Од Италија доаѓа навистина неверојатна приказна – една навивачка на Рома се разбудила од кома откако добила видео порака од легендата на клубот, Франческо Тоти, јавува весникот „Ла република“.

19-годишната Иленија Матили имала страшна сообраќајна несреќа со удар во дрво во декември, во која животот го загубила пријателката на Иленија, Мартина Оро, која била возач. Иленија, страствен навивач на Рома, но фудбалерка на јуниорската школа на Лацио, веднаш била однесена во клиниката „Гемели“ во Рим.

Таа добила страшна повреда на главата и била поставена во медицински индуцирана кома девет месеци, а нејзините родители честопати и ја пуштале химната на Рома, и чудесно, пораката од нејзиниот идол Тоти.

„Твојот фантастичен глас, заедно со страста, љубовта која Иленија секогаш ја имала за Рома, помогна таа да се разбуди, да ја врати насмевката и очите полни со радост и светлост“, вели таткото на Иленија за „Ла република“.

Семејството на Иленија сака да се сретне во живо со Тоти за да му се заблагодарат.

Roma, si risveglia dal coma dopo videomessaggio di Francesco Totti https://t.co/STr9MNNeUG

— Repubblica (@repubblica) September 24, 2020

Енди Мареј ќе се сретне со уште еден тенисер со три гренд слем титули зад него, Стен Вавринка во првото коло на Ролан Гарос откако беше одредена ждрепката на францускиот гренд слем. Британците немаа многу среќа во ждрепката – нивната најдоброрангирана тенисерка, Џоана Конта во првото коло ќе игра со американската тинејџерка Коко Гоф.

33-годишниот Мареј се враќа на Франција опен првпат откако имаше две операции на колкот, а интересно негов последен меч на терените во Париз беше токму против Вавринка, кога загуби во полуфиналето во пет сета.

Светскиот рекет број 1, Новак Ѓоковиќ во првото коло ќе се судри со Швеѓанецот Елијас Имер, а најинтересниот дуел во првото коло несомнено ќе биде тој на актуелнио шампион од САД опен, Доминик Тим против поранешниот шампион од Њујорк, Марин Чилиќ. Рафаел Надал е во половината на ждрепката каде што е и Тим, и почнува против Русинот Егор Герасимов.

Серена Вилијамс го започнува турнирот против сонародничката Кристи Ен, додека светската тенисерка број 2, Симона Халеп игра против Шпанката Сара Сорибес Тормо.

Турнирот пред ждрепката потврди дека се повлекле Канаѓанецот Милош Раонич и Швајцарката Белинда Бенчич.

Le tableau est connu 🏆

Plusieurs affrontements chocs nous attendent dès le premier tour.

Simple Dames 👉 https://t.co/f2ZWmZRQTc
Simple Messieurs 👉 https://t.co/MGcf2cqg5a#RolandGarros pic.twitter.com/VypbRfUpmt

— Roland-Garros (@rolandgarros) September 24, 2020

Доживотните суспензии што ги добија руските биатлонки Олга Виљухина, Јана Романова и Олга Зајцева се кренати од страна на Судот за арбитража во спортот (ЦАС).

Триото освои сребрен медал на 4х6 километри штафетата на Олимпијадата во Сочи, но во 2017 медалите им беа одземени по истрагата во рускиот допинг. ЦАС ги крена суспензиите против трите и објави дека резултатите на Виљухина и Романова се вратени откако Виљухина освои и сребро на 7,5-километарскиот спринт.

Во образложението тие велат дека се работело само за сомнеж за потенцијално прекршување на правилата.

„ЦАС заклучи дека ниту едно од обвинувањата за допингување против двете спортистки не е докажано“, се вели во одлуката на ЦАС.

ЦАС исто така утврди дека Зајцева ги прекршила допинг-правилата, но дека казната требало да биде само за следната Олимпијада во Пјонгчанг во 2018, наместо суспензијата, да биде доживотна.