Спорт
Неверојатно, но вистинито! Челси направиле профит од трансфери ова лето!

Челси ја комплетираа продажбата на Давиде Запакоста во Аталанта за 8 милиони фунти, што значи дека и покрај тоа што дадоа 115 милиони евра (98 милиони фунти) за Ромелу Лукаку, ова лето оствариле профит од трансфери.
29-годишниот Запакоста се врати дома по четири години на „Стемфорд бриџ“, иако немаше играно за Челси од финалето на Лига Европа во 2019 година. Со овој трансфер, Марина Грановскаја, првиот човек на Челси успеа да направи профит – дадоа 98 милиони фунти, но заработија 98.4 милиони фунти!
„Сините“ го продадоа Теми Абрахам на Рома за 34 милиони фунти, Фикајо Томори на Милан за 25 милиони фунти, и Марк Гуехи на Кристал палас за 18 милиони фунти, додека помалку пари заработија на Виктор Мозес, Тино Ливраменто, Оливие Жиру, Луис Бејт и Мајлс Пирт-Херис.
ЧЕЛСИ, ЛЕТЕН ПРЕОДЕН РОК
Дојдоа: Ромелу Лукаку (Интер, 98 милиони фунти), Маркус Бертинели (Фулам, бесплатен трансфер). ВКУПНО: 98 милиони фунти
Заминаа: Теми Абрахам (Рома, 34 милиони фунти), Фикајо Томори (Милан, 25 милиони фунти), Марк Гуехи (Кристал палас, 18 милиони фунти), Давиде Запакоста (Аталанта, 8 милиони фунти), Тино Ливраменто (Саутемптон, 5 милиони фунти), Виктор Мозес (Спартак Москва, 4.5 милиони фунти), Луис Бејт (Лидс, 1.5 милиони фунти), Мајлс Пирт-Херис (Брентфорд, 1.4 милиони фунти), Оливие Жиру (Милан, 1 милион фунти). ВКУПНО: 98.4 милиони фунти
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аморим: Најголемата победа откако го водам Јунајтед

Менаџерот на Манчестер јунајтед, Рубен Аморим, конечно се радуваше на голема, многу важна победа откако седна на клупата на славниот тим.
Неговиот тим го победи Ливерпул во најголемото дерби на англискиот фудбал со резултат од 2:1 на „Енфилд“.
„Мислам дека ова е најголемата победа во мојата кариера на клупата на Манчестер. Денес значи многу, но нема да значи многу утре. Тоа се само три бода и убава победа“, рече Аморим по победата.
Јунајтед започна совршено, поведе во 62-та секунда и совршено го заврши натпреварот – со голот на Хари Магваер во 83-та минута за 2:1.
„Се боревме за секоја топка, ја изгубивме самоконтролата во второто полувреме, но духот беше тука и тоа е најважно. Ако имате дух, можете да победите во секој натпревар. Беше добар ден за нас и сега ме интересира само Брајтон. Ќе уживам, но да се фокусираме на Брајтон“, рече Португалецот.
Аморим е среќен и поради фактот што за прв пат откако го презеде Јунајтед, неговиот тим врза две победи во Премиер лигата.
Спорт
(Видео) Агонијата на Ливерпул трае, Манчестер јунајтед победи на „Енфилд“

Манчестер јунајтед го доби најголемото дерби во англискиот фудбал. На „Енфилд“, Јунајтед го победи Ливерпул со 2:1. Прв пат во ерата на Рубен Аморим, Манчестер јунајтед забележа две победи по ред во Премиер лигата. Ливерпул потврди дека е во криза, има четири порази во низа, три од нив се во првенството. Голот за победа со кој Јунајтед победи во Ливерпул за прв пат по ноември 2016 година, го постигна Хари Мегваер во 83-та минута.
Јунајтед експресно дојде до предност, по само 61 секунда, по додавањето од Диало, стрелец беше Мбеумо.
Ливерпул во првиот дел не блескаше, но имаше две големи шанси, преку Гакпо. Репрезентативецот на Холандија два пати ја погоди стативата. Во овој дел од играта, шанса за Јунајтед имаше Бруно Фернандеш.
Вториот дел апсолутно му припадна на Ливерпул. Целосна иницијатива, шанса за Исак, потоа и за Салах, два опасни удари на Екетике. Домаќините изедначија во 78-та минта, мешаница пред голот ан Јунајтед, а Гакпо од пет метри ја спроведе топката во голот.
Холанѓанецот три минути подоцна од чиста позиција, по центаршутот на Фримпонг, од пет метри ја испрати топката крај голот.
Казната дојде во следниот напад. Ливерпул одбрани корнер, но топката пред голот ја врати Фернандеш. Мегваер највсокот скокна и го совлада Мамардашвили.
До крајот Ливерпул притисна со сите сили, Јунајтед сепак успеа да се одбрани.
Спорт
(Видео) Пресврт и победа на Астон Вила кај Тотенхем

Во натпреварот од осмото коло од Премиер лигата одигран во Лондон, Астон Вила го победи Тотенхем како гостин по пресвртот со 2:1.
Астон Вила имаше лош почеток на сезоната, дури под знак прашалник беше и иднната на менаџерот Унаи Емери, но во последниот месец екипата игра повторно игра како во своите најдобри денови.
Тимот од Бирмингем продолжи да победува и по репрезентативната пауза. Веќе има три по ред кога е во прашање лигата, а последниот е особено импресивен, запишан против сериозен ривал и тоа на негов терен.
Почетокот не ветуваше за гостите. Веќе во петтата минута, Тотенхем поведе по одлична акција на Кудус и Палиња, стрелец беше Родриго Бетанкур. Две минути подоцна Кудус ја затресе мрежата. Сепак, голот беше поништен поради офсајд.
Тотенхем беше подобар противник во тие моменти, тие ги контролираа настаните на теренот. А потоа шок во 37-та минута. Морган Роџерс демонстрираше каков шут има, Викарио беше немоќен.
Мудро, Астон Вила чекаше Тотенхем да се отвори и да остави простор во одбраната. Резервата Емилијано Буендија искористи една таква ситуација. Аргентинецот ја погоди малата мрежа со исклучително прецизен удар во 77-та минута и донесе целосен пресврт. Пресврт кој на крајот ѝ донесе на Астон Вила три големи бода.