Спорт
Невидено во фудбалот – Кореа како резерва го прослави голот што го постигна

Противниците на ВАР технологијата кои тврдат дека примената на овој систем ги убива емоциите во фудбалот веерва добија потврдат за таквото тврдење.
Анхел Кореа се радуваше на клупата за резерви на постигнатиот гол против Хетафе.
Кореа во 60.минута постигна гол, тој ја пречека одбиената топка по ударот на Лемар. Линискиот судија веднаш го крена знаменцето, а главниот судија Лахоз побара помош од ВАР технологијата.
Angel Correa opens the score for Atletico Madrid. (It was first disallowed for offside but it was on side). #AtletiGetafe
pic.twitter.com/pR1AlHP0kV— Reyi (@Reinaldodcg9) February 4, 2023
Додека траеше прегледувањето на снимката Кореа го напушти теренот, на неговото место влезе Караско. Аргентинецот седна на клупата, ја облече јакната и тогаш дојде потврдата дека голот е регуларен.
Во тој момент соиграчите се стрчаа кон него на клупата и го прославија голот.
📂—Things you don't see every day
▫️ Ángel Correa scores
▫️ Goal is disallowed
▫️ Correa is subbed off
▫️ VAR awards the goal
▫️ Atleti rush to celebrate with Correa on the bench pic.twitter.com/NiLlIzBkAv— B/R Football (@brfootball) February 4, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барди: Малта само мислеше како да се одбрани, ќе бидеме подобри со Украина и со Англија

„Десетката“ на Македонија, Енис Барди, смета дека нашиот национален тим сосема заслужено стигна до победа од 2:1 на вечерашниот меч против Малта во Скопје. Елмас и Чурлинов беа стрелци на головите.
„Заслужено победивме, постигнавме два гола, можевме и уште некој. Првиот чекор од овие квалификации беше успешен, очекувам да играме уште подобро против Украина и против Англија. Тешко е да се игра против Малта која само мисли како да се одбрани. Ќе бидеме уште подобри во иднина. Сакам да се заблагодарам и на навивачите за поддршката“, изјави Енис Барди.
Македонија на 27 март ја очекува и пријателски натпревар против Фарски Острови на арената „Тодор Проески“.
Спорт
Хари Кејн најдобар стрелец во историјата на Англија

Kапитенот на Англија, Хари Кејн, со 54 гола вечерва стана рекордер во историјата на фудбалска репрезентација на гордиот Албион, откако беше стрелец на натпреварот против Италија во Неапол, во квалификациите за ЕП 2024 година.
Англија ја победи Италија со 1:2 во првото коло од групата Ц, а Кејн за националниот тим го постигна 54. гол на 81 натпревар.
Фудбалерот на Тотенхем го собори рекордот што го делеше со Вејн Руни, кој постигна 53 гола на 120 натпревари за англиската селекција.
Кејн ќе може да го подобри својот рекорд веќе о недела, кога Англија во второто коло ја пречекува Украина на „Вембли“.
Спорт
Милевски: Ваквите мечеви со ривали како Малта се најопасни, важен е триумфот

Фудбалската репрезентација на Македонија со победа од 2:1 над Малта го стартуваше новиот циклус квалификации за пласман на ЕП 2024. Елмас и Чурлинов беа стрелци на головите за нашиот национален тим, кој, сепак, не блескаше.
Селекторот Благоја Милевски доби црвен картон во завршницата од мечот.
„Добив црвен картон затоа што сум го напуштил просторот за водење на тимот крај клупата. За тоа се добива жолт картон, но ете јас поцрвенев. Сакам да им честитам на момците, за енергијата, за желбата и тактичката дисциплина што ја покажаа на овој натпревар. Ваквите мечеви со ривали како Малта се најопасни. Најважно е дека победивме, а од натпревар во натпревар сме сѐ подобри. За жал, имаме повреди. Ѓоко Зајков со итна помош е одведен во болница, а Адеми се повреди на последниот тренинг“, изјави селекторот Благоја Милевски.