Спорт
Неверојатниот Медведев на врвот на светот!
Данил Медведев на совршен начин стави крај на сезоната, која како конечно да најави преземање на тенисот од новата генерација, совладувајќи го во одличен меч, Доминик Тим со 4:6/7:6(2)/6:4 за освојување на титулата од елитниот завршен турнир од сезоната, АТП финалето во Лондон.
Двајцата тенисери стигнаа до пресметката за титулата победувајќи двајца тенисери кои доминираа во последните децении – Новак Ѓоковиќ и Рафаел Надал, и фановите имаа шанса да видат како ќе изгледа блиската иднина на тенисот.
Тим, кој веќе се етаблираше со својата прва гренд слем титула во кариерата на САД опен оваа сезона, започна одлично и со брејк дојде до првиот сет, по што имаше епска битка во вториот сет, во која Медведев покажа повеќе нерви во тај-брејкот. Русинот стигна до третиот сет со еден освоен брејк.
Ова беше неверојатен 10-ти меч во низа кој го добива Медведев, откако на финалето во Лондон не загуби ниту еден меч и ги совлада Ѓоковиќ и Надал на патот до финалето. За 24-годишниот Русин ова е деветта титула во кариерата, во која освои три Мастерс 1000 титули и уште го чека гренд слем успехот – засега најголемо остварување му е финалето на САД опен минатата година, кога загуби од Надал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роналдо го поврзуваат со трансфер во европската сензација
Португалскиот фудбалер Кристијано Роналдо би можел да се врати во Европа, пренесуваат саудиските медиуми.
Роналдо пристигна во Саудиска Арабија, во Ал Наср на почетокот на 2023 година.
Според информациите, Баер Леверкузен на чело со Чаби Алонсо е заинтересиран за Кристијано.
Стратегот на „фармацевтот“ е добар пријател со Роналдо, кој со години му беше соиграч во Реал Мадрид.
Роналдо е главната ѕвезда во Арабија, па вистинското прашање е дали има желба повторно да се докаже на највисоко ниво на 39 години.
Оваа сезона има учинок од 42 гола на 41 натпревар.
Во текот на кариерата играше за Спортинг, Манчестер унајтед,Реал Мадрид и Јувентус.
Пет пати ја освојуваше „Златната топка“.
Спорт
Жоржињо останува во Арсенал
Фудбалерот на Арсенал, Жоржињо го продолжи договорот со клубот.
Арсенал не прецизираше детали од договорот, се работи за краткорочен договор, а британските медиуми објавија дека договорот е продолжен за уште една сезона.
32-годишниот италијански играч за врска се пресели од Челзи во Арсенал минатиот јануари и стана важен играч во тимот на Микел Артета.
Оваа сезона одигра 35 натпревари во сите натпреварувања, а единствениот гол го постигна против Ленс во Лигата на шампионите.
Спорт
Ливерпул ја одредил цената за Дарвин
Дарвин Нуњез неодамна ги шокираше навивачите на Ливерпул со тоа што на Инстаграм ги избриша сите свои фотографии во дресот на клубот. За многумина Ургваецот со овој потег го најавил своето заминување од „Енфилд“.
Шпанските медиуми тврдат дека Нуњез ќе го апушти клубот во летниот преоден рок. Овие извори не ја исклучуваат можноста тој да ја засили Барселона. Наводно и ЛИверпул веќе ја одредил цената за напаѓачот.
Нуњез пристигна во Ливерпул во сезоната 2022/23, за клупски рекорд од 85 милиони евра. Со бонусите трансферот може да дојде и до 100 милиони евра. Уругваецот потпиша договор до летото 2028 година.
Сумата за која Ливерпул би бил подготвен да се откаже од Нуњез е 85 милиони евра.
Барселона во моментов ги нема тие пари, но би можела да ги заработи со прдожбата на неколку играчи во преодениот рок.