Спорт
Нема „бегање“ од судбината – Барса повторно „налета“ на Баерн во ЛШ, во нивната група и Интер!

Барселона не може да „избега“ од Баерн Минхен, откако повторно ждрепката за Лигата на шампиони ги постави во иста група, исто како и минатата сезона, во најинтересниот потенцијален дуел, во кој Роберт Левандовски ќе се „судри“ со својот поранешен клуб.
Секако, во свежо сеќавање на навивачите на двата тима е и 8:2 победата на Баерн во 2020 година, еден од најзабележителните резултати во Лигата на шампионите во последната деценија. За ситуацијата да биде поинтересна, во оваа група на „смртта“ се наоѓа и Интер и „несреќните“ Викторија Плзењ.
Враќање против својот поранешен клуб ќе има и Ерлинг Халанд, откако Манчестер сити се „падна“ во група со Борусија Дортмунд, Севилја и Копенхаген. Интересна група е и таа на Пари Сен-Жермен, кои ќе играат со Јувентус, Бенфика и Клуб Бриж.
Актуелните шампиони Реал Мадрид се во групата Ф, релативно лесна група со РБ Лајпциг, Шахтјор и Селтик, додека финалистите Ливерпул се во групата А со Ајакс, Наполи и Ренџерс. Динамо Загреб на Аријан Адеми и Стефан Ристовски ќе игра во групата со Милан, Челси и Салцбург.
ГРУПА А
Ајакс (Хол)
Ливерпул (Анг)
Наполи (Ита)
Ренџерс (Шко)
ГРУПА Б
Порто (Пор)
Јувентус (Ита)
Баер Леверкузен (Гер)
Клуб Бриж (Бел)
ГРУПА Ц
Баерн Минхен (Гер)
Барселона (Шпа)
Интер (Ита)
Викториј Плзењ (Чеш)
ГРУПА Д
Ајнтрахт Франкфурт (Гер)
Тотенхем (Анг)
Спортинг Лисабон (Пор)
Олимпик Марсеј (Фра)
ГРУПА Е
Милан (Ита)
Челси (Анг)
Салцбург (Авт)
Динамо Загреб (Хрв)
ГРУПА Ф
Реал Мадрид (Шпа)
РБ Лајпциг (Гер)
Шахтјор Доњецк (Укр)
Селтик (Шко)
ГРУПА Г
Манчестер сити (Анг)
Севилја (Шпа)
Борусија Дортмунд (Гер)
Копенхаген (Дан)
ГРУПА Х
Пари Сен-Жермен (Фра)
Јувентус (Ита)
Бенфика (Пор)
Макаби Хаифа (Изр)
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.
Спорт
Огура дисквалификуван во Аргентина

Возачот на Трекхаус, Аи Огура, е дисквалификуван од трката за ГН на Аргентина, откако неговиот тим користел софтвер кој претходно не ја поминал хомологацијата.
Јапонскиот возач го зазеде импресивното осмо место на втората трка од сезоната, откако стартуваше од 15-та позиција.
„Огура користеше нехомологирана верзија на софтверот (V21 b102), која не е одобрена во Светскиот шампионат. Ова е спротивно на членот 2.4.3.5.3 за електрониката од правилникот на Светското првенство“, се вели во соопштението на Дирекцијата за трка.
Тимот нешто подоцна излезе со соопштение во кое се наведува дека иако Огура не добил никаква предност од грешката, ја прифатиле казната.
Дисквалификацијата на Огура од втората трка во сезоната му овозможи на неговиот тимски колега Раул Фернандез да освои еден бод, откако се искачи на 15.место.
Актуелниот шампион во Мото2 имаше импресивен деби викенд, откако заврши четврти во спринтот во Тајланд, а потоа петти на главната трка. Јапонецот моментално е осми во генералниот пласман.
Триумф на трката за ГН на Аргентина го освои доминантниот Марк Маркез на Дукати, пред неговиот помлад брат Алекс и Франко Морбидели од тимот ВР46.
Следната трка од сезоната во Мото ГП шампионатот е Големата награда на Америка во Остин од 28 до 30 март.