Спорт
Нема милост за поранешниот тим: Дејвис го реши Њу Орлеанс (видео)

Богата програма со дури 13 натпревари понуди ноќта помеѓу средата и четвртокот во НБА-лигата. Фаворитите забележаа победи, а индивидуално се истакнаа Ентони Дејвис, Џоел Ембид и Јонас Валанчунас.
ЛА Лејкерс гостуваше кај Њу Орлеанс и славеше 114:110. Ова беше првиот меч на Ентони Дејвис против својот поранешен тим. Веѓата постигна 41 поен и стана првиот играч во историјата на НБА што постигнал најмалку 40 поени во својот прв натпревар против поранешниот тим.
Дејвис ја имаше клучната блокада на четири секунди до крајот кога спречи Њу Орлеанс да израмни.
Леброн Џејмс мечот го заврши со 29 поени. Џејмс стигна до бројката од 33.008 поени и на вечната листа се наоѓа на четвртото место.
Пред Џејмс се Карим Абдул-Џабар (38.387), Карл Мелоун (36.928) и Коби Брајант (33:643).
Џоел Енбид на претходниот меч против Торонто не постигна ниту еден поен, но затоа блескаше против Сакраменто. Камерунецот со 33 поени и 16 скока ја предводеше Филаделфија до победата 97:91.
Драматичен меч одиграа Мемфис и ЛА Клиперс 129:131. Победникот го реши Монтрезл Херел, кој поентира на две секунди до крајот. Херел постигна 24 поени, исто колку и Лу Вилијамс. Поен помалку за Клиперс реализира Пол Џорџ.
Кај Мемфис, Литванецот Валанчунас забележа 30 поени и 16 скока.
Резултати:
Бостон-Бруклин 121:110
Шарлот-Детроит 102:101
Кливленд-Орландо 104:116
Филалдефија-Сакраменто 97:91
Торонто-Њујорк 126:98
Хјустон-Мајами 117:108
Мемфис-ЛА Клиперс 129:131
Милвоки-Атланта 111:102
Сан Антонио-Минесота 101:113
Финикс-Вашингтон 132:140
Њу Орлеанс-ЛА Лејкерс 110:114
Портланд-Оклахома 136:119
Голден стејт-Чикаго 104:90
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн за Дијаз подготви 85 милиони евра

Баерн не се откажува од трансферот на Луис Дијаз од Ливерпул.
Германскиот шампион испрати понуда од 65 милиони евра пред неколку дена, но челниците на клубот од „Енфилд“ ја отфрлија без размислување.
„Билд“ тврди дека челниците на Баерн доцна синоќа испратиле понуда од 85 милиони евра, плус пет милиони евра бонуси, за колумбискиот репрезентативец, кој пред две недели донесе одлука да го напушти Ливерпул.
Многумина веруваат дека оваа понуда ќе биде прифатена и дека Дијаз ќе биде нов член на Баерн од понеделник.
Foto/ EPA
Спорт
Ѓокереш официјално е играч на Арсенал

Виктор Ѓокереш е новиот играч на Арсенал, 27-годишниот напаѓач денес ги помина медицинските тестови во Лондон и потпиша договор со гигантот од „Емирати“.
Најголемото воодушевување беше забележано кај Микел Артета, кој верува дека конечно доби напаѓач кој може да постигне најмалку 20 голови во една сезона.
„Воодушевени сме што го пречекуваме во клубот. Неговите голови зборуваат за него. Има толку многу квалитет, брз е, силен, со неверојатни бројки. Возбудени сме од она што може да ни го донесе. Нему и на неговото семејство му посакуваме добредојде во Арсенал“, рече Артета.
Патем, Џокерес го зеде бројот 14 во Арсенал.
Извонредниот Швеѓанец минатата сезона за Спортинг постигна 54 голови на 52 натпревари.
Арсенал за трансферот издвои 63,5 милиони евра, а дополнителни 10 милиони Спортинг може да заработи преку дополнителните бонуси.
Foto/ arsenal.com
Спорт
ПСЖ мора да го продаде Донарума

Каде ќе брани еден од најдобрите голмани во светот во новата сезона?
Како што стојат работите, тој нема да биде во Пари Сен Жермен. Како што објави „Фудбал Италија“, повикувајќи се на „Лекип“,бигантите од Манчестер, Сити и Јунајтед се вклучиј во трката за потписот на Џиџи Донарума.
Во последните денови, се повеќе се навестува дека иднината на Донарума во Франција е сериозно доведена во прашање. Неговиот договор важи само до 30 јуни 2026 година, а преговорите за продолжување се во ќорсокак.
Пари Сен Жермен не сака да дозволи уште една ѕвезда од тимот да си замине без обештетување и се чини дека затоа одлучиле да го продадат одличниот голман ова лето.
По тој повод, „Лекип“, пишува дека Манчестер Јунајтед и Сити им се придружија на Челзи и Галатасарај, кои беа поврзувани со Донарума уште претходно.
Доколку се врати во Серија А, единствените веројатни кандидати би биле Интер и Јувентус, наведува „Фудбал Италија“.
Италијанецот беше еден од најдобрите играчи на Пари Сен Жермен минатата сезона на патот кон освојување на Лигата на шампионите.
Во исто време, ПСЖ бара негов наследник, а изборот наводно паднал на Лука Шевалие, голманот на Лил.