Спорт
Неверојатно остварување – Роналдо вечерва влегува во клубот 200
Доколку заигра вечерва во квалификацискиот натпревар за пласман на ЕУРО 2024 против Исланд, Кристијано Роналдо ќе стане првиот фудбалер во историјата кој стигнал до 200 настапи за националниот тим.
Роналдо дебитираше за Португалија пред точно 20 години, кога на натпреварот против Казахстан го замени Луис Фиго.
Славниот Португалец е на врвот во машка конкуренција по бројот на голови за националниот тим. Тој постигна 122 и има 13 повеќе од легендарниот Иранец Али Даеи.
Иако е сам на врвот во машка конкуренција, Роналдо никогаш нема да го собори апсолутниот рекорд.
Дури 26 фудбалерки имаат повеќе од 200 настапи за националните тимови, а апсолутен рекордер е Кристин Лили, која има 354 настапи во дресот на САД од 1987 до 2010 година.
Втора на листата е Кристин Синклер (40) со 323 настапи за Канада. Синклер може да ја зголеми оваа бројка бидејќи се уште игра за националниот тим.
Зад Роналдо на европската листа се: Шпанецот Серхио Рамос (180), италијанската легенда Џанлуиџи Буфон (176), шпанскиот голман Икер Касилјас (167), односно Хрватот Лука Модриќ и Летонецот Виталијс Астафјевс (166).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ливерпул поразен во Истанбул, Тотенхем извлече реми кај Бодо/Глимт, Мурињо со Бенфика падна на „Стенфорд Бриџ“

Ливерпул го доживеа првиот пораз во Лигата на шампионите. „Црвените“ паднаа во Истанбул против Галатасарај. Тотенхем со авто-гол се спаси од пораз кај Бодо/Глимт. Останатите фаворити беа и повеќе од сигурни во првите мечеви од втората рунда.
Ливерпул е во мини криза ова е нивен втор пораз по ред во сите натпреварувања.
Во пеколната атмосфера во Истанбул, Ливерпул преживеа вистински ролеркостер.
За 23 секунди, натпреварот практично беше решен. Гакпо имаше одлична шанса, сите ја видоа топката во голот, но еден играч на Галата беше на гол линијата и го спаси својот тим.
Ова доведе до контранапад и пенал за домашниот тим, поради невнимателниот старт на Собослај над Јилмаз. Осимен пеналот го претвори во гол.
На северот на Норвешка, Бодо/Глимт промаши пенал, потоа Хауге постигна два гола, но Тотенхем успеа да се спаси од пораз. Ван де Вен го намали резултатот, а Гундерсен во 89-та минута си постигна авто-гол.
Жозе Мурињо како тренер на Бенфика се врати на „Стенфорд Бриџ“. Беше пречекан со овации од навивачите, а на теренот доживеа пораз. Риос постгна авто-гол во 18-та минута, што му беше доволно на Челзи да ја забележи првата победа во Лигата на шампионите оваа сезона.
Сигурни и убедливи победи забележаа Атлетико Мадрид, Интер, Марсеј и Баерн на Кипар против Пафос.
Атлетико го порази Ајнтрахт со 5:1, во натпревар во кој Антоан Гризман го постигна 200-от гол во дресот на Атлетико.
„Јорганџиите“ во првиот дел постигнаа три гола преку Распадори, Ле Норман и Гризман. Намали Буркарт во 57-та минута, а до крајот Атлетико постигна уште два гола преку Симеоне и Хулијан Алварез.
Интер на „Меаца“ за четири минути ја реши Славија Прага. Лаутаро Мартинез погоди во 30-та, а Дамфрис во 34-та минута. Точка на мечот стави Лаутаро во 65-та минута.
Марсеј во првите 27 минути го реши Ајакс. Два гола до 13-та минута постигна Паишао, а потоа во 27-та минута погоди и Гринвуд. Ветеранот Обамејанг во 52-та минута ги постави конечните 4:0.
На Кипар, Баерн во првиот дел постигна четири гола, два Кејн по еден Гереиро и Николас Џексон. Во последната минута од првиот дел со прекрасен гол постигна за Пафос, Хрватото Оршиќ. Конечните 5:1 ги постави Олисе.
Спорт
(Видео) „Петарда“ на Реал во Алмати, Аталанта по пресврт го победи Бриж

Реал Мадрид убедливо славеше во Алмати (5:0), а Аталанта по пресврт го победи Бриж (2:1), во воведните натпревари од второто коло во Лигата на шампионите.
Килијан Мбапе во 6.000 километри оддалечениот Алмати на Каират му испорача хет-трик и дојде до бројката од пет гола во првите два натпревари. Во последните 10 минути по гол постигнаа Камавинга и Бахим Дијаз.
За разлика од дуелот во Казахстан. во Бергамо Аталанта и Бриж одиграа неизвесен дуел. Аталанта победи и му се одмазди на Бриж за елиминацијата во осминафиналето минатата сеозна.
Пресвртот на Аталната дојде во последните 15 минути, откако Бриж поведе во 38-та минута со голот на Циолис.
Пресвртот го режираа Самарџиќ од пенал во 74-та и Пашалиќ во 87-та минута.
Foto/ EPA
Спорт
Дубаи и Хапоел ги декласираа Партизан, односно Барселона

Со убедливи победи на дебитантите Дубаи и Хапоел започна новата сезона во Евролигата. Дубаи го победи Партизан со 89:76, а Хапоел славеше во дуелот со Барселона 103:87.
Поранешниот кошаркар на Партизан, Дејвис Бертанс, го предводеше Дубаи до историската прва победа во Евролигата. Летонецот го заврши натпреварот со 20 поени (11 во првата четвртина) , 3 скока и 4 асистенции.
Џанан Муса заврши со 19 поени, 4 скока и 5 асистенции, Мфионду Кабенгеле имаше 15 поени и 5 скока, Филип Петрушев имаше 14 поени и 8 скока.
Во тимот на Партизан, Тајрик Џонс беше најистакнат стрелец со 13 поени и 6 скока, а имаше и по 2 асистенции, блокади и украдени топки, како и 3 изгубени топки и 4 лични грешки.
Друштво му правеше Дилан Осетковски со 12 поени и 2 скока (имаше 10 на полувреме), додека Џабари Паркер постигна 11 поени со 4 скока и 2 асистенции, а Шејк Милтон исто така постигна двоцифрен број поени со 10 поени, 3 скока и 2 асистенции.
Во второто коло Партизан ќе го пречека Милано, а Дубаи ќе гостува кај Монако.
Хапоел домашните натпревари ги игра во Софија. Актуелниот шампион во Еврокупот ја победи Барселона со 16 поени разлика.
Василије Мициќ постигна 18 поени со три скока и две асистенции во својот прв натпревар во Евролигата во дресот на Хапоел.
Антонио Блекни беше најефикасниот играч за победничкиот тим со 20 поени, додека Ден Отуру и Василије Мициќ постигнаа по 18 поени.
Кај Барселона, Вил Клајбурн забележа 23 поени и седум скока, додека Кевин Пантер додаде 13 поени, ист број како и Јан Весели.
Во нареднотоколо Хапоел ќе гостува кај Ефес, додека Барселона ќе гостува кај Панатинаикос.