Спорт
Нестварен трипл-дабл на Харден, Халибартон влезе во историјата на Индијана
Ноќта помеѓу петокот и саботата се одигра цело коло во НБА со 15 натпревари, а имаше и забележителни натпревари. Неверојатен натпревар одиграа ѕвездите на Филалделфија, Џејмс Харден и Џоел Ембид. Тајрис Халибартон влезе во историјата на Индијана Пејсерс, а Ар Џеј Берет во историјата на Њујорк Никс.
Иако комплетни, ЛА Клиперс загубија во Филаделфија со 119:114 благодарение на извонредните перформанси на нивните суперѕвезди. Џоел Ембиид постигна 44 поени, а Џејмс Харден го оствари 70. трипл-дабл во кариерата со 20 поени, 11 скока и дури 21 асистенција, што е негов рекорд во кариерата.
Тајрис Халибартон ја постигна решавачка тројка во победата на неговиот тим над Мајами од 111:108.
Натпреварот го заврши со 43 поени и седум асистенции, што е негов рекорд во кариерата. Тој постигна 10 тројки во 16 обиди, што воедно е негов личен и клупски рекорд. На другата страна Тајлер Хиро имаше 28, а Кајл Лаури 21 поен со шест скока и пет асистенции.
Ар Џеј Барет постигна над 40 поени во поразот на Њујорк од Чикаго со 118:117. Тој стана првиот играч во историјата на тимот од „Големото јаболко“ кој постигнал 40 поени без да промаши шут за три поени (6/6).
Кај Булси најдобар беше Зек Лавин со 33 поени, а Никола Вучевиќ имаше 21 со 12 скока.
Резултати:
Орландо Меџик – Сан Антонио Спарс 133:113
Филаделфија Севентисиксерс – Лос Анџелес Клиперс 119:114
Атланта Хокс – Детроит Пистонс 130:105
Бостон Селтикс – Минесота Тимбервулфс 121:109
Бруклин Нетс – Милвоки Бакс 118:100
Кливленд Кавалирс – Торонто Репторс 107:118
Њујорк Никс – Чикаго Булс 117:118
Хјустон Рокетс – Далас Маверикс 106:112
Мајами Хит – Индијана Пејсерс 108:111
Оклахома Сити Тандер – Њу Орлеанс Пеликанс 125:128
Денвер Нагетс – Портланд Трејл Блејзерс 120:107
Феникс Санс – Мемфис Гризлис 100:125
Сакраменто Кингс – Вашингтон Визардс 111:125
Лос Анџелес Лејкерс – Шарлот Хорнетс 130:134
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.