Динамо Загреб го потврди големиот трансфер кој се најавуваше последните денови. Нико Галешиќ стана нов член на хрватскиот шампион.

За услугите на овој 23-годишен дефанзивец клубот од Максимир плати 3.000.000 евра, а тој во Динамо доаѓа од ривалот Риека.

„Поранешниот член на Риека потпиша повеќегодишен договор со клубот и веднаш му е на располагање на новиот тренер Фабио Канаваро“, се вели во соопштението на Динамо.

Галешиќ кариерата ја започна во младинските категории на Херта Берлин, а член на Риека стана во 2019 година. Играше за јуниорскиот тим, а потоа и за првиот тим чиј дрес го облече 98 пати.

По 18 одиграни кола во првенството на Хрватска, Динамо е трет во поредокот со 29 бодови, седум бода зад Риека и Хајдук.

Се шпекулира дека „модрите“ зимава дополнително ќе ги засилат Лука Иванушец, Бартол Фрањиќ и Борна Баришиќ. На мета е и Себастијан Але, но моментално тој е поблиску до трансфер во Утрехт.

Умар Садик и официјално е член на Валенсија.

Клубот од „Месталја“ денеска и официјално потврди дека фудбалерот на Реал Сосиедад ќе игра како позајмен до крајот на актуелната сезона, со опција за откуп на договорот.

Валенсија потсетува дека Садик своите најдобри партии ги одигра во дресот на Алмерија, за која на 84 натпревари постигна 43 гола и додаде 13 асистенции, што му овозможи трансфер во Реал Сосиедад.

Сепак, тој заработи сериозна повреда на лигаментите на коленото поради која ја пропушти речиси целата сезона 2023/24.

Поради ова, тој забележа 50 настапи за Сосиедад, главнокако резерва со лош учинок од четири гола и две асистенции.

Валенсија до крајот на сезоната ќе се бори за опастанок во лигата. По 18 натпревари, Валенсија со 12 поени се наоѓа на претпоследното место.

COMUNICADO OFICIAL | SADIQ UMAR#BenvingutSadiq#ADNVCF

— Valencia CF (@valenciacf) January 4, 2025

Мајами Хит се огласи со официјално соопштение во кое објави дека ѕвездата на тимот Џими Батлер е суспендиран на седум натпревари.

Во франшизата од Флорида на ваков потег се одлучиле, како што се наведува, поради повеќекратно недолично однесување кое било штетно за тимот.

„Го суспендиравме Џими Батлер на седум натпревари за повеќекратни случаи на однесување штетно за тимот во текот на сезоната, а особено во последните неколку недели“, објави Мајами.

Исто така, беше нагласено дека ќе ги разгледаат опциите за негов трејд, односно негово заминување од тимот, што се најавуваше во претходните денови.

Впрочем и самиот Батлер најави дека тоа е негова желба, бидејќи повеќе не сакал да игра за Мајами.

„Сакам повторно да најдам радост во играњето кошарка. Каде и да е тоа, ќе дознаеме многу брзо. Надвор од теренот, среќен сум, но сакам повторно да бидам доминантен, сакам да играм и сакам да му помогнам на тимот победи, а во моментов не го правам тоа“, изјави пред два дена Батлер.

Меѓу најзаинтересираните екипи за Батлер, според американските медиуми е Денвер, кој бара помош за Никола Јокиќ, а се спменуваат и Голден стејт Вориорс, односно Далас Маверикс и Хјустон.