиот натпревар за Светското првенство во кој неговата репрезентација го победи Мадагаскар со 4:1.
Бисума против Мадагаскар го одигра првиот натпревар од почетокот на сезоната, бидејќи долго отсуствуваше поради повреда на коленото. Во првиот натпревар во сезоната Бисума на теренот мина 15-20 секунди.
При резултатот од 3:0 за Мали, Бисума веднаш стигна до топката и токму кога се спремаше да поведе контранапад, следеше стартот на противникот, по што Бисума мораше да биде изнесен од теренот.
Засега нема проценки колку ќе паузира.
Бисума има договор со Тотенхем до крајот на сезоната, како што сега стојат работите тој ќе го напушти клубот.
Bissouma was stretchered off for Mali just seconds into his first appearance of the season, and was visibly distressed.
Get well soon, Biss 🤍❤️🩹 pic.twitter.com/oydQtSnB5C
— Spurs Insider (@SpursInsider183) October 12, 2025
Спорт
Само победа е опција – Македонија вечерва против Казахстан

Фудбалската репрезентација на Македонија вечерва во седмото коло, во квалификациите за пласман на Светското првенство ќе го пречека Казахстан. Натпреварот на Националната арена „Тодор Проески“ ќе започне во 20.45 часот.
Само победа и опција во дуелот со Казахстан за избраниците на Благоја Милевски. Победа ќе го доближат националниот тим до Мундијалот во САД, Мексико и Канада.
Јасно е дека по оваа рунда, многу работи ќе бидат јасни во Ј групата. Во истиот термин во Кардиф, Велс ќе ја пречека Белгија.
„Ќе биде многу тешко. Казахстан на првиот меч во Астана покажа дека има квалитет. Сега има и нов селектор и нова филозофија, но ние сме подготвени“, изјави селекторот Милевски пред вечерашниот дуел.
Првиот натпревар одигран на 9.јуни, заврши с минимална победа на Македонија. Единствениот гол во Астана го постигна Александар Трајковски.
табела, Ј група:
Foto/ ffm.mk
Спорт
Ѓоковиќ: Бев на вечера со Рафа, но не сме пријатели

Во интервју за „Кориере дела Сера“, Новак Ѓоковиќ уште еднаш раскажа каков однос имал со своите најголеми ривали, Рафаел Надал и Роџер Федерер.
„Никогаш не бевме пријатели. Рафа е само една година постар, двајцата сме близнаци во хороскоп, двапати бевме на вечера заедно, но пријателството со него е невозможно. Секогаш имав многу почит и восхит кон него. Невозможно е пријателство меѓу ривали, но никогаш не сме биле непријатели. Благодарение на него и Федерер станав ваков.
Ѓоковиќ вели дека нивното големо соперништво е незаборавно.
„Тоа ќе нè обедини засекогаш. Надал е дел од мојот живот во последните 15 години. Го гледав повеќе од мајка ми“.
Потоа откри и што најмногу почитува кај Шпанецот:
„Има многу работи што ме инспирираат во неговата кариера. Пред сè, упорност, посветеност, борбен дух. Неговиот менталитет на шампион кој никогаш не се откажува и секогаш, колку и да е тешко, наоѓа начин да победи, начин да се врати. Тој негов менталитет е навистина многу инспиративен“.
Слична е ситуацијата и со Федерер.
„Секогаш чувствував голема почит кон него, тој е еден од најголемите на сите времиња. Имаше неверојатно влијание, но никогаш не бевме блиски“.