Спорт
Невил го убедувал Џерард да дојде во Јунајтед, одговорот бил краток и јасен

Поранешниот дефанзивец на Манчестер јунајтед, Гери Невил открива дека имал „целосен напад“ во обид да го убеди Стивен Џерард да премине од Ливерпул додека двајцата играле за англиската репрезентација, но дека добил јасен одговор.
Невил за „Скај спортс“ вели дека неколку пати се обидувал да убеди дел од репрезентативците да дојдат во Јунајтед.
„Имаше два-три пати кога се случи тоа. Зборував со Алан Ширер на Еуро 1996, иако тогаш бев јуниор и не можев да го убедувам. Дефинитивно зборував со Вејн Руни, и тоа заврши како што заврши. Со Стивен Џерард, беше целосен напад. Да, бидеме фер, одговорот на Стиви беше: ‘Моето семејство и јас никогаш нема да можеме да се вратиме во Ливерпул повторно’. Тоа беше краток разговор. Тој беше многу лојален кон Ливерпул. Џон Тери го убедуваше да оди во Челси 10 минути, но јас добив одговор за 30 секунди“, објаснува Невил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ливерпул ќе се обиде да ги „украде“ Гави од Барселона

Фабрицио Романо на почетокот на овој месец објави дека Барселона договорила речиси сè со големиот талент Гави и дека наскоро ќе фудбалерот ќе го продолжи договорот истекува наредното лето.
Во договорот на Гави, Барса треба да стави клаузула за откуп од 1.000.000.000 евра. Не е познато зошто договорот се уште не е потпишан. Ваквиот развој на настаните се обидува да го искористи Ливерпул.
Според сегашната клаузула, тоа може да го направи со уплата од 50.000.000 евра,
Менаџерот на Гави, поранешниот играч на Барселона Иван де ла Пења, потврдил дека се уште нема официјална понуда за продолжување на договорот.
17-годишното чудо од дете оваа сезона одигра 47 натпревари за клубот во сите натпреварувања. Тој постигна два гола во првенството и има шест асистенции, а „Трансфермаркт“ неговата вредност ја проценува на 60.000.000 евра.
Спорт
И Клоп го откри составот за големото финале
Еден час пред почетокот на финалето во Лигата на шампионите, Јирген Клоп го откри почетниот состав.
Германецот имаше само една дилема, дали да почне со Тијаго Алкантара или со Наби Кеита. Сепак Бразилецот со шпански пасош успеа да се рехабилитира од повредата и тој ќе биде во редот за врска, заедно со капитенот Џордан Хендерсон и Фабињо.
Ливерпул вечера, во Париз, се бори за седмата титула во Купот/Лигата на шампионите.
Here's how we line up for the #UCLfinal
👊🔴
— Liverpool FC (@LFC) May 28, 2022
Спорт
Македонија треба да покаже дека е фаворит во групата

Македонската фудбалска репрезентација ги продолжува подготовките за почетокот на новото издание на Лига на нации. Првиот натпревар, Македонија ќе го одифра во Бугарија во Разград на 2.јуни.
На попладневниот тренинг на репрезентативниот тим се приклучија Енис Барди, Столе Димитриевски, Елиф Елмас и Дарко Велковски.
Дефанзивниот фудбалер, Никола Серафимов смета дека доколку сите го дадат својот максимум, јунскиот циклус, во кој Македонија ќе одигра четири натпревари, ќе го отвориме со победа.
„Пред сѐ очекувам новото издание од Лига на нации да го започнеме со добра игра против Бугарија. Противникот е квалитетен, но ако одиграме како што знаеме и умееме и го дадеме најдоброто од нас, мислам дека ќе ги освоиме бодовите. Секогаш очекуваме и се надеваме дека ќе добиеме шанса за настап. Наше е да бидеме максимално подготвени и мотивирани и на најдобар можен начин да ја искористиме шансата ако ни се укаже“, вњли Серафимов.
Давид Бабунски смета дека Македонија со резултатите што ги постигна во изминатиот период заслужува, но и треба да покаже на теренот дека е фаворит во групата со Бугарија, Грузија и Гибралтар.